Internasionałismo

Da Wikipedia, l'ençiclopedia libara.
Jump to navigation Jump to search
Stela internasionalista

L'internasionalismo l'é na ideołoxia pułitega, nasua n'tel XIX secoło, che la vole major cooperasion pułitega e economega tra le nasion cusì che le staga mejo.

Ghe xé do tipi de internasionałismo:

  1. L'intersionalismo proletario
  2. L'intersionalismo liberale.

Internasionałismo prołetario o sociałista[canbia | canbia el còdexe]

'L internasionalismo proletario o sociałista l'è na teoria che la se baxa so'l sociałismo utopistico e che la xé cresua dopo le parole scrite n'tel Manifesto del Partio Comunista de Karl Marx e Friedrich Engels, fato n'tel 1848, chel dixe che tute le persone de la clase proletaria o operaia, i gapia da ndar vanti in solidarietà verso la rivolusion globale[1], insieme ai lavoradori de che altri paexi, cusì che no se segua na diresion pulitega "nasionale" ma "internasionale". L'internasionalismo proletario, l'é visto come na prevension a le guere contro le nasion, parché no l'é intarese dei lavoradori coparse fra de lori, ma invese sia n'tel so interese far na guera contro la clase borghexe visto che, pa'l Marxismo, la sfruta i lavoradori. Par la teoria marxista, el nemico de l'internasionalismo proletario, l'é el nasionalismo borghexe, dato che i pensa che la divixion del mondo in clasi, nasion e relijon, sia on mestiero tra i pie par el svilupo de la siviltà omana.

Anca al dì de oncò, l'intersionalismo l'è senpre streto co i movimenti No Global, contro la globalixasion e el capitalismo osidentale, parché i vole far na eoropa "dei popoli", scancelando del tuto l'idea de Stato-Nasion, oramai ritegnua na idea vecia.

Internasionalismo liberale[canbia | canbia el còdexe]

L'internasionalismo liberal, in contrapoxision co l'intersionalismo proletario, l'é na ideoloxia che la vole la colaborasion tra le nasion par la so convivensa pasifega. Co sto intento, n'tel XX secoło, dopo le do guere mondiali, xé nasue tantisime organixasion internasionali par mantegnere la paxe el rispeto de norme comuni in tuto el mondo. On grando personajo famoxo par l'internasionalismo liberal, l'è Immanuel Kant, che el voleva na colaborasion tra i Stati Eoropei, par scancelar le guere: Sta idea la ga scrita n'tel so tratà "Par la paxe perpetua", n'tel 1795. Kant, no'l voleva na confederasion de Stati che la ghin formee uno solo (come che xé la Svisera o i Stati Unii de ła Mèrica), ma un Union flesibile, fata n'te la unità n'te la diversità, fata senpre de Stati nasionali e sovrani.

Notasion[canbia | canbia el còdexe]

  1. "Proletari de tuto el mondo, Unive!" Ultimo rigo del Manifesto del Partio Comunista