Cazałe sol Siłe

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Casałe sol Siłe
Casałe sol Siłe/Casal sol Sil
comun
Casale sul Sile-Stemma.png
Casale Sul Sile.JPG
Cànbia el vałor in Wikidata
Locałixasion
StatoItàlia Itàlia
RejonVèneto – stema Vèneto
ProvinsaTrevixo – stema Trevixo
Teritorio
Coordinae45°36′00″N 12°20′00″E / 45.6°N 12.333333°E45.6; 12.333333 (Casałe sol Siłe/Casal sol Sil)Coordinae: 45°36′00″N 12°20′00″E / 45.6°N 12.333333°E45.6; 12.333333 (Casałe sol Siłe/Casal sol Sil)
Altitudinem s.l.m.
Superficie26km²
Rezidenti13 032 (1° xenaro 2018) Cànbia el vałor in Wikidata
Green Arrow Up.svg37 (2017)
Densità363,54 ab./km²
FrasionConscio, Lughignano
Comuni confinantiCasier, Mojan, Preganziol, Quarto d'Altino (VE), Roncade, Silea
Altre informasion
Còd. postałe31032
PrefisoErrore Lua in Modulo:Prefisso_telefonico alla linea 19: attempt to call field '_main' (a nil value).
Soranome026009
Còdaxe catastałeB879
TargaTV
Nome abitanticasalesi
Carte interative
Sito istitusionałe

Cazałe sol Siłe (pronunsa tradisionae [kaˈzal], [kaˈzae]) el ze un comun de 12 908 abitanti[1] de ła provincia de Treviso.

Zeografia[canbia | canbia el còdaxe]

El teritòrio el ze totalmente pianejante[ e el ze caraterizà da tereni de arziła e inpermeàbiłi che i favorise ła rete ìdrega superfisałe: ghe ze tanti fosi e canałi de scoło cofà ła Severa, el Bigonso, el Serveto e el Rioło. Co l'èsarghe de precipitasion intense, połe verifegarse de łe inondasion.

Parsuposto, el fiume prinsipałe de Cazałe el ze el Siłe, el cuało el core arente el sentro sitadin, dełimitàndoło in tuto el canton nord-orientałe. Inte l'àrzare a ła drita del sentro, se ghe połe catar el Porto de Cazałe, anca ciamà portezoło, el cuało el ze meta de barchese e houseboat par via de ła so bełesa estètega.[2]

Ghe ze anca altri fiumi pi picenini: El Bigonzo, de 12,78 km che el nase a Setecomuni de Pregansiol e el se unise al Siłe a Cazałe

Ła Severa, fiume che el core par 16,34 km da Cuinto de Trevizo a Cazałe e el se buta inte el Siłe arente de Via Valli.

Orìzeni del nome[canbia | canbia el còdaxe]

El topònemo Cazałe, racuanto difondesto inte ła penìzoła itàłega, el deriva dal latin casalis, "ceo insediamento rurałe". Xe proàbiłe, de fati, che za inte l'època romana el paeze el fuse un vicus, o sia un paezin de canpagna inte el confin intrà i agri de Trevizo e Altin.

Ła definision "sol Siłe" ła ze in dòpara fin da ła època medievałe (Casale Silerii, 1101; villa Casali super Silerem, 1257), ma ła ze stada ufisalizada solché inte el 1868.

Istòrego[canbia | canbia el còdaxe]

El paeze el ze sta cità ła prima volta inte un documento del 1101, fato a Casałe Silerii.

Un primo nùcleo de Cazałe sol Siłe el ze sorzesto inte el medioevo da torno del casteło, a pianta cuadra e provedesto de na tore, che i da Camin, siori de Trevizo, i ghea doparà inte el ndar de ła lota contro i Venesiani. Ła fortesa ła se trovava inte na pozision stratèzega: so ła riva drita del Siłe, ła podea controłàrghene i tràfeghi. La funsion stratèzega e difensiva de l'edifegà ła zera potensiada anca da na gałaria soterànea de traversamento del fiume arente, seguramente - par i tenpi - de azardada e àrdua fatibiłesa, dopo sprofondada, e del cuało se połe oncora védar l'inbocaura rudenada inte ła baze de ła tore. Inte el da drio de st'ùltema łe ze invese vedìbiłi łe segrete, andove sventurai forałeje e 'nemighi' venesiani i vegnea inprezonai. I Cararezi i ghea slargà el casteło cazałeze zontàndoghe na seconda tore, cheła che oncora uncó che ghe ze, difarentemente cueła orìzenària cascada.

El casteło (a diferensa de numarévułi altri che i ze stai interai dai Venesiani) el ze sta restaurà inte el 1418 da Guido Canal, podestà de Trevizo, e el zera sta doparà cofà abitasion rurałe. Inte l'Otosento cuel poco che ne restava el ze sta desfà, Uncó ła tore (ła restante) dei Cararezi ła ze stada restaurada (propietà fam. Tonolo) e ła ze integrada inte un parco privà perfetamente curà, ma gnoncora vizitàbiłe da ła popołasion.

Evołusion demogràfega[canbia | canbia el còdaxe]

Controło de autoritàVIAF (EN151431909 · WorldCat Identities (EN151431909
  1. http://demo.istat.it/bilmens2020gen/query.php?lingua=ita&Rip=S2&Reg=R05&Pro=P026&Com=9&submit=Tavola
  2. Parcosile.it, parcosile.it, http://www.parcosile.it/it/pun_dettaglio.php?id_pun=1846. entrada il 6 de zugno del 2020.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cazałe_sol_Siłe&oldid=1063952"