Sociałismo islàmego
El sosiałizmo izlàmego el ze on termine conià da tanti leader musulmani par descrivar na forma pì spiritual de'l sosiałizmo, visina a'l marxismo izlàmego e a'l sosiałizmo arabo, che el meta insieme i valori de l'islam, co la sosialdemocrasia osidentale, el secołarizmo e l'uguałiansa e a 'olte co'l nasionałizmo arabo e el panarabizmo.
I sosiałisti izlàmeghi i crede che i insenjamenti de'l Coran e de Maometo - soratuto el zakat, uno de le sincue colone de l'islam - le sia conpatìbiłi co i prinsipi de ugualiansa econòmega e sosiale. I tole ispirasion da'l stato sosiale ante litteram fato, secondo lori, da Maometo durante el so' goerno a Medina. I sosiałisti musulmani no i ze de zènare de tendensa "liberale", a difarensa de i sosiałisti osidentałi.
Come i cristian-democratezi, anca lori i voleva métar insieme la democrasia co i prinsipi culturali de orìzene relijoza. Tanti de łori, i ga ideołozìe anti-inperiałiste. Tanti leader sosiałisti musulmani i crede inte la democrasia raprezentativa o direta e inte ła łezitimità da parte de'l popolo (elesion democràteghe), a difarensa de tuti che altri leader de partii relijozi izlàmeghi, che i proclama de èsar i sucesori de Maometo e che i pensa ła democrasia izlàmega so na forma teocràtega, vardada male dai izlamososiałisti.
Ezenpi de sosiałismo izlàmego i ze l'ideołozìa del Libro Verde de Mu'ammar Gheddafi in Libia, cheła de Fatah in Palestina, de'l partio Baath de Iraq (Saddam Hussein e dopo i ex sostenjidori de'l rezime pasà) e Siria (Hafiz e Bashar al-Assad) e dei Mojahedin de'l Popoło Iranian e, in pasà, el naserizmo in Egito e el rezime de Ben Ali in Tunizia.