Trevizo

Trevizo

Treviso (it)
Pozision
45°40′00″N 12°15′00″E45°40′00″N, 12°15′00″E (Trevixo)
Stato	Itàłia
Rejon	Vèneto
Provinsa	Trevizo
Cavedałe de	Trevizo Dipartimento del Tagliamento (it) Marca trevixana
Popołasion
Totałe	84 607 (2023)
Densità	1 522,26 hab./km²
Zènaro	44 308 (%52,4)   (%47,9) 40 529
Demònemo	trevizani ,
Idioma	italian
Zeografia
Àrea	55,58 km²
Bagnà da	Sil e Botteniga
Altitùdene	15 m
Rente a	Carbonera   Siłea   Viłorba   Zero Branco   Pregansioło Paeze Ponzan Cazier Cuinto
Dati istòreghi
Dì festivo	Festa patronałe(27 de apriłe)
Patrono	San Łiberałe
Organizasion pułìtega
Sìndico de Trevizo	Mario Conte (it) (11 de zugno del 2018)
Còdazi de identifegasion
Còdaze postałe	31100
Còdaze de matricołasion	TV
Fuzo oràrio	UTC+1 UTC+2
Clasifegasion climàtega	clima subtropegałe ùmido
Prefiso tełefònego	0422
ID ISTAT	026086
Còdaze catastałe de Itàlia	L407
Premi  medaja al Vałore Miłitare
Sito web	comune.treviso.it

Trevizo (o anca Travizo, par vecio trevizan) ła ze na sità de 83 167 àneme, caòłogo de ła provinsia de Trevizo.

Trevizo ła ze anca caòłogo de ła Marca Trevizana, tera che da l'alta età de mezo ła ze famoza par ła richesa culturałe econòmega. Ła ze situada a'l sentro de ła pianura vèneta a ła confluensa de'l Boteniga e de i só rivi inte'l fiume Sil e pozada su łe tre cołine de'l Domo, de Piasa de i Siori e de Sant'Andrea. Ła ga na diosezi tanto granda, che ła va oltra anca a i confini de ła provinsia, fin a ła provinse de Pàdoa e Venèsia.

Zeografia

Trevizo ła se cata inte ła pianura veneta, sirca a 15 chiometri a sudovest de ła riva drita de ła Piave a ła confluensa intrà el Sil, fiume de sortiva, el Boteniga, che, risevui ła Linbraga e la Piavezeła el riva fin in centro, e el se devide inte tanti canałi (Cagnan grando, Cagnan mèdio o Buranei, Rogia o Sileto, el Canal de le Convertie), e ła Storga, che ła banja el comun a est.

Clima

El clima de Treviso el ze de tipo subcontinental, prezentando caratarìsteghe anałoghe che łe se cata in zènare inte ła pianura Padano-Veneta, anca co łe dovute e molteplise variasion microclimàteghe a segonda de łe zone. I inverni i ze moderatamente fredi e łe istà calde e stòfeghe. Ła meze de tenparadure mìneme inte'l trimestre invernałe ła ze soto zero, co frecuenti jasi, spesialmente inte i parìodi de stabiłità atmosfèrega co cielo sereno. In 'ste situasion łe tenparadure mìneme łe pol desénder de diversi gradi soto el zero.

I epizodi nebiosi, a volte persistenti par tuto el dì, ghe ze sopratuto inte łe aree a sud de'l sentro Istòrigo. Ła neve a Trevizo ła se prezenta, co o sensa acumuło inte ła major parte de łe stajon invernałe, anca se ła pianura trevizana ła ze de sòłito co manco neve che altre aree de ła pianura Veneta e speso ła muda rapidamente in piòva. Se ga de considerar anca che Trevizo ła se cata inte ła parte orientałe de ła Pianura Veneto-Furlana e ła ze esposta a łe mase de aria continentałe da Est che, se bastansa intense, łe pol portar a dì de jaso.

'Sto fenomeno el ze senpre manco frecuente inte i ùltemi ani, anca se in desenbre 2009 ła sità ła ga visto na nevegada asae intensa.

Łe istà łe ga un evidente fenòmeno de "izoła de całor" che spesie in serti parìodi ła aflize el sentro stòrego. Durante łe fazi caraterizàe da ła prezensa de l'Antisiclon Subtropical, che inte i ùltemi 15 ani el se cata praticamente in onji stajon estiva, durante łe ore de note el caldo inte ła area inte el interno de łe Mure el pol èsar consistente e determenar vałori de tenparadura supariori anca de 4-5 gradi respeto a łe zone parifèreghe. Durante l'istà łe fazi calde łe pol èsar vełosemente interote da infiltrasion d'aria fresca che speso ła cauza fenòmeni anca viołenti, co tenpèsta e downburst. Łe presipitasion medie anue łe superava i 900 mm, oncò łe ze de poco soto e i vałori màsemi i se cata inte l'autun e inte ła primavera.

Aeroporto de Trevizo	Mizi												Stajon				Ano
	Zen	Feb	Mar	Apr	Maj	Zug	Luj	Ago	Set	Ot	Nov	Dis	Inv	Pri	Ist	Aut
T. max. mèdia (°C)	7,9	10,2	14,7	18,9	23,7	27,7	30,2	30,1	25,0	19,1	13,4	8,8	9,0	19,1	29,3	19,2	19,1
T. mèdia (°C)	3,3	5,0	9,3	13,4	18,4	22,4	24,6	24,3	19,3	14,2	9,1	4,2	4,2	13,7	23,8	14,2	14,0
T. min. mèdia (°C)	−0,3	0,6	4,5	8,3	13,1	17,1	19,1	18,9	14,4	10,1	5,5	0,8	0,4	8,6	18,4	10,0	9,3
T. max. asołuta (°C)	16,3 (1997)	23,9 (2021)	25,8 (1977)	31,6 (2011)	33,4 (2003/2009)	38,5 (2019)	37,7 (2022)	40,0 (2003)	33,0 (1973/1985/2020)	28,0 (2001)	24,6 (2004)	16,5 (2016)	23,9	33,4	40,0	33,0	40,0
T. min. asołuta (°C)	−14,2 (1985)	−11,0 (1991)	−8,0 (2005)	−2,0 (2003)	1,8 (1979)	6,8 (2001)	9,9 (2000)	8,7 (1968)	4,0 (1972)	−2,2 (2003)	−5,8 (1975)	−11,4 (2009)	−14,2	−8,0	6,8	−5,8	−14,2
Dì de całura (Tmax ≥ 30 °C)	0	0	0	0	1,6	8,6	17,3	16,6	2,1	0,0	0,0	0,0	0,0	1,6	42,5	2,1	46,2
Dì de zeło (Tmin ≤ 0 °C)	16,8	12,3	2,5	0,1	0,0	0,0	0,0	0,0	0,0	0,2	3,4	13,7	42,8	2,6	0,0	3,6	49,0
Dì de jaso (Tmax ≤ 0 °C)	0,1	0,0	0,0	0,0	0,0	0,0	0,0	0,0	0,0	0,0	0,0	0,1	0,2	0,0	0,0	0,0	0,2
Nùvoło (okta al dì)	4	3,8	3,8	4,1	4,0	3,4	2,8	2,7	3,4	4,1	4,5	4,0	3,9	4,0	3,0	4,0	3,7
Precipitasion (mm)	45,2	50,9	60,0	76,3	99,2	83,0	71,9	73,0	97,7	78,0	94,2	63,9	160,0	235,5	227,9	269,9	893,3
Dì de piova	5,4	5,2	5,8	8,5	9,1	8,2	6,9	6,6	6,7	6,8	8,4	6,4	17,0	23,4	21,7	21,9	84,0
Umidità rełativa mèdia (%)	77,6	73,8	70,5	70,1	69,8	69,5	68,0	68,1	70,6	75,7	79,1	78,7	76,7	70,1	68,5	75,1	72,6
Ore de sołe par meze	153,8	166,9	196,2	200,1	245,8	248,1	293,6	260,4	204,9	166,5	132,0	151,3	472,0	642,1	802,1	503,4	2 419,6
Presion atm. a 0 metri s.l.m. (hPa)	1 019,9	1 018,2	1 016,4	1 014,2	1 014,6	1 014,7	1 014,3	1 014,7	1 016,1	1 017,5	1 016,9	1 019,4	1 019,2	1 015,1	1 014,6	1 016,8	1 016,4
Presion de vapor (hPa)	6,5	6,8	8,6	11,0	14,8	18,9	21,0	20,8	16,5	13,3	9,9	7,1	6,8	11,5	20,2	13,2	12,9

El nome

Par che el nome Tarvisium el venja da na romanizasion de n’altra paroła che ła ze refarìa a i Taurusci, povoło de area séltega, che el stava su i Monti Tauri a ła fin de łe Alpe Orientai e che se pensa che el gavese costruìo ła prima comunidà trevizana. No manca njanca chi che'l taca el nome a l' indoeuropeo tarvos (toro) co'l sufiso –isium come che fazéva i Romani. N’altra opinion ła se refà a'l gàłego trev- dopo canbià in tarv-, che el vołeva dir "viłajo de łenjo". N'altra ipòteze ła ze cueła che el nòme el venja da na statua co tre vizi che ła dovéa star in beła mostra inte ła piasa sentral. Par ùltema ghe ze ła ipòteze de ła derivasion da do parołe romane, Ter- e –visi, che łe corespondeva a tre cołi, andove deso A ghe ze el Domo, ła Piasa de i Siori e ła Piasa de Sant'Andrèa, dove che saria stà fondada ła sità.

Monumenti

Sendo sede de ła Diosezi de Trevizo, in sità ghe ze ła Catedrale, conosùa come Domo de Trevizo, e altre inportanti cieze. Tra łe architeture siviłi A se senjała el Pałaso dei Trezento.

Urbanistega

Sudivizion ministrative

A'l comun de Trevizo no partien ufisialmente njanca na frasion, ma a'l de fora de'l sentro stòrego A se conta numarozi cuartieri e soborghi che de frecuente i ciapa el nome da ła parochia prezente. A sud de'l corso de'l Sil, partindo da ovest, se cata:

• Canisan
• Sant'Ànzoło
• Santa Maria de'l Sil (Borgo Sil)
• San Zen
• San Łazaro
• Sant'Antonin

A nord:

• Sant'Izepo
• Monigo
• Santa Bona
• San Poło
• San Łibaral
• San Pałé
• Madona Rovare (Santa Maria de'l Rovare)
• Selvana (anca nota cofà "Selvana Basa", atual nucleo de'l cuartier, par destinvarla da ła banda pì a nord oltra vial brigada marche, pì antiga ma manco povołada)
• Fiera (pì presizamente, Sant'Anbrozio de la Fiera).

Łocałità menore łe ze El Ciodo (cinta eztramuraria a nord); Sant'Artien (S.Maria del Rovare); Łe Corte (S.Maria del Rovare-S.Pelajo); Borgo Furo, Pałe de'l Cornain (S.Bona); Buza de l'ojo (S.Bona-S.Pelajo); Roncole, Łovera (S.Pelajo); Caze Sanbugołe (Selvana); Viła Pendoła (Fiera); ła Ghirada, Borgo Mestre(S.Zen); Mure, San Vidal, Confin (Canizzano); Sant'Ànzoło baso (S.Angelo); Ła Moncia, Capełeta(S.Izepo-aeroporto).

Evolusion demografega

Abitanti censii

Zemełaji

• Orliens, Franza (13/9/1965 - 18/12/2007)
• Caen, Franza
• Timisoara, Romanìa
• Curitiba(stato del Paraná), Brasil

Spor

Ste cua łe xe łe scuadre sportive piesè inportanti de ła sità:

• Benetton bałacanestro Treviso
• Sisley pałavoło Treviso
• Trevixo Foot-Ball Club 1993
• Benetton rugby Treviso