Buran
Da Wikipedia, ła ençiclopedia lìbara.
Buran ła xé un'ixoła abità 'nte ła laguna de Venesia; fa parte del comùn de Venesia. Ghe abitan çirca 3.700 persone e ła xé cołegà da un ponte al'ixoła di Masorbo.
El sò nome deriva da Boreana, nome de na de łe porte de ła çità romana de Altin, e precixamente de queła posta a Nord-Est, da dove rivava ła bora; a Buran, e 'nte łe vixine ixołe de Masorbo e de Torceło, se gà rifugià i abitanti de ła metropołi veneta en seguito al'invaxion dei Uni de Atiła.
L'è noda par ła łaorasiòn artigianałe dei merleti, nonché par łe sò tipeghe caxe vivaxemente cołorae.
