Belun

Da Wikipedia, l'ençiclopedia libara.


Globe icon.svgBelun
Belluno-Stemma.svg
Someja


Pozision

46°08′27″N 12°12′56″E / 46.140833°N 12.215556°E46.140833; 12.215556 (Belun)Coordinae: 46°08′27″N 12°12′56″E / 46.140833°N 12.215556°E46.140833; 12.215556 (Belun)

StatoItàlia
RejonVèneto
Provinsa Bełun Cànbia el vałor in Wikidata
Cavedałe de
Popołasion
Totałe35 710 (1° de zenaro del 2018) Cànbia el vałor in Wikidata
Red Arrow Down.svg−166 (2017)
Densità242,56 hab./km²
Zènaro
left 18 641 (%52.2)16 881 (%47.3) Òmani
Zeografia
Àrea147,22 km²[1] Cànbia el vałor in Wikidata
Altitùdene390 m Cànbia el vałor in Wikidata
Rente a
Dati istòreghi
Dì festivo
Festa patronałe

(11 de novenbre) Cànbia el vałor in Wikidata

PatronoMartin de Tours Cànbia el vałor in Wikidata
Còdazi de identifegasion
Còdaze postałe32100 Cànbia el vałor in Wikidata
Còdaze de matricołasionBL Cànbia el vałor in Wikidata
Fuzo oràrio
Prefiso tełefònego0437 Cànbia el vałor in Wikidata
ID ISTAT025006 Cànbia el vałor in Wikidata
Còdaze catastałe de ItàliaA757 Cànbia el vałor in Wikidata
Premi

Sito webcomune.belluno.it Cànbia el vałor in Wikidata

Facebook place: comunebelluno Twitter: comunebelluno Youtube: UCyaZC269HjiXaSDf_0X8GBg MusicBrainz: de390b4b-c286-4971-a54b-a56f729d3cfd

Belun (na olta ciamada anca Sividal de Belun) a l'è an comun de 36 112 abitanti, caologo de provinzia, e el pi gros zentro abità de la Valbeluna.

Zeografia[canbia | canbia el còdaxe]

La zità vecia de Belun la se cata su na ponta de sas vesin de indè che la Piave e l'Art i se donta. Drio de la zità ghe n'è la Sciara (2531 m s.n.m.) co la Gusela del Vescovà, al monte Serva (2133 m s.n.m) co la so pansa grosa e el monte Talvena, vense a sud ghe n'è le Prealpi che le tira na riga tra el Belumat e la Trevisana. Senper a sud, tel Castionese, el se cata l'alpe del Nevegal co i so inpianti de resalita e le piste siisteghe.

Storia[canbia | canbia el còdaxe]

Al nome de la zità al gnen dal celtego belo-dunum che ol dir concol che slusega, propio parché el se cata ten posto de oro in medo a la Valbeluna. La zità l'è nasesta atorno al 200220 a.C. e dal 181 a.C. la ze devegnesta na base militar dei romani e el municipium Bellunum al temp de Augusto l'è vegnest a aver an rolo de granda inportansa un te la X Regio Venetia et Histria.

Al posto indè che la se catea, al controlo par grazia de la prima tor del castel de Zumele, te la strada pi granda verso el nord, la Claudia Augusta Altinate, la ha fasest in visa che la diventese na rocaforte inespugnabile. Taca a rivar i barberi e Belun la se camina verso un lent e trist tramont par cuel che interesa l'età romana. Par an bel toch Belun la resta sot al dominio longobardo (VI sec. D.C.) e carolingio (VII sec.), e tel finir del nono sentener al mete radis al goerno aristocratego del Vescovo Conte, nas così la zità medieval col castel, i murajoi, porte e torioi.

A l'è sto cuà al temp de brute guere foreste contro i trevisani, specie cuando che goerna al vescovo conte Giovanni che l'à ingrandì i domini belumat fin a la grasa piana de Montebeluna, ma presto la grandesa de Venezia la obliga al goerno belumat a cogner de sielier, no sensa grosi rabagas interni, a la dedision spontanea a la zità de la laguna tel 1404 an, so cuà, cuando le se finis le guere contro i Trevisani e le lote interne intrà le varie fasion. La zità la se fa nova un tel tesuto urbano in visa anca alla costrusion di case e palas dei nobili e dei novi siori borghesi, te sti tempi de "vache grase" anca par grasia dei streti raporti co Venezia, infati se ghe vendea legne e spade. La Piave la era, te sti secoli navigada da i sater che i portea do al legnan che dai bosch del Cadore i andea a rifornir la Serenisima e alimentea l'atività economega dei artisani, dei marangoi, dei porti. Riva pò i burti ani de Napoleon (1797-1815), e al nas co lù al Departimento de la Piave, Belun al pasa sot i much strieghi e po dopo longhi ani al pasa sot al Regno d'Italia.

La sità[canbia | canbia el còdaxe]

Andando in su co la scala mobile se pol veder an gran bel panorama su la Valbeluna, se riva un tel cor de sità vecia e se riva in piasa Domo inde che ghe n'è al gran campanil projetà inte el '700 da Filippo Juvarra, e andove che se afacia i palas de cuei che comendea na olta, al palas dei Retori del 1491 (ancoi prefetura), al palas ros del municipio e al palas dei vescovi ancoi sede de l'Auditorium, mes sù tel 1190 dal vescovo-conte Gerardo de' Taccoli. Palas inde che al stile nordico ben al se misia co el stile architetonico venesian co bifore e polifore a sesto acuto, porteghi cornicioi e ornamenti di tanto bei, anca ancoi cuel che tira meio i oci l'è la fontana central fata tel 1411, la statua nova mesa in zima al pilastro l'è stà fasesta da poc e la rapresenta San Joatà (la statua oriunda la ze conservada tel vesin Museo Civico). Al domo l'è stà fà su tel 1400 al se svilupa su tre navade co l'abside girà verso ocidente, al projet del domo de ades l'è atribuì a Tullio Lombardo, architet venesian, che l'è gnest a Belun tel 1517 cuando che i lavori de costrusion i era bel che scominziadi sot la direzion de un capomastro del posto, an certo Nicolò Tagliapietre, che l'è quel che l'a fà anca l'Orolojo del palas dei Retori. Andando par via Medatera (al vecio decumano masimo de la sità romana), inde che se facia desine de Palas fati su tra 1300 e 1600 se riva a la cesa de San Piero tacada a un dei ciostri del vesin Seminario Gregoriano, come che l'è scrit te na iscrision entro te l'atuale Capela Fulcis, la cesa de S. Piero l'è stà finida tel 1326, dopo pi de cuaranta ani de laori, cuando che ghe n'era al Jubileo del 1300 olest da Bonifacio VIII. La cesa, fata su dai frati minori in stile gotico, ancoi la ze in stile baroco co tante opere d’arte: ben sincue piture de Andrea Schiavone (San Pietro, San Paolo, l’Anunsiasion …), tre capolaori de Sebastiano Ricci tela Capela Fulcis (fata inte el 1704 tra la cesa e la sagrestia): na Sacra Conversazion, su tola, mesa te l’abside, e i do afreschi: “Decollazione di San Giovanni Battista” e “Chiamata di San Pietro” e sin maniera speciale le do meraviliose pale de lench de Andrea Brustolon. In zima, sora al presbiterio, ghe n'è un dei pochisimi esempi de organo fonocromego a do tastiere de Giovan Battista De Lorenzi (1860). Te i do cantoi estremi de la sità vecia se pol veder, oncora intere, le do porte majori, l'inponente porta Dojona a nord e, co i so merlet in piera e matoi, porta Rugo a sud indè che vesin se cata al Palas del Capitano e la sincuesentesca cesa de Santa Maria dei batuti.

Pochi sas i ne dis che ghe n'era un casel te ca sità vecia, da drio apena fora da le mura se verde in tuta la so belesa e grandesa la piasa Campedel che ancoi la se ciama "Piazza dei Martiri" in ricordo de cuei che i è stadi picadi dai much su pa i pai de la piasa. Sta piasa la ze considerada al saloto dei belumat col so liston (paseggiata) co la cieza de San Roc dove che ghe n'è cuadri de Padre Santo da Venezia e Luigi Cima. Andando verso est e paza ia pisa Tojo Lele (Vittorio Emmanuele), inde che se afacia al teatro Comunale, se riva in via Roma e da là se riva al la cesa de Sant Stefen.

La cesa de Sant Stefen, la pi bela Ceza de Bełun, la ze stata fata su tel 1463, al posto de la vecia ceseta de la Madona de le Grazie. Tel 1480, co i era drio scavar i a catà al sarcofago de Flavio Ostilio, che incoi l'è stat mes tel cortivo de palazzo Crepadona. A cener su le volte a crozera, e consideradi tra le opere d'arte pi interesanti conservade inte la ceza, ghe n'è doi angioli de Andrea Brustolon che al a fat anca na cros - tacà sul mur a sinistra); un te la Capela Ceza (1485) a manca del presbiterio: un altar de lench intajà, e se pensa che lo epie fat al belumat Andrea di Foro (XV sec), co i afreschi picenini un te la cornis che se pensa i epie fati Matteo Cesa; afreschi de Jacopo da Montagnana, co su al martirio de Sant Stefen e la conversion de Paolo, la vita del Signor, i e saltadi fora da sot le malte dopo del taremoto del 1873. Bel anca al tabernacol de lenc de frà Francesco de ła Dia; tele del la scola de Vecellio, na "Adorasion dei Magi", fursi de la bo tega de Tiziano; cuindese formele de ram e una in tela de Francesco Frigimelica te la capela de sinistra; tele de Cesare Vecellio e del Frigimelica sui mur del batistero. Vesin de la Ceza ghe ne al convento dei Serviti col bel chiostro gotico ancoi sede dell'intendensa di finansa. Inde che finis le "scalete" l'unico esempio de Cesa in stile romanico de la zità dedicada a San Biagio.

Da pensarse: palas Barcelloni Corte, palas Doglioni, palas Piloni, palas Barpo, le Cese de Santa Maria de Loreto, la Seisentesca Cesa di San Gervasio, la cesa di San Nicolò do a Borgo Piave che lambis le sponde dell'omonemo fiume e la Ceza de San Giuseppe "marangon" (falegname) a Borgo Prà che fin a la fin del medioevo fu la capitale de la produsion de spade da bataglia. La zità po la continua verso i cuartieri residensiali de Cavarzan, Baldenich, Musoi e San Lorenso.

La cultura[canbia | canbia el còdaxe]

Sebastiano Ricci Diana e Endimione, 1714, Londra, Chiswick House

Tante le manifestasion culturali organizade in ambito citadino. Palazzo Crepadona in 'sti ultimi ani l'è gnest al centro culturale citadino par antonomasia co le so numerose importantisime mostre da Vincent Van Gogh a Pablo Picaso, da Jean-Baptiste-Camille Corot a Claude Monet, Ippolito Caffi, Sebastiano Ricci e tanti altri. La sità la ze sede de n'orchestra da camera, de numerosi cori polifonici e popolari, La stajon teatrale de prosa la ciama spetatori da ogni sità del Veneto. Ogni an, in occasion de la festa patronale di San Martin, gnen organizada l'ex tempore di scultura su lenc dove che decine de artisti de fama internazional e se fa guera a colpi de scalpel sparsi par tuti i cantoi pi bei de la sità. Ogni an inte la manifestasion "Oltre le Vette" gnen fati tanti incontri, concerti, convegni ecc.. dedicadi a la montagna.

Cusina[canbia | canbia el còdaxe]

Piati tipici de la tradiẑion belumata:

  • Formai schiz
  • Torsela
  • Pastin a la piastra
  • Polenta e caoriol,
  • Casunziei
  • polenta e osei
  • Pendole
  • Risi co i bruscandoi
  • Risi e bisi
  • Fasoi de Lamon
  • Codinzòn
  • Scorzinciole
  • pom noselà
  • Pan de Belùn

Fiere[canbia | canbia el còdaxe]

La "sagra dei fiŝċiòt" lè segur la più grosa fiera de la žità e la gnen in primavera, dò domeneghe prima de Pasqua. Ghe n'è la mesa e na longa procesion 'nde che se porta in giro la statua de la Mazona dei sete dolori che la è cenesta 'n te la capela piciola de la Ceza de Sant Stefen. Ghe ne an mucio de roba da magnar, zughi par i boce e traghene varie de artigianato locale. Co riva sera i fa i foghi de artificio che i sluseghea in siel che imbarlumea tuta la sità.

In sto periodo inte la piaza se fà an veċio sogo tipico co i ovi sodi, che se ċiama Ròlo.

La Fiera de San Martin, patrono de la žità, la ze a novembre e ghe nè, oltre a la già mensionada ex tempore internasional de scultura su lenc, an bel marcà de la roba vecia te pol snisar i prodoti locali e sercar le canstegne col vin novo. Tut finis a la sera co un concerto de musica sinfonico-corale entro te el Domo.

Sport[canbia | canbia el còdaxe]

A Belun ghe ne na starnera de impianti sportivi, na pisina olimpionica co cuatro vasche, an palas del gias, an stadio polisportivo, un palaset de lo sport e vesin del zentro su sul Nevegal an comprensorio siistico co piste da sci alpino de varie difficoltà e pendenze e un pista di sci nordico su ai Pianlonghi.

File:Schipck.JPG
Scating in salita

L' Associazione Calcio Belluno 1905, la porta i colori gial e blu.

Frasion[canbia | canbia el còdaxe]

  • Antole,
  • Bes,
  • Bolzan (Bolzano Bellunese),
  • Caleipo,
  • Castion,
  • Castoi,
  • Cavesach (Cavessago),
  • Cet,
  • Ciesurasa (Chiesurazza),
  • Sirvoi (Cirvoi),
  • Col di Piana,
  • Col di Salce,
  • Colunch (Collungo),
  • Cusighe,
  • Faverga,
  • Fiamoi (Fiammoi),
  • Fistere (Fisterre)
  • Giamosa,
  • Jasoi (Giazzoi),
  • Levèch (Levego),
  • Le Venghe (Sargnàn, Sargnano)
  • Madeach (Madeago),
  • Miér,
  • Nevegal,
  • Orzes,
  • Pedeserva,
  • Pra de Luni,
  • Rivamaor,
  • Saforse (Safforze),
  • Sala,
  • Salse (Salce),
  • Sanpiero (San Pietro in Campo),
  • Soracroda (Sopracroda),
  • Sois,
  • Sosai (Sossai),
  • Tasei (Tassei),
  • Tisoi,
  • Vignole,
  • Visome.

Cuartieri citadini[canbia | canbia el còdaxe]

  • Baldenich,
  • Borgo Piave,
  • Borgo Prà,
  • L'Anta
  • Cavarzàn (Cavarzano),
  • Musoi (Mussoi),
  • Nogarè,
  • San Lorenzo,
  • Quartier Cadore,
  • San Francesco,
  • Lambioi,
  • Piave,
  • Via Cairoli,
  • Via Feltre-Maraga,
  • Via Garibaldi.

Persone inportanti[canbia | canbia el còdaxe]

Persone inportanti naseste a Belun:

Note[canbia | canbia el còdaxe]

  1. URL de refarensa: https://www.istat.it/it/archivio/156224. Tìtuło: Superficie di Comuni Province e Regioni italiane al 9 ottobre 2011. Data de consultasion: 16 de marso del 2019. Editor: Istituto nasionałe de statistega.

Varda anca[canbia | canbia el còdaxe]




Controło de autoritàVIAF (EN157092112 · LCCN (ENn79041999 · GND (DE4087135-6 · WorldCat Identities (ENn79-041999
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Belun&oldid=1106730"