Carles Puigdemont

Da Wikipedia, l'ençiclopedia libara.
Jump to navigation Jump to search
Carles Puigdemont

Carles Puigdemont i Casamajó (Amer, 29 de disenbre 1962) xe un połidego e xornałista catełan, presidente de ła Genetalitat de Catalunya dal 26 zenaro 2016 al 28 otobre 2017, dì del comisionamento rexonal. El xe menbro del Partido Democradego Eoropeo Catełan.

Cariera Poidega[canbia | canbia el còdexe]

Inisio[canbia | canbia el còdexe]

Puigdemont el xe stà un dei menbri fondatori de a sesion de Xerona de a Joventut Nacionalista de Catalunya ("Xoventù Nasionaista de ła Catełogna")[1]; 'ntel 1983 el se iscrive a Convergensa Democradega de ła Catełogna 'ndo ghe restarà fin a ła so fin 'ntel 2016.
Dal 2006 vien ełet 'ntel Parlamento Catełan come deputà par ła provinsia de Xerona.

Sìndico de Xerona[canbia | canbia el còdexe]

Puigdemont 'ntel 2012

El 1° de łujo 2011 el vien ełeto alcade (sindico) de Xerona.
'Nte'l majo del 2015 vien ełeto de novo come sindico de Xirona e 'ntel łujo del stes ano vien ełet presidente del 'Associació de Municipis per la Independència ("Asosiasion dei Comuni par ła Independensa")[2].
El 27 de setenbre el xe stà de novo ełet al parlamento de ła Catełogna co a łista independentista Junts pel Sí ("Insieme par el Sì"), fata da Convergensa Democradega de ła Catełogna (CDC) e Sanca Republicana de Catałogna (ERC). El 26 de zenaio 2016 el deventa presidente de ła Generalitat de Catalunya, fin al 28 de otobre 2017, dì del comisionamento de ła Catełogna da parte del goerno deMariano Rajoy.

Presidente de ła Catełogna[canbia | canbia el còdexe]

Artur Mas e Carles Puigdemont el dì del insediament del novo goerno
Goerno Puigdemont.

El 6 de zenaro del 2016 par na crixi del Goerno de Artur Mas, cao independentista de a coaision Junts pel Sí, vien ełet Carles Puigdemont come novo presidente de ła Catełogna co 70 voti a favor, 63 contro e do astenui.
Puigdemont el taca el łaor el 12 de zenaro e xura fedeltà soeo al pòpoło catełan e no al Re Felipo VI e a ła Costitusion Spagnoa.
El 10 de łujo Convergensa Democradega de ła Catełogna finise e da vida a Partido Democradego Eoropeo Catełan.
El 29 de setenbre 'nte on so discorso dixe de voer far in referendum par l'independensa de ła Catełogna da ła Spagna, independentemente del judisio spagnol, cusìta toe el sostegno del CUP e vien riconfermà al Parlamento Catełan co 72 voti a favor.

Referendum par l'independensa Catełana[canbia | canbia el còdexe]

Exquisite-kfind.png Par saverghene de pì, varda ła pajina Referendum par l'independensa de ƚa Cateƚogna del 2017.
24 de zenaro, Puigdemont parla al Parlamento Europeo.

'Ntel disenbre 2016 Puigdemont fa el Pacte Nacional pel Referèndum par taca łe preparasion par el referendum, e scominsia ła canpagna de publisixasion e sensibiłixasion del referendum anca fora da ła Catełogna par esenpio al Parlamento Eoropeo.
El 22 de majo 2017 Puigdemont va a Madrid par parlar co Mariano Rajoy, el presidente spagnol, e reunirse 'nte on acordo comun sol referendum, inutilmente.
El 8 de setenbre el Parlamento Catełan aprova a Łexe istitutiva del Referendum. El Marian Rajoy fa ricorso a ła łexe pal referendum e el Tribunał Costitusionał Spagnol ferma ła łexe e el referendum[3]. En pì ła Procura Xenerał (Fiscalía) denunsa Puigdemont e tuti i deputai che i ga votà a favor de ła łexe e obliga tute e forse de poisia a fermar el referendum.

Votasion[canbia | canbia el còdexe]

El 1° de otobre el xe stà fat el referendum ma a guadria civl (poisia spagoa) ło ga fermà: i ga robà łe urne e łe schede de un bel fià de seji che i xe stài boni de serar, ła popołasion se xe oposta e ga manifestà pasificamente contro sti fati e a guardia civil ga prestà sirca novesento de chei che i jera drio manifestar, i Mossos d'Esquadra, a poisia catełana, no ga vosù fermar el referendum e se xe s-cierà col popoło catełan, i ponpieri i se xe s-cierai en defexa del popoło catełan e del referendum e ga defendesto a popołasion da a guardia civil.
El referendum xe stà vinto col 92,01% dei voti e el 43,03% de a partesipasion, parché tante persone no e xe stà bone 'ndar votar par i tanti seji serài.

Dichiarasion de independensa e articoeo 155[canbia | canbia el còdexe]

Dopo sto risultà Puigdemont el 10 de otobre diciara l'independensa uniłaterał, ma sospende l'independensa par on fià de semane par far acordi co Madrid, che parò no voł far acordi, cussìta el 27 de otobre Puigdemont diciara l'efetiva independensa da a Spagna e a nasita de a Repùblica Catełana.
Cusìta el dì dopo Rajoy co el voto en favor del parlamento uxa el articoeo 155 de ła Costitusion Spagnoa par cavar tuti i poderi a ła Catełogna, a Puigdemont e tuti chei del so goerno i vien cavà el incarego e restai.

Esiłio[canbia | canbia el còdexe]

Puigdemont en cołegamento da Borsea.

El 30 de otobre del 2017 Puigdemont xe stà denunsà da ła Spagna par ribełion e istigasion a ła ribełion, acuxe dite false da ła comunidà catełana, cusìta par scanpar a ła prexon Puigdemont xe dovù 'ndar via da ła Catełogna e rifujarse 'nte łe Fiandre a Borsea, da 'ndo el dixe de voer tornar en Catełogna soeo co ła garansia de on justo proceso.
El 3 de novenbre ła Spagna contro de lu fa on mandà de 'resto eoropeo. El 5 de novenbre Puigdemont se da a ła poisia belga e ghe vien dà ła łibartà condisinał.
Dopo che vien pì olte rimandà ła data del proceso el 5 de disenbre ła Spagna cava el mandà de 'resto eoropeo par farse mandar Puigdemont e farghe łori el proceso.

Vida privada[canbia | canbia el còdexe]

Xoventù[canbia | canbia el còdexe]

Puigdemont, a dreta, da bocia co so fradel major.

Charles Puigdemot el xe nasùo a Amer el 29 de disenbre 1962. Fiol de Xavier Puigdemont e Núria Casamajó, el xe el segondo de oto fradei.
Fin da xovane el se 'pasiona al xornałismo e a 16 ani, cuando jera drio studiar al coejo monastego de Xirona el łaora pal xornał Diari de Girona, un fià de ani dopo el crea el xornał Espelt.

Vida privata[canbia | canbia el còdexe]

Puigdemont co łe fioe a Barsełona el dì de San Zorzi.

Dal 2000 el xe maridà co ła xornaista Marcela Topor e 'l ga do fioe.

Notasion[canbia | canbia el còdexe]

Quill-Nuvola.svg
Sta sezion ła xè ancora voda. Jùtene a scrivarla!
  1. Eror ne la funsion Cite Marcator <ref> mìa valido; no xe stà indicà nissun testo par el marcator Sito ufficiale
  2. Eror ne la funsion Cite Marcator <ref> mìa valido; no xe stà indicà nissun testo par el marcator Puigdi
  3. (ES) «Rajoy: “No habrá referéndum de autodeterminación en Cataluña”». El País, 7 settembre 2017. URL consultato in data 7 settembre 2017.