Zinbàbue

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Zimbabwe
Zinbàbue
(EN) Zimbabwe
(SN) Zimbabwe
(FR) République du Zimbabwe
Zinbàbue – Stema Zinbàbue – Bandiera
Dati aministradivi
Nome conpletoRepublica del Zinbàbue
Nome ufisiałe(SN) Zimbabwe
Łéngue ufisiałiinglexo, shona, ndebele del nord, Chewa, Barwe, lingua kalanga, lingua tsoa, lingua ndau, tsonga, Zimbabwe Sign Language, sotho del sud, Tonga, tswana, venda e xhosa
CavedałeHarare
Pułìtega
Forma de goernorepublica
Cao de Goerno 
Superfise Totale390 757km²
% de łe àcue1
Popołasion
Viventi16 529 904 (2017)
Taso de fertiłità3,923 (2014)
Xiografia
ContinenteAfrica
Confini
Fuxo orarioUTC +2
Economia
Valutadołaro del Zinbàbue
ISU0,54 (2017)
Vàrie
Còdaxi ISO 3166ZW, ZWE, 716
TLD.zw
Prefiso tełefònego+263
Sigla targa automobiłìstegaZW
Ino nasionałeKalibusiswe Ilizwe leZimbabwe
Festa nasionałe 
Carte interative
Sito istitusionałe

MusicBrainz: 691e8ad6-2cc8-3678-8495-1ac96bbede55


El Zinbàbue, ofisialmente ła Republica del Zinbàbue el xe on Stato de l'Africa meridionałe.
El confina a nordovest co ło Zanbia, a est co Mozanbico, a sud co Sudafrica e a sudovest col Botswana; nol ga sbochi sol mare.

Giografia[canbia | canbia el còdaxe]

Search ballonicon2.svg Par savèrghene de pì, vardarse ła voxe Giografia del Zinbabue.

El ga na superfisie de 390 757 km².

Le montagne se cata al nord, al confin col Mozanbico, e le riva a 2 600 metri de alteza. La majoria de lo Zinbàbue l’è n’altopian.

El fiume piasè grande xe el Zanbesi, al confin co lo Zanbia a nord. L’acua del fiume alimenta la diga de Kariba, e forma le cascate Vitoria. Altro fiume inportante el xe el Limpopo, al confin co el Sudafrica a sud.

Storia[canbia | canbia el còdaxe]

Search ballonicon2.svg Par savèrghene de pì, vardarse ła voxe Storia del Zinbabue.

Antighità[canbia | canbia el còdaxe]

I karanga, ła etnìa che deso ła vien ciamà shona, xera fàvari e ghe i resti de piasè do miła miniere de fero, ran, oro e stagno a far da testimoni. El re de i karanga, el Monomotapa, controlaa el Zinbàbue, un toco de Mozanbico e zone del Malawi.
Da i ricatamenti archeołoxeghi se sa che el regno de Monomotapa el xera ben svilupà za inte el VI secolo. Łe roine de la Gran Zinbàbue conserva el pałazo real, le mure de la sità e de le caxe in piera fate co na tècnega avansada.
Dal sècoło X, i karanga fasea marcà co i arabi su la costa del Mozanbico.

La civiltà de Monomotapa la ga perso forza col tempo: inte el XVI secolo el arivo de i portoghexi ga fermà el mercà co i arabi; chelo in tel nord de le popolazioni rotsi[1], ga spinto i karanga fora da le zone minerarie.

Modernità[canbia | canbia el còdaxe]

Inte el XIX secolo, tuti i popoli de l’Africa del sud xera in fermento.
Soto la guida de Shaka Zulu, i zulu gavea scomensià a slargarse. Le popolazioni vicine le scapaa. I matebele [2] xe rivà inte el teritorio shona (1837) e se ga tolto el teritorio meridional.

Inte el 1889, Cecil Rhodes, fondator de la British South Africa Company [3] menò un grupo de 200 colonialisti inglexi e de 700 polizioti in tel Zinbàbue par costruir un pozo. Sti quà i ga fondà la cità de Salisbury.
Inte el 1895, con la scusa de arestar de i ladri de bestiame, i inglexi atacava Bulawayo, la caital del regno guidà dal re Lobenguela. El re scapò inte la foresta e in poco tempo Rhodes controlò tuto el paese che ciamo Rhodesia del Sud [4].

Inte el 1969, i coloni xera el 5% de la popolasion, ma i controlava el 70% de la tera.

El governo inglexe volea dar l’indipendenza a la Rhodesia, ma el partio de i bianchi no volea.

Indipendensa[canbia | canbia el còdaxe]

Inte el novembre 1965, Ian Smith, cao del governo coloniale, ga dichiarà l’indipendenza unilaterale[5] de la Rhodesia par star al poder. El Partio Union Popolar de lo Zinbàbue (ZAPU) ga tacar a far la gueriglia.

El 18 april 1980, Robert Gabriel Mugabe fu eleto primo ministro del governo provisorio, e dopo l’è diventà el presidente. El governo de Mugabe l’è diventà sempre più ditatorial e responsàbiłe de gravi violasion de i diriti umani de la zente.

Giografia politega[canbia | canbia el còdaxe]

La so cavedal la xe Harare).

Popolasion[canbia | canbia el còdaxe]

El ga 13 milioni sirca de abitanti.
La majoria de i abitanti vive ne le campagne.

Etnie[canbia | canbia el còdaxe]

Ghe do etnie principali: i shona e i matebele.
I bianchi xe el 2%.

Religion[canbia | canbia el còdaxe]

La majoria de i Zimbabueani segue i riti tradisionai (75%).
I cristiani catoleghi i xe el 10%, el resto xe cristiani protestanti o cristiani de sete locali.

Economia[canbia | canbia el còdaxe]

L’inflasion l’è del 3 600%.

El Zinbàbue gavea na agricoltura avanzada: el produsea gran e fruta e el esportava formenton, tabaco, cafè e bagigi. Le foreste le dava legni pregiati.
Da la fin de i ani 1990, la pułìtega agraria ga rovinà l’agricoltura: el governo ga tolto le tere a i bianchi par darle a i neri [6], parò a tera le stà data a i amici del presidente e la produsion agricola l’è diminuia.
Inte el 2006, el Zimbabwe ga prodoto manco de un terso de la produsion del 1999. El paexe l’è pasà da esportator a importator de formenton.

Note[canbia | canbia el còdaxe]

  1. un grupo bantu afine a i karanga
  2. ndebele al singolar
  3. na compania mineraria e de comercio
  4. la Rhodesia del Nord saria el Zambia de ancò
  5. ricognosua el 7 de apriłe 1980
  6. 4 500 fatorie bianche controlava el 50% de la tera agricola, contro i 4 500 000 agricoltori neri ne l’altro 50%
Controło de autoritàVIAF (EN128940544 · ISNI (EN0000 0001 2285 6828 · LCCN (ENn80089993 · GND (DE4049850-5 · BNF (FRcb11933830b (data) · NDL (ENJA00569590 · WorldCat Identities (ENn80-089993
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Zinbàbue&oldid=1035510"