Conservatorismo

Da Wikipedia, l'ençiclopedia libara.
Jump to navigation Jump to search

El conservatorismo xé na corente pulitego-cultural da le carateristeghe difarenti a segonda dei contesti nasionali. I xé contrari ai progresisti e la xé na corente pulitega che de sołito la se poxisiona a sentro-drita che favorise la conservasion de le tradision, la fameja, la cultura e a 'olte anca la relijon del paexe andove i se cata.

En economia i conservadori i tole na pulitega de tipo protesionista, esendo contrari al libaro marcà, anca se, n'tel XX secolo alguni partìi conservadori i ga ciapà poxision liberali, tal'olta aleandose co st'ultimi difendendo el sistema socio-economego capitalista in opoxision al comunismo e al sociałismo. La fuxion tra i conservadori e liberali la se ciama liberałismo conservadore.

I prinsipi in xenerale[canbia | canbia el còdexe]

I ponti ideoloxisi del conservatorismo i se pole definir cusì:

  • la dotrina fiscałe xé uno fatori prinsipali che difarensia i conservadori dai progresisti. I vole sbasar la spexa publega, par rivar al parejo de balanso. Se serca de frenar i interventi del stato in economia, jutando che se fasa privatixasion e deregolarixasion. L'obietivo de sta idea l'é chelo de sbasar le tase, cusì sbasado el debito publego e jutando cusì investimenti n'tel paexe.
  • la dotrina sociałe n'tei temi sociali, ndando contro a le adosion gay, eutanaxia, antiproibisionismo e na 'olta anca so l'aborto e i matrimoni gay. I vole pene forti contro la criminalità. Sto ponto, el serca de metar insieme i temi claseghi del conservatorismo co la justisia sociale, butandoli in ciave anti-statalista e liberista.
  • el tradisionałismo (ciamà Toryismo n'tei paexi anglofoni) marca el rispeto e la nesesità del giusnadurałismo e de na moral comune, favorendo la conservasion de le tradision, la fameja, la cultura e a 'olte anca la relijon del paexe andove i se cata, marcando la decadensa portada da l'iluminismo e da le rivolusion, che le ga causà el rabaltamento dei valori morali e sociali.

Corenti del conservatorismo[canbia | canbia el còdexe]

  • el conservatorismo liberałe che'l se mete a Sanca. El sostien le idee so la fiscalità, ma sol canpo social l'é pì progresista.
  • el conservatorismo libertaro o fuxionismo l'é tipicamente prexente n'tei Stati Unii. El mantien poxision libartarie in economia ma el xé pi conservator so'l canpo etico.
  • el conservatorismo nasionałe che'l se mete a Drita. L'é nasionalista. El se caraterixa marcando la contrarità a l'imigrasion clandestina, al multiculturalismo e a la globalixasion. I sostien el protesionismo e on fià de statalismo en economia.
  • el neoconservatorismo xe na peculiarità statunitense del conservatorismo. Ghe va ben el neoliberismo, interventismo, osidentalismo e patriotismo e l'é contro a l'intersionalismo e 'l ixolasionismo. I domanda la limitasion de l'intervento statal. Grandi raprexentanti i xé stai Reagan e Bush;
  • el conservatorismo uninasionale: el ga na linia dura e penalista, el ritien che le clasi che sta mejo le gapia da esar solidali co le clasi lavoratrisi. Sta ideoloxia la xé d'acordo co el libaro marcà drento el paexe, parché par jutar ai inprenditori nasionali se ga da esare protesionisti.
  • el teoconservatorismo (semplisemente tecon, da "Teo", osia Dio; e "Con", osia conservatore). El movimento Teocon l'é on ultra-conservatorismo soi temi sociali, in particolare sui diriti dei gay. El movimento Teocon el xé forte n'tei Stati Unii, andove el vien riconosuo par el fondamentalismo cristian e che i dixe sia nesesario difendare la siviltà osidental. In Italia el termine se uxa par parlar dei democristiani de drita.