Ani 2010

	XX secoło - XXI secoło - XXII secoło
	ani 1990 - ani 2000 - ani 2010 - ani 2020 - ani 2030
	2010 - 2011 - 2012 - 2013 - 2014 - 2015 - 2016 - 2017 - 2018 - 2019

I ani 2010 ( ani do mie e didxe) i xe el desenio che ciapa rento i ani che i va dal 2010 al 2019.

Fati, invension e scoverte[canbia | canbia el còdaxe]

2010[canbia | canbia el còdaxe]

12 de zenaro - On teremoto de magnitudo 7 copà só par zó 170.000 morti a Haiti.
Crixi del eoro.
28 de marso - 29 de marso - Ełesion inte el Vèneto.
20 de avrił - salta par aria un estrator de petrojo inte el Golfo del Mèsego, gran dixastro par l'anbiente.
11 de lujo - A Spagna vinse el Mondiał de Bałon in Sudafrica.

2011[canbia | canbia el còdaxe]

1° de zenaro - El Estonia cioe l'eoro cofà scheo.
genaro e febraro - reolte in Nord Africa e Medio Oriente.
A Çina deventa a segonda potensa economega del mondo.
11 de marso - En Japon ghe xe on teremoto de 8.9 e on marmoto che caoxa el dixastro nuclear de Fukusima.
15 de marso - taca a Guera sivił siriana contro el goerno de Basar al-Asad.
2 de majo - Vien copà Osama bin Laden dai Stati Unii.
9 de lujo - vien reconosesta l'independensa del Sud Sudan.
20 de otobre - Vien copà inte a sità de Sirt in Libia el ditator libico Moamar Ghedafi.
17 de disenbre - Kim Jong-un deventa novo ditator dea Corea del Nord dopo che el s-ciopa el vecio ditator Kim Jong-il.

2012[canbia | canbia el còdaxe]

El 13 de zenaro a barca da croçiera Costa Concordia naofragà tacà al Isoa del Xijo, ghe xe 32 morti e 64 ferìi.
El 12 de majo nase el movimento poidego independentista vèneto Independensa Vèneta (Indipendenza Veneta) e ghe xe na manifestasion organixà da sto chi par l'independensa a Venesia.
El 22 de majo Independensa Vèneta porta in Consejo Rejonał del Vèneto 20.000 firme par el dirit de Autodeterminasion del Vèneto e far on referendum par l'independensa.

2013[canbia | canbia el còdaxe]

El 12 de zenaro Independensa Vèneta porta a ła Comision Eoropea 30.000 firme par el dirit de Autodeterminasion del Vèneto e far on referendum par l'independensa.
El 16 de febraro ghe xe na granda manifestasion par l'independensa del Vèneto e sostener ła proposta de łexe n.342 par in referendum sol independensa fata da Independensa Vèneta.
El 28 de febraro Papa Benedet XVI se demete.
5 de marso s-ciopa Hugo Chávez dopo 14 ani de ditatura, ghe va drio el so bras drito Nicolás Maduro.
13 de marso - El Conclave nomena Jorge Mario Bergoglio novo papa, col nome de Papa Françesco.
El 1° de disenbre ghe xe na grandisima manifestasion a Basan co mijaja e mijaja de persone par l'independensa del Vèneto.

2014[canbia | canbia el còdaxe]

El 1° de zenaro a Łetonia toe l'eoro cofà scheo.
Dal 16 al 22 de marso in Vèneto ghe xe on referendum par l'independensa, vinse el sì col 89,1% e on afluensa del 63,23%, ma l'Itàlia no ło riconose.
El 13 de lujo i finise i Mondiai de Bałon e vinse a Xermania.

2015[canbia | canbia el còdaxe]

El 1° de zenaro a Łituania toe l'eoro cofà scheo.
El 7 de zenaro ghe xe on atentà teroristego islamego al xornał de satira Charlie Hebdo a Parixe, vien copai el diretor e menbri del xornał, in tut 12 omeni.
El 13 de majo ghe xe L'Ełesion inte el Vèneto
El 13 de novenbre a Parixe oto teroristi islameghi i copa 130 aneme e i fa 352 ferìi.
El 8 de disenbre taca el 30° Zubieo de a Céxa Catòega.

2016[canbia | canbia el còdaxe]

El 22 de marso a Borsea tre teroristi islameghi i se fa saltar par aria inte el areoport e inte a metropoitana, i copa 35 aneme e i fa 316 ferìi.
El 12 de zugno a Orlando in atentato teroristego islamego copa 50 aneme e fa 53 ferìi.
El 23 de zugno inte el Reino Unìo ghe xe el Referendum so ła permanensa inte el Union Eoropea, vinse el sì col 52%, ma in Scòsia e inte el Irlanda del Nord vinse el no.
10 de lujo, in Fransa ghe xe el Canpionado eoropeo de bałon e vinse el Portogal.
13 de lujo dopo el risultà del referendum sol Union Eoropea se demete David Cameron, primo ministro britànego.
14 de lujo ataco teroristego islamego a Nixa, vien copae 86 persone e ghe xe sentinaja de ferìdi.
El 8 de novenbre Donald Trump vinse l'ełesion e deventa el presidente dei Stati Unii de ła Mèrica.
El 4 de disenbre ghe xe el Referendum costitusionał in Itàlia del 2016, vinse el no col 60% e el presidente Matteo Renzi se demete.

2017[canbia | canbia el còdaxe]

EL 1° de zenaro atentato teroristego islamego a Istanbul.
EL 22 de marso atentà teroristego islamego a Łondra, vien coape 6 persone e ferie 50.
El 7 de majo, ghe xe l'ełesion presidensiał in Fransa e vinse Emmanuel Macron.
EL 22 de majo atentà teroristego islamego a Manchester, vien coape 23 aneme e ferie 250.
EL 17 de agosto atentà teroristego islamego a Barsełona, vien coape 16 aneme e ferie 136.
1° de otobre in Catełogna ghe xe el Referendum par l'independensa da ła Spagna, vinse co el 91% de sì ma co n'afluensa del 43,3% par colpa de ła dura represion del goerno spagnol de Mariano Rajoy, in on fià de sità, che manda ła Guardia Civil, połisia antisomosa, e l'esersito par fermar el referendum co ła forsa, cusìta vien pesta ła popołasion sivił che jera drio manifestar in paxe, łe vien mandae so par zo 900 persone al speàl.
El 22 de otobre in Vèneto se vota par Referendum sol autonomia del Vèneto, gran vitoria del sì.
El 27 de otobre el Parlamento Catełan aprova ła dichiarasion de independensa de ła Catełogna, no reconosesta da ła Spagna.
El 30 de otobre ła Spagna restà in gran numaro de poideghi independentisti catełani par e łoro idee, par scanpar a ła prexon Puigdemont xe dovù 'ndar via da ła Catełogna e rifujarse inte łe Fiandre a Borsea.

2018[canbia | canbia el còdaxe]

El 4 de marso ge xe łe Ełesion poidighe tajane del 2018
'L 8 de majo i Stati Unii de ła Merega i va fora dal acordo sol nuclear iranian.
I XXI Mondiai de bałon in Rusia i xe stài vinsesti da ła Fransa.
El 17 de novenbre el Moviment dei gilet zai taca na serie de bacaje des oncora drio farse.

2019[canbia | canbia el còdaxe]

L'ativista Greta Thunberg da vida al venare par el futur, movimento anbientałista zoanił de protesta e sensibiłixasion a i temi del anbiente.
El 23 de zenaro Juan Guaidó co el sostenjo de ła popołasion venesoełana se aotodeclara president a interim del Venesueła, par portar ła democrasia da ła ditadura de Nicolás Maduro, sensa riusirghe, Maduro resta president.
El primo de fevrer i USA i va fora dal tratà INF e cusìta ła va fora anca ła Rusia dal istes tratà el 2 de fevrer.
El 23 de marso łe forse stadunitensi e siriane łe concuista l'ultema rocaforte del Stado Ixlamego in Siria, cusìta el finise ło stado del Łevante.

Economia[canbia | canbia el còdaxe]

L'economia del inìsio dei ani diexe xe dominà da ła gran recesion, tacà co ła crixi dei subprime inte i Stati Unii dea Mèrica inte el 2007 e che xe rivà inte el 2008-2009 in tut el Mondo. L'economia mondiał xe 'ndà pian pian mejo, ma no in Itàlia che ła xe restà in crixi.

Personaji[canbia | canbia el còdaxe]

Sti chi i xe i personaji che i xe stài signifegadivi par el Mondo e pal Vèneto:

Notasion[canbia | canbia el còdaxe]

Altri proxeti[canbia | canbia el còdaxe]

Wikimedia Commons el detien imàjini o altri file so Ani 2010