Mexo de comunicasion de masa

Da Wikipedia, l'ençiclopedia libara.
Jump to navigation Jump to search

On Mexo de comunicasion de masa, midia de masa (o en léngua inglexe Mass Media) i xé dei midia speçifegadamente projetai par comunicare in forma verta e distansa al grando publego. Se poƚe dire che ƚa comunicasion de masa ƚa xé costituia da organixasion ben pareciae par rivar al fin de produre e difondare mesaji rivolti a on publego largo e incluxivo, chel ciape tochi de popołasion tan difarenti fra de ƚori.

Tipi de mexo[canbia | canbia el còdexe]

Jornaƚe[canbia | canbia el còdexe]

Par pì de cuatro secoƚi l'unego vero e propio mexo de comunicasion de masa el xé sta el jornaƚe. El primo jornaƚe eoropeo che se conose, el l'è del 1563 a Venesia, scrito a man da persone incargae dal goerno de ƚa Republica de Venesia par difondare notisie so ƚe guere, so ƚe pułìteghe de goerno al grando publego.

Cine[canbia | canbia el còdexe]

Partìo n'tel 1895 co ƚa prima projesion çinematografega fata dai fradeƚi Lumière, el çine el se ga fin da suito difondesto in tuti i paexi del mondo, par divegner un grando mexo de comunicasion de masa, sia co i çinejornaƚi, che co i film projetai.

Aradio[canbia | canbia el còdexe]

Partìo col scumisiar del XX secoło, l'aradio l'è sta da suito on grando mexo de comunicasion. Le traxmision n'te ƚa penixoƚa ƚe xé scumisiae n'tel 1924.

Na olta el jera on mexo de comunicasion intrà i pì funsionanti, parché el se podea scoltare co se jera drio far mestieri de calsiasi tipo e de conseguensa no el inpegnava tenpo come che ƚo inpegnava ƚa carta stanpada da ƚexare e anca parché no ghe jera nisuna alternadiva de sto tipo. Se poƚe ricordare l'existensa dei radiojornaƚi, de ƚe publiçità, de ƚe radiostorie (raconti) e de ƚa mùxega.

Teƚevixion[canbia | canbia el còdexe]

La teƚevixion ƚa xé partìa en Veneto n'tel 3 de genaro del 1954, e no ƚa ga da suito vuo on grando suçeso, parché ƚa costava masa in confronto al costo de ƚa vida n'tei ani çincuanta. La vera difuxion ƚa se ga vuo n'tei ani 70.

Internet[canbia | canbia el còdexe]

El rivo de Internet el se ga intorno ƚa fin dei ani 90, anca se el vero boom el se ga vuo n'tei primi ani del 2000 co i Computer e n'tei ani diexe co i dispoxidivi mobiƚi (tełefoni intełijenti, tablet, rełoji intełijenti) che i dà ƚa oportunidà ai mexi de comunicasion de masa de poder vegner drento a ƚa nostra vita en ogni momento de ƚa jornada.

Voxi coreƚade[canbia | canbia el còdexe]