Radicałismo

El radicałismo l'è na corente ideołoxega e pułìtega nasua inte i primi ani del XVIII secoło, durante la rivolusion fransexe, da drento el movimento liberal. I radicałi, i jera la sanca del grupo liberal. I radicałi i proponea de far riforme puliteghe radicałi in senso eguałitario e in mexo a cueste, ghe jera anca el sufrajo universal, l'abolision dei titoli nobiliari e la repùblica. I radicałi, i vołeva la libartà de stanpa e na forte separasion tra el Stato e la Cexa.

Inte i Stati Unii de ła Mèrica, andove i partii de ispirasion sociałista no i ga mai fato le so raixe e el liberałismo l'è la ideoloxia che tuti i grandi partii pułitisi tien, co el termine liberal el se ghe dixe a na poxision rente a la socialdemocrasia e al sociałismo democratego eoropeo, e el termine radical el vien doparà par dirghe a la sanca estrema de ideoloxia marxista e la cusita dita nova sanca, nasua dai movimenti scołasteghi dei ani '60 del novesento, da andove anca i xornalisti Italiani i ga tacà dire Sanca Radicale par dirghe a la Sanca comunista.