Progresismo

Da Wikipedia, l'ençiclopedia libara.
Jump to navigation Jump to search

El progresismo xe na vixion o tendensa pulitega (n'te alguni caxi anca etica), inparentada co la socialdemocrasia e el liberałismo sociałe. El termine l'è sta doparà par la prima 'olta n'te la fin del XIX secolo n'tei Stati Unii e el se uxa par dirghe a le persone che le sostien la promosion dei diriti siviłi e sociałi, da ciapar parò in riforme progresive al posto che co na rivolusion sociałista o anarchica.

N'te la storia pulitega, el termine el vien fora co la rivolusion fransexe del 1789, portavoxe de le puliteghe iłuministe de la borghexia fransexe.

Descrision[canbia | canbia el còdexe]

I progresisti i mira a modifegare i aspeti pułitesi, economisi e sociałi co riforme progresive. El se contrapone al conservatorismo. Storicamente le vien ciamade "progresiste" le forse che le se poxisiona a sanca, anca se oncò le vien ciamade progresiste le forse che le varda a le ideoloxie de la tersa via (Third Way).

N'tei ani, el progresismo xé divegnesto sinonemo de sociałismo liberale, anca se nasuo co orixeni difarenti. La tendensa la xé chela de metar insieme el pensiero liberale e de la propietà privada, co le garansie sociałi che ghe xé co la socialdemocrasia. Drento a l'internasional liberale i progresisti i xé raprexentai dal liberałismo sociale, i vole el libaro marcà ma anca a l'intervento publego, riforme in canpo pułitego e sociałe, cusì come drento a la socialdemocrasia ghe xé na corente de drita de sociałismo liberal, incarnada da Tony Blair e Gerhard Schröder, che la mira a la costrusion de on sentro progresista.