Cavałin-Treporti

Da Wikipedia, l'ençiclopedia libara.
Va a: navigasion, serca
Cavałin-Treporti
(IT) Cavallino-Treporti
comun
Ła céxa de Treporti
Ła céxa de Treporti
Dati aministrativi
Stato bandiera Itałia
Rejon Vèneto – stema Vèneto
Provincia Venesia – stema Venesia
Sìndico Claudio Orazio (łista sivèga) dal 28/03/2010
Teritorio
Coordinae 45°27′N 12°27′E / 45.45, 12.45Coordinate: 45°27′N 12°27′E / 45.45, 12.45
Altitudine 1 m s.l.m.
Superfise 44 km²
Abitanti 13 493[1] (31-12-2010)
Densità 306,66 ab./km²
Frasion Cavałin, Treporti, Ca' Savio, Ca' Bałarin, Giopìcolo, Punta Sabioni, Sacagnana, Ca' de Vałe, Ca' Pasquali, Ca' Vio, Mexołe
Comuni confinanti Gèxoło, Venesia
Altre informasion
Còd. postałe 30010, 30013
Prefiso 041
Fuxo orario UTC+1
Còdexe ISTAT 027044
Còd. catasticałe M308
Targa VE
Cl. sismega 4
Nome abitanti cavałinoti - treportini
Patrono Santi San Francesco de Asisi
Dì de festa 4 de otobre
Locałixasion
Italy location map.svg
Cavałin-Treporti
Italy relief location map.jpg
Cavałin-Treporti
Poxision del comun de Cavałin-Treporti inte ła provincia de Venèsia
Poxision del comun de Cavałin-Treporti inte ła provincia de Venèsia
Sito istitusionałe


Cavałin-Treporti el xé un comùn de 12 500 abitanti 'nte ła Provincia de Venesia. El xé comun bastansa resénte (ani '90) chel ga un stema chel raprexénta i dó séntri prinsipałi: in altro a sanca ghe xé un pìcoło cavało su requadro verdo, in baso a drita ghe xé tre àncore (che łe sta per tre porti) su sfondro blu.

Cavałin e Treporti i xé na łocałità turìstega bastansa frequentada: ła òspita squaxi sie miłióni de persone per ano, più o manco come Gèxoło, e ła devénta in istà na sità de più de 100 000 persone.[2]

Geografia[canbia | canbia sorxente]

Porto de Punta Sabioni

El teritorio del comun el xé costituìo da na penìxoła (el Litoral del Cavałin) che ła divide ła Laguna de Venesia nord dal mar Adriàtico. El fiume Siłe (chel scor 'ntel vecio àlveo del Piave e per sta raxon conosùo anca come Piave Vecia) ła divide a nord-est dal teritorio comunal de Gèxoło.

Ła penìxoła ła xé divixa da ła laguna traverso el canal Pordełio che, verso ovest, el se derama in altri dó canałi, el Portoseco e'l Sacagnana; se pol navegar su tuti sti tre. El Pordełio el finise visin al Siłe al qual el xé cołgà traverso el canal Cason; ła confluénsa de sto qua 'ntel fiume ła xé regołada da na diga. Ła fin de ła penìxoła ła se ciama Punta Sabioni.

Storia[canbia | canbia sorxente]

El nome Cavałin el cata ła sóa orìxene dal'uxo de st'àrea per l'ałevamento de cavałi dei antighi vèneti. Propio come 'ntel visin comun de Gèxoło, altro nome chel vien fora da Equilium.

El teritorio el xé cresùo ai ténpi dei Romani (a Lio Pìcoło i xé vegnudi fora daspò scavi i resti de un moxaico de na viła romana) e soratuto 'ntel'Alto Medioevo, có 'nte ła Laguna nord i xé nasùi inportanti séntri come Torseo, Amiana e Costansiaco. El canbiar de łe condision ambientałi e l'afermasion de Venesia i ga portà sti posti a na decadénsa 'ntei sècołi daspò; ła xona ła xé ga fata piena de pałui e małaria e i ga recuperà durante łe più resénti bonìfeghe che łe ga avùo come conseguénsa ła fondasion dei paéxi de ancuo. Testimoniansa de sta roba ła xé ła prexénsa de ła paroła Ca' in numeróxi topònimi, tèrmene chel èndega na tegnùa agrìcoła. Anca el scavo del canal Cavałin (ancuo canal Cason), chel xé stà bon a cołigar ła Laguna al Piave, el ga contribuìo a megiorar sta xona.

Daspò ła caxua de ła Serenìsima e l'istitusion dei comuni, Cavałin e Treporti łe xé stae parte de Buran e łe ghe xé 'ndae drio fin a có sto qua el xé stà meso drénto a Venesia (1923).

El comun de ancuo de Cavałin-Treporti el xé stà creà el 29 de marso 1999 levando via da Venesia el teritorio del pasà quartièr 9 "Cavałin-Treporti". Ła nàsita del comun ła xé stada posìbiłe grasie a na lexe regional seguìa da un referendum.

Fonte[canbia | canbia sorxente]

  1. Dato Istat - Popołasione residente al 31 de disenbre 2010.
  2. Statìsteghe del sito ufisial del comun

Cołigamenti de fora[canbia | canbia sorxente]