Tersa via

Clinton e Blair, do noti esponenti de la tersa via.

Co tersa via (in inglexe: Third Way) se ghe dixe a difarenti poxision pułiteghe che serca de metarse in na poxision intramedia tra drita e sanca (no l'è sentrismo), aprovando na riserca alternativa o de conpromeso tra le puliteghe de drita, de stanpo liberista, e chele sociali de la sanca, ispirade dal sociałismo. La tersa via, la xe sta creada come na seria rivalutasion de idee puliteghe inte i movimenti de sentro-sanca de ideoloxia progresista, par rispondare a dubi internasionali come la variabilità economega de on Stato, catando solusion economeghe de intervento fate conosare grasie al Keynexismo e contrastade da l'avansada del Neoliberismo e de la nova drita. La tersa via xe na idea portada vanti da tanti movimenti sociałisti, socialdemocratesi e liberali de sanca.

Ideoloxia

Uno dei majori esponenti de la tersa via xe el premier laburista Tony Blair, che el dixea che el sociałismo jera difarente da la tradisional concesion de sociałismo. El sociałismo de la tersa via, xe on sociałismo che riconose le persone in on contesto social come dipendenti, promove la justisia sociałe, la coexion sociałe e l'ugualiansa tra tuti i sitadini e le pari oportunidà. Grasie a la tersa via, el sociałismo ga suparà la fase marxiana de l'abołision del capitałismo, proponendo la scansełasion de algune robe no juste del capitałismo, grasie ai investimenti sol Welfare. Sta ideoloxia pulitega la vole un grando egualitarismo inte la società de oncò traerso na asion direta a l'aumento de la distribusion de abiłità, capasità e mexi de produsion e inte el steso tenpo no volendo alguna ridistribusion de la richesa tra clasi sociałi. Da inpegno so: el raxonximento del parejo de bałanso, dando cusì pari opordunidà, asentando so le responsabilità morali de ogni persona; la desentralixasion del poder goernativo al minor liveło posibile; l'incoraxamento de pì pusìbiłi acordi economisi tra publigo e privà; la protesion del capitale e inte el steso tenpo un òcio de rivardo a l'anbiente.

Tersa via in Italia

163.962x163.962px

Le difinision de tersa via, le canbia xà tra stati americani e Eoropei. In Italia la tersa via, soto difarenti nomi, xe sta na proposta dei partii sentristi claseghi (ex democristiani) e dei partii laisi, come el storego Partio Socialista Italian, che inte la so faxe final, co Bettino Craxi, ga partesipà a sta ideoloxia. Al di de onco, ghe xe difarenti personaji che se rifa a sta idea, anca se i xe spersi in tanti partii tra drita, sentro e sanca.

Criteghe

La tersa via xe sta ojeto de critighe da parte dei partii conservatori e libertari, che i difendea el vecio capitalismo. Ga ricevuo critighe anca da parte dei Socialdemocratesi e comunisti, st'ultimi in particolar, i vede sta ideoloxia come distrusion dei valori de la Sanca.

Controło de autorità	GND (DE) 4122121-7