Pióva

Da Wikipedia, l'ençiclopedia libara.
Va a: navigasion, serca
Piova intensa

Ła pióva ła xé ła fórma pi comùn de precipitasion atmosfèrega e ła se fórma có che jose separae de aqua łe va xó al sóło da łe nùvołe. Na scianta de ła pióva che ła casca da łe nùvołe no ła xé bona a rivar a ła superfise e evàora 'ntel'àrie có che ła casca, spesialmente si ła traversa aria séca (sto tipo de precipitasión ła xé ciamà virga).

Ła pióva ła xóga un róło inportantìsimo 'ntel sércio del'aqua, 'ntel qual el łìqueo chel evàora dai mari el se condensa 'nte łe nùvołe e el casca de novo a tera, poi tórna indrio 'ntei mari co łe corénti e i fiumi par ripètare de nóvo el sércio.

Tuta ła pióva che ła casca ła xé mixurada en miłìmetri: na precipitasion de 1 mm ła xé come dir che su na superfisie a caxo ghe xé cascà na quantità de aqua alta dapartuto 1 mm. Ła mixura la xé indipendénte da ła grandesa de ła superfisie considarà.

Proverbi e modi de dir[canbia | canbia el còdexe]

  • Al pjou a sece reverse (al piou tant)
  • La pioa da Belun no la bagna gnessun (proverbio de Feltre, par dir che la pioa no la gnen mai da matina)
  • na pjoa de stajon la val de pì de 'n car de oro de 'l paron.

Curjosità[canbia | canbia el còdexe]

  • Se la pjoa la gnen do a gože tant grosse da parer quasi tenpesta la gnen ciamada frada.
  • Se la pjoa co la chei te 'n foss la fa i stcioss, cioè la fa bole par sora, la ghe 'n ciama ancora.
  • Se durante la pjoa na superficie de croda, jara, cimento o asfalto la "fuma", alora gnen ancora pjoa.
  • Na olta par conbater al sech se ndea a tor la pjoa, cioè se fea de le procession ciamade rogažion par dirghe sù oražion a San Maoro o a Santa Rosia.