Wikipedia:Sìncue piłastri
rimandamento da Wikipedia:Çincue piłastriTute łe linee guida de Wikipedia, łe se baza so sìncue piłastri, che i ghene definise łe so carateristighe:
Wikipedia ła ze na ensiclopedia che ła detien i tìpeghi ełementi de łe ensiclopedie "zenèreghe", de łe ensiclopedie "speciałizae" e dei almanachi. Wikipedia no ła ze na cołesion indiscriminà de informasion. Donca, no ła ze na fonte primària ma pìtosto un strumento de divulgasion secondària; no ła ze on disionario né on palco par comisi, gnanca on jornałe; no ła ze gnanca on sito indove far de łe promosion, nó ła ze gnanca na web directory e gnanca on ponto de reunion indove scrìvar łe propie prefarense, esperiense o argomentàsion; tuti cuèłi che i contribuise in sta ensiclopedia, i gavaria sforsarse de segùir ła pułìtega baza so ła verifegabiłità e sol divieto de riserche orizenałi.
Wikipedia ła gà on ponto de vista neutrałe, el che signifega che nó se deve esprimare on singoło ponto de vista inte łe voze. Cuindi a volte cuésto richiede de riportar łe diverse teorie inerénti a ła voze tratà; tałi teorie łe ga da esar raprezentae in modo ciàro, inparsiałe e có'l suporto de łe fonti, in modo da parmetere a chi che leze de conprendare cuàłe ponto de vista ła teoria raprexénte. Nisun ponto de vista el ga da esar riportà cofà "ła mejor teoria" o cofà "ła verità", ma el ga da esar el pì posibiłe suportà da fonti atendibiłi, spesalmènte inte łe voze rełative a argomènti zeneralmènte controvertii. Inte el cazo che nasa de i radeghi sirca ła version da ritegnerse mazormènte neutrałe, ze nesesario blocar ła voze e prosedare a ło sviłupo de ła istesa tramite el confrònto inte ła pajina de discusion, seguendo ła prosedura par ła risołusion de i radeghi.
Wikipedia ła ze libara, el so contenuo el ze donca canbiàbiłe da tuti. Tuto el testo el vien rilasà soto łe license Creative Commons Atribusion-Condividi inte el 'steso modo (CC-BY-SA) e GNU Free Documentation License (GFDL) e el pol esar cità o distribuio in acordo a ste license. Se tegna prezènte che łe vozi łe pol vegner canbiae da calsiasi persona e no łe ze soto el controło de na persona sìnguła; de consevensa calsiasi voze zontà o canbià ła pol esar a so volta canbià libaraménte e redistribuia da ła comunidà. No sta métar materiałe protezesto da copyright o co license mia conpatìbiłi co ła CC-BY-SA.
Wikipedia ła gà on còdaze de condota: core respetar cadaun wikipedian anca co no te si de acordo co calchiduni; bezogna conportarse sivilmènte, sercando de ełèzare denomenà WikiLove e evitando ràdeghi de intarese, atachi personałi o fàsiłi zenerałizasion; sercando el consenso, se evitè inutiłi edit war, sercando oncora na volta de no rencórare a reiterai reprìstini de pajina; ricòrdate che ghe ze 69 351 voze inte ła Wikipedia Vèneta andove laorar e discùtare; asiona in bona fede sensa mai danejar Wikipedia par sostegner el pròpio punto de vista e prezumendo, anca inte el vałutar el laoro de altri, ła istesa bona fede. Serca de èsar verto inte ła magnera pì pacada pusìbiłe inte i raporti intràwikipediani.
Wikipedia no ła ga regolamenti fisi, a parte de sti sìncue prinsipi inlistai in sta pajina. Serchè donca de no èsar tìmido inte el canbiar łe voze, parché el piaser de contribuir no el dimanda par forsa de rivar a ła perfesion, nonostante el sìpie sto cuà el fin ùltemo de l'ensiclopedia. No sta mia ver paura de far canbiamenti: tute łe version presedenti de na voze łe vien salvae, motivasion par ła cuałe inposibiłe danejar Wikipedia de magnera iriparàbiłe. Ma recordè che, inte ła istesa magnera, tuto cueło che vegnarà scrivesto, el vegnarà conservà anca par i pòsteri.