Ìxoła de San Michièl

Da Wikipedia, l'ençiclopedia libara.
Va a: navigasion, serca
San Michièl
(IT) San Michele
Isola di San Michele Venice.jpg
L'ixoła de San Michièl
Giografia fixica
Superfise 0.03 km2
Altitudine masima 1 m s.l.m
Giografia umana
Stato bandiera Itałia
Demografia
Abitanti 0
Densità 0 ab./km²
Coordinae

45°26′49″N 12°20′50″E / 45.446794, 12.347131

San Michele.png

Coordinate: 45°26′49″N 12°20′50″E / 45.446794, 12.347131


San Michièl ła xé n'ìxoła de ła laguna de Venesia, catada infrà Venesia e Muran. Ła xé conosùa in quanto, dal 1807, ła òspita el canpo santo de Venesia e ła granda quantità de personagi famóxi qua sepełidi ea fa un dei lóghi turìsteghi più frequentai de ła cità. Davèro ła xé formada da dó ìxołe, San Michièl e San Cristòforo de ła Paxe, unie terando un streto canal (1829) per ingrandir el canpo santo. Ancuo 'ntel canpo santo ghe xé sepełie persone de più rełigion, e parecia xénte famoxa, come Helenio Herrera, Ezra Pound, Igor' Fëdorovič Stravinskij.

Storia[canbia | canbia sorxente]

San Michièl in Ìxoła

San Michièl, che ła tol el nome da ła céxa dedicada al'arcànxoło, nasùa 'ntel X sècoło, ła gera dita na volta Cavana de Muran in quanto ła faxeca da spedal per łe inbarcasion de st'ìxoła qua. 'Ntel 1212 i se ga mesi qua i Camaldolesi che i ghe ga tirà su na biblioteca rica de 180 000 vołumi e 36 000 còdexi scriti a man. Co łe sopresion de Napoleon, el monestièr el xé deventà na prexon połìtega (i xé pasai, intrà i altri, Silvio Pellico e Pietro Maroncelli), donca, daspò el breve ténpo 'ntel qual ghe xé stai, a partir dal 1829, i Cordiłièri, ła xé deventada del canpo santo de San Cristòforo có ła xé sta unida a sta qua. Ancuo ghe xé ła famoxa céxa de San Michièl in Ìxoła, reałixada su progeto del'architeto Mauro Codussi a partir dal 1469 e considerada ła prima céxa rinasimental de Venesia.

L'ìxoła de San Cristòforo de ła Paxe, invese, ła xé sta dopradaa in orìxene per tirarghe su un mołin a vento (XIV sècoło), ma daspò ła gà ospità un ospisio femeniłe e donca un convento de Brigidini, daspò al quai i xé vegnui i Agostiniani. Ancuo ła łoga ła pìcoła céxa de San Cristòforo, finia drénto al canpo santo.

Altri Progeti[canbia | canbia sorxente]


Cołigamenti da fora[canbia | canbia sorxente]