Caoriól

Da Wikipedia, l'ençiclopedia libara.
caoriol
Errore Lua in Modulo:Imajine_sinotego alla linea 37: Tried to read nil global catNonCompatibile.
Stato de conservasion
Clasifegasion sientìfega
PhylumChordata
ClaseMammalia
FamejaCervidae
SotofamejaCapreolinae
SpeceC. capreolus
Nomenclatura binomenałe
Capreolus capreolus
Linneo, 1758
Areale
Leefgebied ree.JPG
Areale Capreolus capreolus.jpg


Al caoriól (o cavriol; Capreolus capreolus, L. 1758) el é an animal mamìfero ungulàto, col pel de color ros o maron, lonc da 90 e 130 cm e alt ala spàla fin a 80 cm. Al se sposta caminando in serca de mañàr, ma pì bel co i core e i scampa, parké i se móve co dei bei salti alti e longhi.

Dove se el càta[canbia | canbia el còdaxe]

Se pol trovar libero in tute le zone de montaña, Alpi e Apenini o colina e pedemontana, ma anca in pianura se el tróva an poki de arbusti o siese onde podér scónderse. Spés i va in serca de roba da mañar te i camp e ort coltivà, de nòt o matìna bonora. De dì el é an cin pì difizile catàrlo visìn i paesi, pitòst su la tranquilità de la montagna.

Te la zona de Bełun te pol trovarghén tanti, anca visin a le case.

La casa el é sot le règole e te pol copàrne solo poki, se te se bon de corerghe drio, però. Anca la forestàl spès i varia al numero de bestie da copàr, par mantégner al numero just, parkè i pól fàr anca disastri te le coltivasion se i é in masa e no i trova da mañar.

Cuxina[canbia | canbia el còdaxe]

I animaisti no i sarà tant contenti, ma kuel ke presente el è 'n piato tipico de la tradision de Bełun

POLENTA E CAORIÓL

Cosa ke serve[canbia | canbia el còdaxe]

  • Polenta
  • Par 4 persone 1 kg de carne tenera de caoriol; se no avè an amigo casadór o ki ke ve lo porta già copà e pelà, va ben anca quel surgelà ke trové in botega, no l sarà nostràn ma al vien bon instés;
  • 1 litro de vin ros, Cabernèt, Merlòt o vin nostran;
  • sèłeno, seola bianca o rósa e carote in quantità ke te piàs a tì;
  • doraro, rosmarìn, salvia, broke de garofan, pever in grani, baléte de xenevro, ai (ajo), sal fin e altri aromi come ke te gusta;
  • farina bianca 00
  • butìro

Preparasiòn[canbia | canbia el còdaxe]

Sta aténto: per sto piàto ghe vol partir almanco la sera del dì prima par far la marinàta, mejo se te skuminsia 24 ore prima.

Te ciapa i filét de caoriól e te li cura ben, te ghe tira via tute le sbéteghe (par i can ke i fa festa anca lori...) e te lasa tuti i toket pi boni e pi tenderi. De 'n kilo de carne te resta pì o manco 8 eti dopo averlo curà, quindi fà i to conti.

Te fa a toket pičoi la seola, le carote e l sedano e invese te liga co l spago da cusina l'aloro, al rosmarin, la salvia e te fa doi o tre masét. In te na supiéra, mejo na terina granda o na mastéla, te buta entro tut insieme la carne, al vin, le spesie ligade e kuele no ligade (balete de pever e ginepro, broke de garofan ecc), insoma da tuti i ingredient ke ho scrit sora te li mìṡia tut insieme a part la farina e l butiro. Te met la mastéla kuerta in frigo e te spéta tuta la not, almanco!

Al dì dopo, la matina bonora te tira fora la mastéla, te cava via točiando co le man i toket de carne, te li struca in visa ke el bute fora al so sangue o el vin ke el à sorbì e te li met in te na supiéra a part. Pò te li čiapa da novo e te li pasa tuti ben in te la farina, ke i se sùghe ben. Te cava via el ajo da la mastéla ke el pol dar fastidio e i maset de spezie ligade, ke anca kuele le da fastidio dopo.

Kusinàr[canbia | canbia el còdaxe]

Te na teča granda e 'n cin alta te bùta al butiro (kuant ke te par a ti drio la to diéta) e te fa sofrizer i toket de seola, sedano e carota. Co te par ke i se àbie ben dorà te ghe buta entro anca i toket de carne e te lasa rosolar an fià.

Co i se a rosolà, pian pianét te bùta inte la teča al točio ke el è restà te la mastéla; no stà butarlo tut al točio, parkè sul fondo de la mastéla el è restà al sangue e an fià de porkerie ke el è mejo no butar dentro. Pitost zonta an fià de vin ros novo e bon, sempre de l steso tipo del kuel ke te a usà prima o, par farlo veñer manco imbriago, an fià de àkua.

Ades te fà bojér e dopo te sbàsa l fogo e te kuerde la teča col kuerčol e lu el a da 'ndar sot al boj, pian pianét par doi ore almanco e ti ogni tant te va a darghe na misiàda proprio parkè no l se tàke sòt. Co manca na meda oréta, pian pianét co 'n skuliér (cučaro) te tira su i toketin de carota, sedano e seola ke no se a spapolà e ti inte 'n piato, col piròn te li spačiuga par ben e pò te li torna a butàr dentro la teča.

Ormai el è quasi pronto, te a solo da ṡugàr ben al točo e ricordéte ke te dovéa far anca la polenta!

Controło de autoritàLCCN (ENsh85114827 · GND (DE4049077-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Caoriól&oldid=974411"