Revine Lago

Da Wikipedia, l'ençiclopedia libara.
Revine Lago
comun
Revine Lago – Panorama
Locałixasion
StatoItałia Itałia
RejonVèneto – stema Vèneto
ProvinsaTrevixo – stema Trevixo
Teritorio
Coordinae46°00′00″N 12°16′00″E / 46°N 12.266667°E46; 12.266667 (Revine Lago)Coordinae: 46°00′00″N 12°16′00″E / 46°N 12.266667°E46; 12.266667 (Revine Lago)
Altitudine225 m s.l.m.
Superficie18km²
Abitanti2119
Densità117,72 ab./km²
FrasionRevine, Lago, Santa Maria (Sede Municipale)
Comuni confinantiCison di Valmarino, Limana (BL), Tarzo, Trichiana (BL), Vittorio Veneto
Altre informasion
Còd. postałe31020
Prefiso0438
Còdaxe ISTAT026067
Còdaxe catastałeH253
TargaTV
Nome abitantiPar la frazione di Revine: Revinòt (dialettale)
PatronoSan Matteo (Revine); San Biagio (Lago)
Dì de festa21 setenbre; 3 febraro
Carte interative
Sito istitusionałe

MusicBrainz: b8045e13-d7c4-4452-a13f-88d2b9ece805

Revine Lago l'é un comùn de 2119 abitanti che el se cata inte el nord de ła provincia de Trevixo tra łe prealpi e i laghi de Lago e S. Maria.

Al Teritòrio[canbia | canbia el còdaxe]

Al comùn de Revìne Lago al'é diviso in dó zone principài: al versante sud de'e Prealpi e'l fondovàl.
La prima zona al'è costituìda da na riva jerta de bosc, che i parte dae zìme de'e Prealpi (Monte Cor, La Posa, Piàn déle Fémene), situade a quota 1200–1300 m. alinzìrca, e i rìva fin dó da bàs.
In téa parte da bàs ghe n'é i laghi, o làc, Lago de San Giorgio (fraziòn de Lago) e Lago de Santa Maria (fraziòn de Santa Maria), a ła quota de 224 m., e na modesta area pianegiante.
Tra le dò zone al'é i insediamenti, spés dove che l'é i tanti conòidi derivàdi dal'erosion de łe montàgne. Fa anca part del comùn na modesta zona coinàre a sud-est.

I Insediamènti[canbia | canbia el còdaxe]

Al comùn el ga dò paesi principài: Revìne e Lago, de alinzìrca 900 abitanti paròn. Revine l'é situada a est e la se estende su tuta 'a superficie del conoide del torènte Grava (o Pavèi). Al'é sede arcipretàe, el ga tre Ceze (San Matèo, San Franzesco da Paola e San Marco), na bibioteca, na banca, tre hostarìe e svariàdi negozi. Al zéntro storico, tanto caraterìstico, al òcupa tuta 'a parte alta del paese. Il patròn l'è San Matèo.
Senpre rénto 'a paròchia de Revìne l'é le locaità "le Sélve", a sud-est, e "le Fornàs" (Fornaci), a sud-ovest (dove che lé a zona artigianae).

Spostandose verso ovest catén la frazión de S. Maria (250 abitanti), che la é sóte 'a paròchia de Lago. Sicóme la é in mèzo tra i dó paesi principài, i la ga fàta deventàr sede munizipàe, e ghe n'é anca la scóła elementare là da vizìn.

Lago al'é in rìva al làc, al patròn l'è San Giorgio. La zona nóva la va a est drìo S. Maria e a ovest drìo Socròda, na locaità che la cónta alinzìrca 50 abitanti.

Storia[canbia | canbia el còdaxe]

Svariàdi reperti (resti de pałafìte, pónte di fréce, ceramiche) i testimonia che i òmeni i èra zà dal tardo Neolitico (alinzìrca sìemiła àni fa), ma ghén ga rivà de pì dopo le invasion dée tribù celtiche (IV-II sec. a.C.) e dopo déa conquista romana Romani (II sec. a.C.).

Zà da prima déa caduta del'Impero Romano tùta 'a zona l'é stata ocupàda dai Goti, dai Franchi e dai Longobardi (la zona la dovéa èser parte del Ducato de Zèneda). 'Sti quà i ga edificà la Ceza de San Martìn (adès ghen'é sólche qualche piéra), invocà par contrastàr i eretici.

Col Sacro Romano Impero (dal 773) e par tùt al medioevo la zona l'é stata tajada in vari feudi: Revìne l'èra sóte i béscovi, Lago sóte i Da Camino. In 'sto periodo l'é naséste le regole, na antica forma de autogoerno par al sfrutamento razionàl del teritorio, restae su fìn a Napoleone.

Pì avànti, al teritorio l'é pasà sóte a ła Serenissima che l'é cascàda in tél 1797 co l'é rivà Napoleone. Dopo Revìne e Lago i é pasàdi sóte l'Impero Austro-Ungarico, e dopo oncora sóte ła Francia, e pó da nóvo sóte l'Austria, che li ga comandàdi fìn al 1866, co el Veneto al se 'o ga ciòt su al Regno d'Italia.
In tél 1871 i ga inventà al comùn de Revìne-Lago, zontàndo i dó centri che prima i èra divisi.

Però i austriaci i se ga fàt sentìr da nòvo in téa prima guèra mondiałe, quando che el Friuli e na parte del Veneto i é pasàdi ai Imperi Centrali. In téa zona ghe n'é stati gran combatimenti, visto che l'èra vizìna al confìn, da ła bataja del Sostizio fìn a ła battaglia di Vittorio Veneto.
In téa seconda guèra mondiałe]] le montàgne sóra Revìne Lago le ga favorì la formaziòn de diverse brigate partigiane (Tolot, Mazzini, Nannetti). Tùt al paese el ga pianzést in 'sto periodo tanti ma tanti martiri par la libertà: par esènpio Ermando Grava, che el véa pena conpì disdòto àni co i o ga ciapà, i o ga torturà e dopo copà sóte i òci de só màre.

Posti de interese culturàl[canbia | canbia el còdaxe]

A Revine, l'é da ricordàr al Castèl de Monte Frascone (XIII sec.), co na cinta muraria anteriòr a tùt al complèso. L'é stàt spacà a ła fin del Dosènto dai conti de San Martìn Bialo e Gelo. Na parte del castèl l'é stata fàta su da nóvo a ła fin del Siezènto, co l'é rivà a stàrghe al piovàn don Giovanni Domenico Cumano.
In tél santuario de San Franzesco da Paola, costruì téi primi del Setezènto, l'é na picoła pinacoteca che la racoje opere de pitòri póc conosésti, ma no de manco lustro.
Da ricordàr l'é anca la ciesa parochiale de San Matèo (XVII sec., i la ga tànt rimanegiàda) co na pała atribuida a Egidio Dall'Oglio.
Il paese l'é tànt interesànte anca par i só pòrteghi, i burigòt e le case in piera.

A Santa Maria l'é interesante la ciesa che, ricordada in tél testamento de Sofia de Collalto (1170), l'é una de łe pì vècie déa zona. Drénto ghe n'é opere de Francesco da Milano e de Egidio Dall'Oglio.

Anca Lago al'é particołàr par il só inpianto urbano, fàt de vie stréte, e par le vècie costruziòn.

Evołuzion demografica[canbia | canbia el còdaxe]

Abitanti censii

Controło de autoritàVIAF (EN247816428 · WorldCat Identities (EN247816428
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Revine_Lago&oldid=1030577"