Keynexismo miłitare

Da Wikipedia, l'ençiclopedia libara.
Jump to navigation Jump to search

El keynexismo militare xé na pulitega economega che prevarda che l'exersito el gapia na funsion de datore de laoro, co on susesivo cresare de la spexa publega da parte dei stati n'tel setore de la difexa militare onde jutar la cresita economega traerso el conseguimento de la piena ocupasion. Se trata de la variasion spesifega e particolar del Keynexismo. Alguni exenpi de sta ideoloxia, n'tei confronti de le puliteghe ocupasionali, i xé la Xermania naxista in contenpo a la segonda guera mondial e dei Stati Unii incuando ghe jera le presidense de Franklin Delano Roosevelt e Harry Truman. Sta tipoloxia de economia xé ligada a l'interdependensa tra welfare e warfare state, andove el segondo juta el primo ilimitadamente.

Doparasion[canbia | canbia el còdexe]

Xermania Naxista[canbia | canbia el còdexe]

La gran parte de l'economia del Terso Reich la jera orientada verso la miłitarixasion, soratuto par pareciare na pusibiłe guera co le nasion slave, pi tosto che n'te la produsion de beni de consumo o verso la slargasion comerciale. Nonostante sta pulitega, la concentrasion de capital n'te l'industria de le armi, ga jutà on slargamento de la capasità industrial tedesca e la ga juta a sbasare i tasi de dixocupasion.

Stati Unii[canbia | canbia el còdexe]

N'tei Stati Unii i ga doparà sta teoria incuanto la segonda guera mondial, co ghe jera presidenti Franklin Delano Roosevelt e po Harry Truman, sto ultimo, co on documento NSC-68 (Risolusion 68 del Consejo de sicuresa nasional). L'influensa del Keynexismo so le sielte de pulitega economega statuniensi, la xé ndà vanti fin a la Guera del Vietnam.