Mariano Rajoy
Mariano Rajoy Brey (Santiago de Composteła, 27 de marso 1955) xe un połidego spagnoło. El xe stà presidente de ła Spagna dal 21 de disenbre 2011 al primo de giugno 2018, col Partio Popołar.
Vida e Cariera[canbia | canbia el còdaxe]
Xoventù[canbia | canbia el còdaxe]
Mariano Rajoy xe nasù el 27 de marso del 1955 a Santiago de Composteła, fin da xovane el xe intrà inte el partio Ałeansa Popołar (deventà poi Partio Popołar).
Ministro[canbia | canbia el còdaxe]
Inte el 1996 xe deventà ministro de ła publega aministrasion col goerno Aznar e po dal 1999 ministro de ła publega istrusion e de ła cultura.
Primo Goerno Rajoy[canbia | canbia el còdaxe]
El 21 de disenbre del 2011 deventa presidente de ła Spagna. Inte el 2013 vien indagà co altri 62 deputai (4 ministri) par apropiasion indebita de fondi publisi par un vałor de tanti mijardi e corusion, ma no xe stà condanà par mancansa de prove.
Segondo Goerno Rajoy[canbia | canbia el còdaxe]
Dopo łe ełesion del disenbre 2015 e zugno 2016, che no łe ga portae a na majoransa, par no tornar na tersa volta al ełesion el 4 de novenbre 2016 vien forma in secondo goerno Rajoy.
Crixe Catełana[canbia | canbia el còdaxe]
El 1° de otobte 2017 in Catełogna xe sta fat un referendum par l'independensa e el goerno Rajoy el ga mandà ła Guardia civil par fermar sto ato ilegałe pa' ła costitusion spagnoła. I sbiri i ga secuestrà łe urne e łe schede dei seji che i xe riusìi a sarar, mandando al ospedal sirca novesento siviłi tra cuełi che, pasifegamente, i defendeva i seji pa' inpedir el secuestro. El 27 de otobre el parlamento catełan, visto el rexultà referendario, el ga aprovà ła dichiarasion unilaterałe de independensa da ła Spagna. A chel ponto el goerno Rajoy, grasie al apojo parlamentar del PSOE e de Ciudadanos, el ga aplicà el artìcoło 155 de ła costitusion, cavàndoghe l'autonomia a ła rejon catełana.
Sfiduçia[canbia | canbia el còdaxe]
Dopo el cusì dito caxo Gürtel, che ga portà a ła łuxe ła corusion e i fondi neri del PP e del Goerno Rajoy, el 1° de zugno del 2018 el parlamento spagnol ga sfidusà el goerno Rajoy co 189 voti a favor e 169 contro[1].
Notasion[canbia | canbia el còdaxe]
Wikimedia Commons el detien imàjini o altri file so Mariano Rajoy
.jpg){kind=link}
| Controło de autorità | VIAF (EN) 7079434 · ISNI (EN) 0000 0001 0534 9699 · LCCN (EN) no2003052380 · GND (DE) 137037457 · BNF (FR) cb16223389w (data) · BNE (ES) XX1079922 (data) · WorldCat Identities (EN) no2003-052380 |
|---|
- ↑ «Spagna: Rajoy sfiduciato, socialista Sanchez ze il nuovo premier». euronews, 1º giugno 2018. URL verto in data 1º giugno 2018.