Juto:Wikiquette

I contributori de Wikipedia i ariva da paexi e culture difarenti e i pode aver punti de vista molto diversi. Tratar i altri co rispeto xe fondamental par cołaborar seriamente a ła costrusion de na ensiclopedia che ga bona parte del só spirito ne ła cołegialità ed union de intenti (varda conseto de WikiLove).

'Sta pàxena da qûalche prinsipio de "Wikiquette", insoma te spiega come laorar co i altri su Wikipedia, soratuto par evitar flame.
Te podi lexer łe convension de baxe su ła vose de l'edision in lengua inglexe de Wikipedia: Wikipedia:Policies and guidelines.

Prinsipi de l'eticheta de Wikipedia

Te ghe da pensar el mejo da i altri e ła bona fede ogni volta che xe posibiłe. Wikipedia ga laorà ben fin 'deso, baxandose su na pułitega de squasi completa libertà de revixion. Łe persone łe vegne qûi par cołaborar e scrivar bone vosi.
No sta tornar a versioni vèce e scansełar quando che xe posibiłe, standoghe drio a ła regoła de no riportar mai indrio na pàxena piasé de 3 volte in 24 ore, men che in casi de evidente vandałismo. Spiega ai altri łe to modifeghe uxando el campo "ogeto".
- Coregi, revixióna, discuti.
Sii educato.
- La xente non ła pode vardarte e savere de che umore te sì. L'ironia no xe senpre ovia, e un testo crudo e insensibiłe el pode fasilmente risultare sgarbà.

Te ghe da esar atento a łe parołe che te desidi de uxar: queło che te intendi podaria no esar quel che i altri i pensa.

Firma e data i to interventi ne łe discussion (no sta farlo ne łe vosi!).
Laora verso l'acordo
No sta ignorar łe domande.
- Se qûalchidun altro no xe d'acordo co ła to revixion, fornisi motivasion vałide par cui te pensi sipia approprià.
Gnanca ti te sì imune dai pregiudisi: te ghe da riconoserli e mantegnerli soto controło.
Dà un punto se no te ghe n'ha; o ameti che te si in dixacordo in baxe a l'intuision o al gusto.
- No sta far discutere ła xente su posision che no te podi sostenere.
Stà pronto a scuxarte.
- Ne łe discusion animae, speso dixemo cose che se pentemo. Ametiło.
Stà pronto ad asetare na scuxa educatamente, e soratuto no stà xirar el corteło ne ła piaga.
Elogia quando che xe dovuo. Tuti i ama sentirse apresai, spesialmente in n'ambiente che speso richiede compromesi.
Rimovi o riasumi łe dispute che te ghe inisià.
Juta a mediar i dixacordi tra altre persone.
Se ła discusion educata fałise, tote na pauxa se ti xe drio discuter, o sugerisi na pauxa se te stè mediando.
- Ritorna dopo na settimana o dó. Se nisuni xe drio mediar, e te ritegni che sia necesario, cata qûalchidun che posa farlo.
- Và via o cata n'altra vose par distrarte (ghe n'è 69 352!). Ciapa in man un projeto de Wikipedia; gavemo senpre bixogno dei tó servisi: anplia na vose, juta una vose, opur scrivi na nova vose.
Tiente in amente: cosa ti ga da métar su Wikipedia.
Daghe n'ociada a ła lista de i erori comuni nel uxo de Wikipedia.
In do parołe: siviłe ed amabiłe.