Verdo

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Verdo
— Coordinate del colore —
HEX #00FF00
RGBB (r, g, b) (0, 255, 0)
CMYKH (c, m, y, k) (100, 0, 100, 0)
HSV (h, s, v) (100°, 100%, 100%)
— Riferimento —

{{{riferimento}}}

B: normałixà a [0-255] (byte)
H: normałixà a [0-100] (sento)


El verdo o vért(pronunsà vèrdo, ma anca vérdo par influénsa del'itałian) el xé un dei cołori del spetro che l'omo el xé bon a véder, vèro comun in natura. Łe piante łe xé verdi parché ła clorofiła ła asorbe tute łe longhésze d'ónda (e dónca i cołori) manco el verd, che'l vien "refreso" e dónca ciapà dal'ocio umano.

Ła łuxe verde ła ga longhésa d'ónda media rispeto ai altri cołori vixìbiłi, infrà 490 e 570 nanòmetri.

El xé un dei tre cołori primari xontatitivi, el suo cołor complementar el xé el magenta. Un mucio de artisti, però, i dixe ancor che el xé el róso el suo cołor complementar.

Paréci minerałi i ga un cołor verdo, come el smeraldo, che'l xé cusì grasie al contegnuo de cromo. Animałi come rane, luxerte, e altri rètiłi e anfibi, pési, inseti e oxei, i xé verdi par via de un smisiamento de strai de blu e xało che i cołora ła łora pełe. Però in natura ła clorofiła ła resta ła magior "fónte" de verdo e paréce creadure łe se ga evołue co sto cołor par scónderse co l'anbiénte.

'Nte łe culture del mondo el verdo el ga signifegai desferénti, qualche volta in contradision. El più cognosuo de tuti el xé ła speransa. El pol signifegar anca crésita, méntre in altre culture el sta par morte, małan, invidia e anca el diàvoło. I łigami co ła natura, però, i xé ła roba che particołarixa eło infrà i cołori. Par exénpio, l'Islam el ga na inportante venerasion par sto cołor, parché el łoro paradixo el gavaria da eser pien de giardini e piante, a desferénsa de gran parte dei posti dove i vive i musulmani, chei xé dexèrteghi. El verdo el xé cołigà anca a ła reprodusion, ła fertiłità e renàsita par ste conesion co ła natura. Ghe xé movimenti połìteghi de ancó chei se gà sièlti el verdo come sìnboło del łoro inpegno par protèxer l'anbiénte e giustisia social.

Altri progetti[canbia | canbia sorxente]