Suca

Da Wikipedia, l'ençiclopedia libara.
Jump to navigation Jump to search
Nuvola apps bug2.svg
Suca
Pumpkins.jpg
Stato de conservasion
Status iucn2.3 LC it.svg
Baso ris-cio (lc)
Clasificasion sientìfega
Regno:Plantae
Divixion:Magnoliophyta
Órdene:Violales
Fameja:Cucurbitaceae
Gènare:Cucurbita
Clasificasion filogenetica
Regno: Plantae
Órdene: Cucurbitales
Fameja: Cucurbitaceae
Nomenclatura binomiałe
Cucurbita
Linneo, 1753
Segui el Projeto Fórme de vita


Ła suca ( o zuca o zhuca) (nome sientifego Cucurbita maxima) xe na pianta deła fameja dełe Cucurbitaceae. El nome inglexe xe pumpkin, el todesco Kürbis, el sloveno búča, el taljan zucca. El fruto, ła suca vera e propria, el ga na forma tonda con na scorsa grosa verde o xała - arancion, quasi rosa, con diverse strie par longo. Ła polpa ła xe xała - arancion, dolse. Na suca ła pol rivare a pesare 80 kiłi. De pregio xe ła varietà marina de Cioxa.

Storia[canbia | canbia el còdexe]

Ła suca ła xe originaria deł'America Centrałe. In Mesico xe sta trovà semense de suca del 6 - 7000 avanti Cristo. Ła suca ła xera el magnar baxe dei pełerosa fin dai ani prima ke rivase i pełegrini dał'Eoropa suła costa atlantica.

Proverbi[canbia | canbia el còdexe]

  • Łe suche vode vien senpre a gała vol dir " ł'ignoransa no se sconde, se uno no sa łe robe, no xe informà, no'l sa ben quel ke dixe, prima o dopo salta fora ".
  • o prima o dopo se fa anca łe suche vol dir "coła gente bixogna aver pasiensa: prima o dopo i ghe riva anca łori a intendare quel ke ghe xe da intendare ".
Na suca

Proprietà[canbia | canbia el còdexe]

Ła suca ła ga tanta vitamina A, C, calcio, potasio e fosforo. I so anti-osidanti naturałi i fa ben par ła prevension del cancro.

Par 100 g de suca ghe xe:

  • 0,60 g de proteine totałi
  • 0 g de lipidi totałi
  • 3,40 g de glucidi totałi
  • 0,70 g de amido
  • 2,70 g de glucidi sołubiłi
  • 1,30 g de fibra
  • 20 mg de calcio
  • 0,90 mg de fero
  • 1 mg de sodio
  • 202 mg de potasio
  • 40 mg de fosforo
  • 0,03 mg de vitamina B1
  • 0,02 mg de vitamina B2
  • 599 mcg de vitamina A
  • 0,50 mg de vitamina PP
  • 9 mg de vitamina C
  • 94 g de aqua

Magnari coła suca[canbia | canbia el còdexe]

Rixi e suca[canbia | canbia el còdexe]

Par 4 persone ghe vol:

  • 500 g de polpa de suca
  • 240 g de rixo Vialone nano de Grumoło dełe Badese
  • 1 sioła picoła
  • 50 g de buro
  • 4 cuciari de ojo de oliva veneto
  • 3 cuciari deformajo grana padano gratà
  • sałe
  • pevare

Tritare fina fina ła sioła e desfrisarla in na farsora dove gavemo xa scaldà ł'ojo. Tajare a toketi ła suca cavando łe semense e versarli 'nteła farsora, xontando 2 - 3 cuciari de aqua, sałe e pevare. Dopo 15 minuti versare drento el rixo e mis-ciare de continuo, xontando aqua sałada quando ke'l rixo se suga masa. Quando ke'l xe coto el rixo, se xonta, al bisogno ancora sałe e pevare e dopo el buro e el formajo gratà, mis-ciando tuto. Vin ke ghe va ben insieme: Custoza, Pinot bianco dei Cołi Berici.

Subioti coła suca[canbia | canbia el còdexe]

Par 4 persone ghe vol:

Metare in na pignata ł'ojo e ła sioła trità scaldando finkè no ła diventa bionda. Xontare metà deła suca tajà a cubeti, mis-ciare pian pian bagnando con vin bianco. Far sfumare e versarghe sora mexo minestro de aqua calda e regołare de sałe e pevare. cuxinare par altri 10 - 15 minuti. con un mixer frułare el paston finkè no'l diventa beło fiso. Ł'altra metà deła suca vien tajà a bastonsini e fata desfrizare in na farsora col buro, ł'ojo e łe foje de salvia, prima con fogo alto e dopo baso, par 10 minuti e dopo spolverare de timo fresco, regołare de sałe e stuare el fogo. Intanto se ga coto i subioti e i se versa 'nteła farsora. Se fa saltar tuto versandoghe sora el paston de suca fato prima. servire co na gratada de formajo Axiago stravecio.