Venetismo

Da Wikipedia, l'ençiclopedia libara.


Dezanbìgua – "Sta vóxe ła parla de ła połìtiga." ła remanda cuà. Se te serchi el conceto łénguistego, védarse Venetismo (łéngua)


Venetìsmo xe el nòme dato dai mass media a un insieme de asociasion culturałi e/o połìtighe ligàe a tuto cueło che xe tipegamente vèneto.

Racuanti venetìsti i sostien che el Vèneto el xe na nasion che no ła ga a che far co l'Itałia, e i contèsta ła vałidità del referèndum del 1866 co cui el Vèneto xe stà tacà a l'Itałia. Serti i dixe che inte el Vèneto ghe sta anca ła Furlanìa, ła Lonbardia Vèneta (overo i teritori de Bresa, Bergamo e Crema) e anca un toco del Trentin.

El risultato pì resente l'è el Plebisito dixitałe par l'independensa del Veneto, organixà da un comitato apartitego inte ła setimana dal 16 al 21 marso 2014. Se trata de un referendum spontaneamente organixà da sitadini veneti, sensa vałor legale, ma che dovaria portar a ła luse ła vołontà del popoło veneto de organixarse autonomamente.

Partii połitisi[canbia | canbia el còdaxe]

Ancò ghe xe pì de un partio che se dixe venetista. El partio pì conosùo el xe Indipendenza Veneta nasùo inte el 2012 ma in gran cresita[1], altro partio venetista xe ła Łiga Veneta, sesion locałe de ła Lega Nord, anca se a olte xe mes in dubio che sipa venetista. Po ghe xe altri partii pì picołi cofà ła Liga Veneta Repubblica, Veneto Stato e tanti altri.

Voxe ligae[canbia | canbia el còdaxe]

  1. Indipendenza Veneta: Il Potenziale C’è, Ora Bisogna Crescere | Indipendenza Veneta Archivià il 2 de majo 2016 in Internet Archive.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Venetismo&oldid=1169343"