Haiti

Haiti

Ayiti (ht) Ayiti (tnq)
Bandiera Stema
someja satełitar in setenbre
Ino	La Dessalinienne
Bomò	«Liberté, Égalité, Fraternité (it) »
Pozision
19°00′N 72°48′W19°00′N, 72°48′W
Continente	Amèrica del Nord
Capitałe	Port-au-Prince
Popołasion
Totałe	10 981 229 (2017)
Densità	395,72 hab./km²
Zènaro	5 625 310 (%51,2)   (%50,4) 5 535 128
Demònemo	haitiana, haitiane, haitiani, haitian
Idioma	franseze crioło haitian
Speransa de vita	63,33 (2016) 0,33 (2021)
Zeografia
Parte de	amèrica latina e Caràibe
Àrea	27 750 km²
Ponto pì alto	Pico la Selle (2 674 m)
Ponto pì baso	Mar de i Caràibi (0 m)
Rente a	Repùblega Dominicana   Stati Unii de l'Amèrica   Ìzołe Turche e Caicos
Prima mesion documentada	Secondo Inpero de Haiti
Organizasion pułìtega
Òrgano ezecutivo	Goerno d'Haiti
Òrgano lejislativo	Asenblea Nasionałe de Haiti
Presidente de Haiti	Transitional Presidential Council (en) (25 de apriłe del 2024)
Primi ministri de Haiti	Alix Didier Fils-Aimé (11 de novenbre del 2024)
Ìndaze de Democrasia	4.22/10
Menbro de	Organizasion de łe Nasion Unìe, Organizasion mondiałe del comerso, Comunità del Caràibe, Banca Internasionałe par ła Recostrusion e Desviłupo, Asociasion Internasionałe del Desviłupo, Corporasion Finansiària Internasionałe, Organismo Multilaterałe de Garansia dei Investimenti, Sentro Internasionałe de Regołamento de Difarense Rełasionae ai Investimenti, Stati de l’Àfrica, dei Caràibi e del Pasìfego, OPANAL, Liansa dei Picenini Stati Insułari, Banca de Desviłupo dei Caràibi, Interpol, Organizasion par ła Proibision de łe Arme Chìmeghe, UNESCO, Union Postałe Universałe, Union Internasionałe de Tełecomunicasion, Organizasion dei Stati Americani, Organizasion Internasionałe de ła Francofonia, Organizasion Internasionałe de Protesion Siviłe, Organizasion Meteorołòzega Mondiałe, Organizasion mondiałe de ła sanità, Ajensia Caribegna par ła Zestion de Urjense e Dezastri e Organizasion Mondiałe de łe Dogane
Economia
PIL nomenałe	20 877 414 952 $ (2021)
Persentuałe IVA	10 %
Ìndaze de desviłupamento oman	0,535  (2021 )
Moneda	Gourde haitian
Banca sentrałe	Banca de ła Repùblega de l'Haiti
Taso de dezocupasion	7 %
Coefisente de Gini	41.1/100
Còdazi de identifegasion
ISO 3166-1	HT HTI 332
Còdaze de matricołasion	RH
Fuzo oràrio	UTC-5 Amèrica/Port-au-Prince
Domìnio de primo liveło	.ht
Prefiso tełefònego	+509
Tełèfono d'emerzensa	115 (ponpieri) 116 (servìsio mèdego d'emerzensa) 114 (połisia) 122 (połisia)
Preza ełètrega	tipo A e tipo B
Istòrego
← Saint-Domingue (it)
Sito web	primature.gouv.ht

Haiti, ufisalmente Repùblega de Haiti (crioło haitian: Repiblik Dayiti; franseze: République d'Haïti), ła ze na dei trèdaze paezi che i forma ła Amèrica Insułare, Antiłe o Ìzołe del mar dei Caràibi, uno dei trenta e sìncue de Amèrica, grando 27 750 km². La so capitałe e sità pì popołada ła ze Porto Prìnsipe e ła popołasion nasionałe ła conta inte el 2018 de 11 911 819 viventi. Lenguìstegamente el ze un paeze latinoamerican, dopo, łe so łéngue, el crioło haitian e el franseze, łe ze łéngue latine.

Haiti e el Cànada i ze i ùgnołi paezi de Amèrica andove che ła łéngua franseze ła ze ufisałe e parlada da na parte inportante de ła popołasion. Anca se inte el cazo de Haiti cuazi ła totałità del so popołasion ła parla prinsipalmente el crioło haitian, e inte el cazo de Canada invese, l'ingleze (ła so altra léngua ufisałe).

Zeografia

Ła ze ponesta inte ła zona sentrałe de łe Antiłe, inte ła parte osidentałe de ła ìzoła La Spagnoła, limitando verso nord col osèano Atlàntego; verso est co Repùblega Dominicana, che el ze chel'altro paeze situà inte ła ìzoła de La Spagnoła; ła confina verso sud col Mar Caràibi e verso ovest col paso dei Venti, che el lo separa da Cuba. Co 27 755 km² , el ze el terso paeze pì estendesto de łe Antiłe — par dedrio de Cuba e Repùblega Dominicana, — el terso pì popołà —novamente par dedrio de Cuba e Repùblega Dominicana — e co 292,7 ab/km² , el terso pì densamente popołà, par dedrio de Barbados e Saint Vincent e Grenadine.

El so teritòrio da de fora de La Spagnoła el ze formà da łe ìzołe de ła Gonâve, Tortuga, Vaches, l'arsipèłago de łe ìzołe Cayemites, cusita cofà anca altri izołoti de łe so àcue teritoriałi. La inabitada ìzoła de Navaza ła ze reclamada da Haiti prima de ła aministrasion dei Stati Unii.

Situasion pułìtega inte el XX sècoło

Haiti ła ze formada cofà na repùblega semipresidensiałista drio cheło che dize ła Costitusion aprovada inte el 1987, ła cuała vijensa ła zera cascà sospendesta in vàrie ocazion par ła viołensa pułìtega, particułarmente dopo de do colpi de Stato. El primo colpo el zera sta organizà da deponer el presidente democrategamente ełezesto Jean-Bertrand Aristide; El secondo colpo de Stato el se ga vesto inte el 1991. El terso el zera ocoresto inte el 2004 e el ghea forsà ła intervension de l'ONU mediante el destacamento de ła Mision de Stabiłizasion de łe Nasion Unie (MINUSTAH) in Haiti. Dopo de un procedimento ełetorałe tutelà da ła comunità internasionałe, inte el 2006 el zera sta ełezesto cao del Stato René Préval.

Economia

La economia de Haiti ła ghea zenerà inte el 2009 un Prodoto Interno Lordo de 6908 miłioni de dòłari e un rèdito pro càpite de 772 Dòłari, esendo el pì poareto del continente american e uno dei pì sfavori del mondo. Drio cheło che dize el The World Fatbook, el 80 % de ła so popołasion ła vive par soto del liveło de poaresa.

El sora-disfrutamento e ła erozion del teren łe ze consecuensa de na intensiva e descontrołada deforestasion che ła ga portà ła superfise albarada de Haiti del 60% inte el 1923 a manco del 2% inte el 2006. Le devastadore tormente tropegałi che łe se ghea sucedesto drio del 2008, e l'inbatimento del uragan Matthew inte l'otobre del 2016, łe ga infetà łe scarse infrastruture de comunicasion che, cofà dei setori industriałi e dei servisi, i sofre de ła carensa de investimenti che riva par colpa de ła instabiłità e ła viołensa pułìtega. El setor industriałe pì inportante el ze el tèsiłe, che el reprezenta pì del 75% del vołume de esportasion e el 90% del PIL.

Haiti el ze includesto inte el programa del Fondo Monetàrio Internasionałe e del Banco Mondiałe par i Paezi in via de desviłupo altamente indebitai.

Istòria

Haiti el ghea proclamà ła so indipendensa inte el 1° de zenaro del 1804, devegnendo el secondo paeze del continente americano che lo ga fazesto, e primo de Amèrica Latina che el ła ga otegnesta dopo de un singułar proceso revołusionàrio de caràtaro abołisionista, scumisià inte el 1791, che el zera desbocà in na longa lota armada contro de ła Fransa, ła potensa cołonizadora dal finałe del XVII sècoło. La so baze ètnega popołasionałe ła ze de orìzane africano-subsahariana. El ze el primo cazo inte ła Istòria Universałe inte el cuało ła rebełion de na popołasion sometesta al sistema de s-ciavitù ła ghea portà a ła so emancipasion, fazendo un precedente definitivo par ła sopresion del comèrcio transatlàntego de persone. Sto epizòdio el ze spesìfegamente recordà da łe Nasion Unie co ła Resołusion 29/C40, comemorandoło ogni 23 de agosto, e ła istitusion de ła medaja Toussaint L’Ouverture, in omajo a uno dei lìder de ła revołusion haitiana.

Organizasion pułìtego-aministrativa

Haiti el ze dividesto in 10 departementi (in franseze, départements), 41 distreti (in franseze arrondissements) e 133 comuni. Sti departementi i partegneva a łe tre provinse orizenałi del Saint-Doménego cołoniałe, che i zera Nord, Sud e Ovest. Soto del mandà de Toussaint L’Ouverture, łe provinse łe se ghea convertio in departementi. El departemento Nippi el zera sta creà inte el 2003 dopo de na divizion dal departemento de Grand’Anse.

HT-AR HT-CE HT-GA HT-NI HT-ND HT-NE HT-NO HT-OU HT-SD HT-SE
Departemento	Sigla Código ISO	Capitałe	Popołasion (2003)	Área (km²)
Artibonito	HT-AR	Gonaïves	1 175 000	4984
Sentro	HT-CE	Hincha (Hinche)	627 000	3675
Grand’Anse	HT-GA	Jérémie	345 000	2018
Nippes	HT-NI	Miragoâne	268 000	1219
Nord	HT-ND	Cap-Haïtien	875 000	2175
Nordest	HT-NE	Fuerte Libertad	335 000	1805
Nordòvest	HT-NO	Port-de-Paix	490 000	2176
Ovest	HT-OU	Porto Prìnsipe	3 637 000	4827
Sud	HT-SD	Les Cayes	653 000	2794
Sudest	HT-SE	Jacmel	466 000	2077

Gałeria de someje

• 
  Caena de La Selle
• 
  fiume Artibonite
• 
  panorama de Cap-Haïtien
• 
  sito istorego de el Pałaso de Sans Souci

Altri projeti

Altri progetti

• Wikimedia Commons

• Wikimedia Commons el detien imàjini o altri file so Haiti
• el detien schemi gràfeghi so

Linganbi foresti

• Sito ufisałeprimature.gouv.ht.
• Haiti, in Disionàrio de istòria, Istituto de ła Ençiclopedia Italiana, 2010.
• (IT, DE, FR) Haitihls-dhs-dss.ch, Disionàrio stòrego de ła Svìsara.
• (EN) Christian Antoine Girault, James A. Ferguson, Robert Lawless e Murdo J. Macleod, HaitiEnçiclopedia Britannica, Encyclopædia Britannica, Inc.
• (EN) Haiti, in Catholic Encyclopedia, Robert Appleton Company.