Esportasion

Da Wikipedia, l'ençiclopedia libara.
Jump to navigation Jump to search

En economia l'esportasion o in léngua inglexe export, xé la vendida in on altro Stato de beni e serivisi.

Descrision[canbia | canbia el còdexe]

L'esportasion, par cuanto ogni goerno el serca de esportare pì de cuanto chel inporta, par ver na balansa de conto co l'estero poxitiva, l'è comuncue regolada da leji fiscali e doganali e la vien controlada da parte del Ministro del trafego co l'estero che n'tel caxo de esportasion de particolari materiali, l'é l'unego chel pol autorixarghene l'esportasion.

N'tei ani pasai, par jutar i inprenditori cei a far conosar a l'estero el Made in Italy, xé sta fato on ente fato aposta l'ICE (abreviasion de Istituto nasional par el Trafego Estero). Xé grasie a sto ente, che i marchi italiani medio-cei i ga poduo farse conosare fora dal teritorio Italian, partesipando ai Padilioni Italiani a le Fiere Internasionali.

Co na axienda ga voja de tacar esportar i propri prodoti, oltre che a le lexi nasionali, la ga da vardar anca le lexi soranasionali, come i termini de resa co cui le merse le pole esar vendue, codificai n'tel Incoterms, e bixogna vardare anca i regolamenti e i costumi in vigore n'tel paexe verso cuale se esporta, savendo anca che speso bixogna domandare i Sertificai de orixane, Visti consolari, Sertificai fitopatoloxisi e altri documenti de xenare.

Bixogna tegnere in considerasion che par far na esportasion bixogna ver na garansia sol fato che i materiali spedii, magari n'tei altri continenti, i sarà pagai regolarmente, e so sta roba, xé le banche che le poe jutar in varie maniere, sia de finansiamento preventivo che de garansia sui pagamenti (de solito co fedejusion e letare de credito)

L'esportatore, el pole contar so n'altra figura profesional, el spedisioniere, che l'è incargà de organixar el trasferimento de chel che se vende.

Corelae[canbia | canbia el còdexe]