Independensa Vèneta
{{
| Dati | |
|---|---|
| Nome scursà | IV  |
| Sorte | Eror Lua: callParserFunction: function " [[Categoria" was not found. |
| Ideołozìa pułìtega | Eror Lua: callParserFunction: function " [[Categoria" was not found. |
| Istoria | |
| Creasion | 27 de majo del 2012 |
| Altri | |
| Cołore | |
| Sito web | indipendenzaveneta.com |
| |
Independensa Vèneta (par tałian Indipendenza Veneta[1], scursà IV) el xe on movimento połitego independentista vèneto, nasesto inte el 2012. El so fin prinsipał xe cuel de far deventar el Vèneto na republega independente e sorana dal Stado tajan par via istitusionał, co on referendum traverso el prinsipio de aotodeterminasion dei popoi, donca par via pasifega, sensa ati de vioensa, łexitema, traverso el dereto, e democradega, co el vołer dito par via del voto. El 9 de avrił Independensa Vèneta se unise co i antri partii independentisti vèneti par far nasar el Partio dei Vèneti.
El menbro pì riłevante de Independensa Veneta el xe Alessio Morosin (ex consejer co ła Łiga Vèneta-Lega Nord), fondator e candidà presidente del partio par l'ełesion Rejonał del 2015. Altri poideghi e ex primi consejeri inportanti i xe Michele Favero e Massimo Vidori, a otobre del 2017 el xe stà ełeto Juri De Luca novo segratario del movimento.
El movimento el xe el promotor de ła "Risoluzione 44" (Risołusion 44) e del progetto di legge 342 (projeto de łexe 342) par l'indision del referendum par l'independensa. IV ła ga sindisi e consejeri comunai ma gnancora rejonai.
Istòria[canbia | canbia el còdaxe]
El movimiento połidego Independensa Vèneta nase el 12 de majo del 2012. Inte el so primo congreso, a Trevixo, i vien ełeti Lodovico Pizzati cofà secretario, Luca Azzano Cantarutti cofà presidente e el presidente onorario Alessio Morosin.[2][3][4]
Campagna par el referendum[canbia | canbia el còdaxe]
In sol che tre mexi Independensa Vèneta ła toe so pì de 20.000 firme (i gavea tacà a torłe so co i jera rento a Vèneto Stado) par far on referendum so l'independensa del Vèneto. El 22 de majo i porta łe firme al presidente del Vèneto Luca Zaia, che no se mostra masa interesà a portar vanti el projet.[5]
El 28 de agosto el presidente de ła Comision Eoropea, José Barroso, toe poxision so ła costion de łe nasion sensa stado e se dixe verto al parlar co IV par on referendum so l'aotodeterminasion del Vèneto.[6]
El 6 de otobre Independensa Vèneta organixa na manifestasion a Venesia, che co pì de domie parsone ła taca da ła fondamenta Santa Łusia e riva a ła fondamenta de ła Saude, par sostegner ła "Risołusion 44" (Risoluzione 44) so el dirit a l'independensa del Popoło Vèneto. Rivai al Consejo Rejonał del Vèneto ghe xe stà ła consegna ofisiał de ła Risołusion 44[7]. El 17 de otobre 42 consejeri rejonai so 60 i fat ła domanda ofisiał par na discusion so ła costion, cusìta IV ła ga vuo l'atension tajana e internasionał.[8][9]
El 28 de novenbre vien votà ła resołusion, che canbia da "independensa" a "aotodeterminasion", pasa co 29 voti par el si, 2 par el no e 5 astensioni, i 14 consejeri del PD i va fora dal Consejo prima de ła votasion cofà protesta contro el dirit de aotodeterminasion.[10]
El 12 de zenaro Independensa Vèneta porta pì de 50.000 firme, otignue in poco pì de do mexi, a Borsea e łe consegna a ła Comision Eoropea par el poxo al referendum so l'autodeterminasion del Vèneto.
Rołi[canbia | canbia el còdaxe]
Rołi de des[canbia | canbia el còdaxe]
- Primo Consejer deventà Portavoxe dal 2017: Michele Favero (2014–2016), Massimo Vidori (2016–2017), Juri De Luca (2017–des)
- Vixe Portavoxe: Silvia Nizzetto (-des)
- Primo Coordenador: Daniele Baratella (2014–2015), Nico Gaiani (2015–2017), Barbara Rossetto (2017–des)
- Texorier: Cristiano Zanin (2012–2013), Pietro Bortolin (2013), Marco Zaninelli (2013–2014), Andrea Bisello (2014–2016), Mario Scapolo (2016–2017), Andrea Bisello (2017–present)
Rołi ghe no ghe xe pì[canbia | canbia el còdaxe]
- Secretario: Lodovico Pizzati (2012–2013), Giuliomaria Turco (2013–2014)
- President: Luca Azzano Cantarutti (2012–2014)
- President onorario: Alessio Morosin (2012–2014)
Notasion[canbia | canbia el còdaxe]
- ↑ https://www.indipendenzaveneta.com
- ↑ Nasce Indipendenza Veneta: Ora ze Il Nome Di Un Movimento, A Breve Sarà La Realtà | Indipendenza Veneta
- ↑ Pizzati ze eletto segretario di Indipendenza veneta - Regione - Il Mattino di Padova
- ↑ Congresso Indipendenza Veneta: Pizzati segretario
- ↑ Veneto: Consegnate Alla Regione Le Firme Par Referendum, in L'Indipendenza Nuova.
- ↑ https://www.indipendenzaveneta.com/storia-del-movimento
- ↑ https://www.telegraph.co.uk/news/worldnews/europe/italy/9589732/Mass-rally-in-Venice-to-call-for-independence-from-Italy.html
- ↑ https://www.express.co.uk/news/world/353341/Venice-calls-for-freedom
- ↑ https://www.ibtimes.com/return-glorious-venetian-republic-yet-another-separatist-movement-europe-841913
- ↑ http://indipendenzaveneta.net/indipendenza-veneta-consiglio-regionale-dice-si-allautodeterminazione/