Rełojo intełijente

Par savèrghene de pì, vardarse łe voxe rolojo, tełefonin intełijente e computer.

On relojo intelijente

On rełojo intełijente, o in lengua inglexe smart watch, el xe un rełojo co altre funsion al posto dei soliti co solo funsion de ora e cronometrajo. Co i primi modeli i jera solo boni de far operasion de baxe, come calcoli, tradusion, xugheti, i reloji pì novi, i xe dei veri e propri computer fati a relojo. Ghe xe da fare na difarensa tra i modeli de reloji intelijenti che ghe xe sol marcà:

• Cheli che no i xe fati par suportar aplicasion, e i serve solo par riçevare notifeghe d'avixo che le riva dal telefono. (Alguni permete anca la letura dei mesaji e comandi par riprodusion de multimedia).
• Cheli che i ga montà drento un vero e proprio sistema operadivo par dispoxitivi mobiłi e i funsiona proprio come un telefono.

St'ultimo tipo de reloji intelijenti, de fato i xe anca ciamai relojo-telefono, parché proprio come un telefonin, i ga na granda capasità de rete e se pole proprio fare o rispondare a le ciamae.. Dopo, se ga scumisià a produre dei smartband o braçaleti intelijenti, caxi conpagni ai reloji, anca se i xe pì senpliçi, sti cuà i ciapa el nome de sportwatch inte el caxo i gapia funsion speçifeghe e dedicae che i fa cusì vegnere el dispoxitivo in parte o intieramente inçentrà a exerçisi e atività de sport.

Sistemi Operadivi par rełoji intełijenti

Android Wear

Android Wear xe na version del sistema operadivo Android, de Google, creada aposta par i reloji intelijenti e altri dispoxitivi che se pole metarse intorno (wearables). La so prima release la xe stada publicada el 18 de Marso del 2014.

Metendolo in copia co un smartphone co version de Android 4.3 in sora, Android Wear el xonta la tecnoloxia de Google Now e notifeghe del telefono, oltre che a la posibilità de descargar aplicasion dal Play Store. Suporta el Bluetooth, Wi-Fi e tante altre funsion e aplicasion.

WatchOS

Samsung Galaxy Watch

WatchOS xe la version del sistema operadivo IOS par Apple Watch (el nome dei so reloji), el ga tante funsionalità simili a chelo del telefono, che l'è sta anca chelo xvilupà da Apple Inc. La so prima publicasion la xe stada el 24 de apriłe del 2015, co el Apple Watch. La segonda version, WatchOS 2, che la ga la funsion de suporto par apicasion native de terse parti e altri mejoramenti, la xe sta publicada el 21 de setenbre del 2015. El 13 de setenbre del 2016 xe sta ridasà el WatchOS 3, co mejo prestasion, novi stili de schermada e nove app de sistema.

Tizen

Tizen el xe un sistema operadivo baxà sol kernel Linux e la libraria C GNU. El funsiona su tanti dispoxitivi, anca smartphone, tablet, computer, smartwatch e tanti altri. El fin l'è chelo de dar na forte esperiensa in tuti i tipi de dispoxitivo. Tizen xe un projeto de la Linux Foundation e el njien controlà da la Technical Steering Group (TSG).

AsteroidOS

AsteroidOS l'è un sistema operadivo open source par smartwatch. L'è sta studià coe na distribusion stàndar de Linux co tecnolojie come Qt5, Wayland, Bluez5, OpenEmbedded and libhybris. El fin l'è chelo de dar un sistem libaro e alternadivo par dispoxitivi che se se pol metare intorno, e chel posa dar garansia de major livelo de privacy e controlo.

Ubuntu Touch

Ubuntu Touch la xe na version mobile de la version del sistema operadivo Ubuntu, xvilupà da Canonical Ltd e da la comunità Ubuntu. L'è sta studià prinsipalmente par dispoxitivi mobili come apunto reloji intelijenti, telefoni intelijenti o tablet.

Pebble OS

Pebble OS l'è el sistema operadivo creà solo par reloji intelijenti de Pebble e l'è xvilupà da Pebble Technology Corporation. Pebble xe un smartwatch open source, conpatibile co tuti i smartphone co sistema operadivo Android o iOS. Inte el 2013 l'è sta finansià co 10.2 milioni de dolari traerso na campagna de crowdfunding so Kickstarter.

Lingambi foresti

Controło de autorità	LCCN (EN) sh2015001203 · GND (DE) 105398068X