Agricoltura

Da Wikipedia, l'ençiclopedia libara.
Jump to navigation Jump to search
La trebia e el tratore drio trebiando el frumento
« El primo omo el xera un contadin, e ogni nobiltà storica la se posta su l'agricoltura »
(Ralph Waldo Emerson)

L'agricoltura la xé el laoro de l'omo de coltivar specie vegetali. El fin prinçipal de l'agricoltura l'è otegnere prodoti da le piante, da doparare soratuto col fin de magnare. In economia l'agricoltura la fa parte del setore primario On patrono de l'agricoltura l'è San Prospero da Centuripe, Martire. N'te la tradision, l'agricoltura l'è popolarmente riferia al disfrutamento de le risorse vexetali par magnar e el disfrutamento de le risorse de orijine animal, o sia l'alevamento, el saria l'antitexi. Col fin sentifego e xuridego, tute e do le materie le xé comunemente unie soto la granda açesion de agricoltura, che la inbrasa difarenti laori come la coltivasion de piante (arboree, erbasee), l'arlevamento de le bestie e el disfrutamento de le foreste.

N'tel paleolitego, i omani i magnava co chelo che la tera ghe dava e catzando le bestie. Su par zò el 10.000 a.C., a la fin de l’ultima giasasion, calche grupo uman el ghea scumisia a organixarse par produre el magnare che prima de la giasasion catava e el catzava in bondansa, xé cusì che nase l'agricoltura. Le prime a esar coltivae le jiera le tere co tanta acua de le conche fluviali come el Nilo e la xona intra el fiume Tigri e el Eufrate, tere andove nasia cereali de vario xenare.

Storego[canbia | canbia el còdexe]

Orixane[canbia | canbia el còdexe]

Da la riçerca molecolare e archeoloxega xenerai n'tel corsi dei ultimi ani, njien fora che l'agricoltura la xé scumisiada n'tel mondo in modo indipendente so na area pì grande de chela che se pensava na volta, e semo drio parlar de almanco 11 rejon del vecio e del novo mondo le jera orixani indipendenti de l'agricoltura (se pole dire che l'agricoltura no la xé sta inventada solo da na persona o on grupo e dopo insegnada ad altri, ma che pì grupi de persone i a ga inventada in difarenti rejon del mondo), ste rejon le xé xeografegamente ixolae e le xé prexenti so caxi tuti i continenti[1]. El primo xvilupo l'è de çirca 11.500ani fa, indipendentemente n'te la mexa luna fertile e al Chogha Golan (n'tel chel che onco se ciama Iran), andove se inpiantava el orxo selvadego, gran e lenteje e dove le forme domestiche del gran le xé vegnue fora sirca n'tel 9800 aC[2]. L'agricoltura la se saria de conseguensa xvilupada sirca 10.000 anni fa traverso la domesticasion.

Anca se existe exenpi de insediamenti stansali prima che se scumisiase a coltivar, xé sta proprio col scumisiar de l'agricoltura che xé sta da el via al xvilupo de comunità che stava ferme so on posto. che pian pian le divegneva senpre pì grandi e che col tenpo le ga scumisià a struturarse faxendo vilaji e çità.[3]. L'economia de l'Egito la jera baxada so l'agricoltura e la xé stada tra le prime popolasion a doparar el versoro in legno, e la sapa, soratuto n'te la conca del Medio Oriente e del Mediteraneo, l'omo, na olta d'asada la vita da nomade par star fermo so on posto, el ga scumisià a domestegare le bestie. L'arlevamento el dava co sicuresa na major disponibilità de carne e de late, oltre che materie prime come la lana e peli fin a che no se ga scoerto i motori a s-ciopo, che la xé stada la pì inportante forsa de laoro come ajudo n'te l'araura e n'te la bonifega

El raporto intrà la proprietà de la tera e el rolo sociale, el jera divegnesto suito inportante. N'tel mondo clasego e latin, el sistema agraro el se baxava so la divixion de la tera in baxe a le exigense de la cità e sol 'ager publicus[4] oltre che n'te la rodasion ogni do ani, andove, in otuno, sirca metà de la tera la vegneva samenada co cereali e che l'altra metà la vegneva d'asada dormire. El segondo ano, vegneva invertie le tere. Sta pratega la se ciama .

Nove piante[canbia | canbia el còdexe]

Co jera drio el Medioevo jera rivae in Eoropa nove piante portae dai arabi: Rixo, coton, carubo, pistacio, spinaso, agrumo e dopo la descuerta de la Mèrica, xé rivà el mais, la patata, la Suca, el faxol, l'bajijo, el pomadoro, el pevaron, la papaya e la banana.

La prima rivolusion agricola[canbia | canbia el còdexe]

L'agricoltura baxada so la rodasion trienal e sol maxegà la xé restà dominante fin al XVII secolo.

In particolar, n'te le rejon del belgio n'te le Fiandre e n'tel Brabante el teren el jera poco fertile, ma el gran xvilupo del comerço de mare el ghea fato vegner pì granda la domanda de prodoti come el lino, le tele, i coloranti e el pano, l'orxo e il lupolo, la canapa, le corde e el tabaco e altre. La grandesa de la popolasion la favoriva el xvilupo de l' orticoltura e della fruticoltura. Se ghea scumisià a doparare nove tecneghe baxae so la rodasion plurienal e so la sostitusion del maxegà co le bestie, anca par otegnergine el conçime nadural.

Ste inovasion le xé vegneste da suito studiae da esperti eoropei e americani. L'Inglese Richard Weston el ghea vixità le provinçe flaminghe intorno al 1650 e el ghea dito n'te na so famoxa opara A discourse of husbandrie used in Brabant and Flanders el metodo de sti cua chel jera baxà so la rotaẑion de le colture (lino, rapa, avena, trifojo). I novi metodi i ghea dato nasita al cusita dito sistema di Norfolk, xeneralmente considarà el prototipo de na nova agricoltura, che grasie a la rodasion e altri aspeti, come le reçinsion, grandi axiende, el versoro in metal tirà da cavi e altri.. i ghea consentio a l'inghiltera de esportar grande cuantità de gran e farine n'tel periodo 1700-1770. Segondo Bairoch, el xvilupo de l'agricoltura in sto periodo, el ga contribuio a la rivolusion industriale, grasie a la domanda de novi versori e altri arnexi in metal.

Xovane condadina de fine Otoxento

La segonda rivolusion agricola[canbia | canbia el còdexe]

La rivolusion industrial la ga portà da le canpagne tanti laoradori che i se spostava verso altri continenti e/o grande çità. N'te le nostre xone, la migrasion la xé stada da le rejon del sud italia verso le rejon Piemonte/Veneto/Emilia e par contrastarla el governo ghea meso xò on pian de bonifeghe de tere goernadive che le vegnea doparae par farghe agricoltura.

N'tel corso del XIX secolo, i arnexi da laoro i xé mejorai, novi sistemi par samenare, nove samenti e de conseguensa nove piante che produxeva tanto (mais), la nasita de le machine agricole e dei conçimi chimeghi, i ghea dato vita a na granda ristruturasion rurale che la ga dato el via a la costrusion de nove altre machine e arnexi par tute le exijense laoradive agrarie. L'atività agricola la jera divegnua da là a poco de tipo industrial n'tei paexi ciapai ben economegamente, e n'tel contenpo n'tel eoropa del est, Merica latina, Axia e africa, xé restai grandi tere no coltivae, anca se se podeva farlo


Agricoltura moderna[canbia | canbia el còdexe]

N'tei secoli e sin a tenpi viçini al nostro anca n'tel mondo oçidental, l'agricoltura la ga vuo senpre primaria inportansa par el xvilupo dei popoli e dei inperi. Uncò la xé caxi senpre degnada de on atension superfiçal n'te le economie moderne e n'tel contenpo la continua a restar la fonte primaria de soravivensa e dei paexi pì poareti e indrio. L'inportansa de l'agricoltura l'è dimostrada dal fato de esar a tuti i efeti na siensa e de esar ormai al confine co tante altre siense come la xenetega e la bioloxia sia animal che vexetal.

Rivolusion verde[canbia | canbia el còdexe]

I goerni dei paexi industrialixai intrà el 1960 e la fin dei ani novanta, le ga butà drento te l'agricoltura la cusì ciamada rivołusion verde, o sia i ga investio tanto n'te la riçerca agricola, diretante n'tei canpi dei agricoltori, çercando altri sistemi par produre de pì. Dopo sti finansiamenti, se ga scumisià a xvilupar pestiçidi e fertilixanti, incorajando i agricoltori a dopararli a doparar ste nove tecnoloxie e rivolusionando le tradisional prateghe agrarie e co l'abandono e l'esinsion de tante varietà locali e tradisionali.

L'agricoltura moderna la se baxa senpre pì so l'imision de enerxia esterna al sistema soto forma de fitofarmaghi, mecanixasion, fertilixanti, inxegneria xenedega, tecnoloxia, se parla de conseguensa de agricoltura intensiva el contrario de l'agricoltura estensiva.

Dixendo in manjiera ciara che doparando na laorasion agricola intensiva masa spenxua, la xé na roba negativa e che ghe xé na continua cresita dei fabixogni de magnar mondiali, la neçesità de tegner basi costi del magnar, le tere coltivabili che le vien senpre manco e l'exijensa de coltivar anca n'te le xone andove saria mejo no farlo (a volte anca incuinae) e de dover otegnere prodoti de alta cualità nutrisional, ste situasion le mete i operadori davanti a na sfida granda.

Le laorasion tradisionali doparae prima de la rivolusion verde, le ghea el difeto de no esar in grado de dar prodoti de granda cuantità e economeghi e no i jera in linea co i standard de cualità de sicuresa inposti da la leje e de conseguensa par leje no se pole vendarli a livel industrial. Na parte de sta agricoltura tradisional, al dì de oncò la ciapa el nome de agricoltura biołoxega che la xé on gran toco de marcà, chel ga na gran rilevansa e de preso medio-alto.

D'altra parte l'agricoltura intensiva, la prexenta çerti problemi de sostenibilità e par sto motivo de ano in ano crese senpre pì l'exijensa de tecnoloxia de setor senpre pì atenta a le problemateghe anbientali. Intrà le solusion tecnoloxeghe, se ga vuo on mejoramento dei conposti chimighi (manco toseghi e duraduri). In sto modo de vedare, se ghe mete i O.G.M. Organixmi jenetegamente modifegai.

Lingambi foresti[canbia | canbia el còdexe]

  1. Larson, G.; Piperno, D. R.; Allaby, R. G.; Purugganan, M. D.; Andersson, L.; Arroyo-Kalin, M.; Barton, L.; Climer Vigueira, C.; Denham, T.; Dobney, K.; Doust, A. N.; Gepts, P.; Gilbert, M. T. P.; Gremillion, K. J.; Lucas, L.; Lukens, L.; Marshall, F. B.; Olsen, K. M.; Pires, J. C.; Richerson, P. J.; Rubio De Casas, R.; Sanjur, O. I.; Thomas, M. G.; Fuller, D. Q. (2014). "Current perspectives and the future of domestication studies". Proceedings of the National Academy of Sciences 111 (17): 6139. doi:10.1073/pnas.1323964111.
  2. "Farming Was So Nice, It Was Invented at Least Twice". Science. 4 July 2013.
  3. Bill Bryson, Breve storia della vita privata, Guanda [2010], 2011. 978-88-6088-415-2
  4. Nell'antica Roma, le leggi agrarie prevedevano che il terreno di patrimonio pubblico, frutto di conquiste militari, fosse concesso in uso ai contadini. L'ager publicus sparì intorno al II secolo d.C.