12 de majo

xenaro · febraro · marso · apriłe · majo 2022 · xugno · lujo · agosto · setenbre · otobre · novenbre · diçenbre
	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma	Me	Zi	Ve	Sa	Do	Lu	Ma
←	1	2	3	4	5	6	7	8	9	10	11	12	13	14	15	16	17	18	19	20	21	22	23	24	25	26	27	28	29	30	31	→

El 12 de majo el ze el 132° dì dal scumìsio de l'ano drio del całendàrio gregorian e el 133° inte i ani bizesti. Par rivar al cao de l'ano ghe vołe oncora 233 dì.

Avegnimenti[canbia | canbia el còdaxe]

113 – Inaugurasion de ła Cołona Traiana a Roma
1191 – Ricardo I d'Inghiltera el spoza Berengaria de Navara
1328 – L'Antipapa Niccolò V el vien consacrà inte ła Bazéłega de San Piero a Roma, dal véscovo de Venèsia
1497 – Papa Alessandro VI el scomùnega Girolamo Savonarola
1588 – Enrico III de Fransa el dasa Parize, dopo che Enrico de Guisa el entra inte ła sità
1689 – Guera de re Gulielmo: Gulielmo III d'Inghiltera el se unise a ła Liga de Augusta e el scumìsia na guera contro ła Fransa
1780 – Guera d'indipendensa ameregana: Charleston el vien caturà da łe forse britàneghe
1797 – El Major Consejo de Venèsia el àbdega e ła sità ła vien consegnada a Napoleon Bonaparte. L'ùltemo doze Ludovico Manin el ze costrinzesto a àbdegar
1820 – Ła nase a Firense Florence Nightingale infermiera, epidemiòłoga britànega, fondatora de l'infermierìstega moderna o nursing
1864 – Guera de secesion americana: bataja de Spotsylvania Court House: "El canton insanguenà" – i more pì de miłe soldai confederai e de l'union
1865 – Guera de secesion americana: bataja de Palmito Ranch – Inte el profondo Texas, pì de un meze dopo de ła rendesta del zenerale confederà Robert Edward Lee, l'ùltema bataja de ła guera ła finise co na vitòria de l'Union
1870 – El Manitoba el devien na provincia del Cànada
1873 – Oscar II de Svèsia-Norveja el vien incoronà re de Svèsia
1881 – In Nordàfrica, ła Tunizia ła devien un protetorà fransezo
1917 – Prima a l'Òpara reałe de Budapest del bałeto "El prìnsipe de legno" de Béla Bartok
1932 – Dieze stimane dopo el so rapimento, el fioło neonasesto de Charles Lindbergh el vien catà morto a Hopewell (New Jersey), a solché poche mìlia da ła caza de Lindbergh
1937 – Incoronasion de re Zorzi VI del Regno Unio inte l'Abasia de Westminster
1942 – Seconda guera mondiałe: seconda bataja de Char'kov – Inte l'Ucraina orientałe, l'Armada Rosa ła taca ła so prima granda ofensiva de ła guera. Durante ła bataja i sovièteghi i se ritogarà ła sità de Char'kov a l'ezèrsito todesco
1944 – Se conclude l'ofensiva stratèzega del Dnepr-Carpazi co na granda vitòria par l'Armada Rosa
1948 – Luigi Einaudi el fa el zuramento cofà secondo presidente de ła Repùblega Italiana; el vegneva ełezesto el dì presedente co 518 voti su 872
1957 – Insidente inte ła Mille Miglia che el copa el piłota Alfonso di Portago, el copiłota Edmund Nelson e 10 spetatori
1958 – El vien firmà un acordo intrà USA e Cànada ciamà North American Aerospace Defense Command (NORAD)
1967 – A ła Cueen Elizabeth Hall, Inghiltera, i Pink Floyd i prezenta el primo conserto rock cuadrifònego
1974 – Itàlia: inte el referendum par l'abrogasion de ła leje sol divòrsio i vinse i NO col 59,3%: ła Leje Fortuna-Baslini ła resta in vigore
1975 – Insidente de ła Mayaguez: ła marina canbozana ła catura el mercantile statunitense SS Mayaguez in àcue internasionałi
1994 – Russ Hamilton el devien el novo canpion del mondo de poker^[1] gavendo vinsesto l'avegnimento prinsipale de łe World Series of Poker: ła vitòria ła varà 1.000.000 de dòłari, e a na cuantità de arzento paro al so pezar.
1995 – Cardano al Campo: a l'età de 47 ani ła more par aresto càrdio-sircołatòrio ła cantante italiana Mia Martini.
1999 – David Steel el devien el primo presidente del moderno parlamento scosezo
2000 – La Tate Modern Gallery ła verze a Londra
2002 – L'ex presidente statunitense Jimmy Carter el riva a Cuba, par na vizita de sincue dì a Fidel Castro, divegnendo el primo presidente dei Stati Unii d'Amèrica, in servìsio o no, a vizitare l'ìzoła, da ła Rivolusion castrista del 1959
2008 – Un teramoto de grado 7.8 de ła scała Richter el devasta ła Cina.
2016 – Braziłe: ła presidente Dilma Rousseff ła vien sospendesta da łe funsion de goerno par inpeachment.^[2]
2017 – Un ataco Ramsonware el ciapa milioni de computer inte el mondo: i pì colpii i ze i sistemi informàteghi de ła sanità ingleza e ła società telefònega spagnoła.