I ani 2000 ( ani do mie) i xe el desenio che ciapa rento i ani che i va dal 2000 al 2009.
Tra el segondo e el terso miłenio el xe el primo desenio del XXI secoło, dito desenio curto par ła veosità de łe inovasion.
I va vanti i scontri fra paestinexi e israejani, a agosto el grupo teroristego islamego-pałestinexe Hamas fa tacar a segonda intifa.
Dal 19 al 22 de lujo ghe xe a Zènoa el G8 co gran scontri e pestaji fra manifestanti e poisia, ghe xe stà gran confuxioni inte a sità e vien copà anca on manifestante. Segondo Amnesty International xe stà "a pezor sospension dei diriti democradeghi inte on paexe osidentał po a segonda guera mondiał"
El atentà islamego ae Tori Xemee
El 11 de setenbre on grup de teroristi islameghi de Al Qaida co do aerei derotai i fa cascar e Tori xemee a Nova York, altri do aerei che i gavea da cascar sora el Poigono e el Parlamento dei Stadi Unìi grasie a na reolta dei pasejeri no i riva al fin. I vien copai so par zo 6000 aneme e i USA e tut el mondo osidentał xe sconvolt
El 20 de marso i Stadi Unìi (co anca el judo del itaja), anca se tanti stadi jera contro, i invade l'Iraq e taca a guera contro el goerno de Sadam Husein. Noe mexi pì tardi taca a guera sivił fra sunìi e sìiti.
El 12 de lujo i Hezbołà łibanexi i intra inte el Israel e i copa tre soldai israejani e né fa prexonieri do. Taca a guera fra Israel e el Łiban, Israel concuista el sud del paexe nemigo, che tira bonbe anca sora i sivìi ebrei en Israel. A agosto i el Consejo de Segurésa del ONU manda i caschi blu en Łiban.
On xornał danexe fa de łe vigente satireghe sol islam, el mondo islamego se rabia e desfa łe anbasade danexi.
Wikimedia Commons el detien imàjini o altri file so Ani 2000