Roso

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
Roso
— Coordinate del colore —
HEX #FF0000
RGBB (r, g, b) (255, 0, 0)
CMYKH (c, m, y, k) (0, 100, 100, 0)
HSV (h, s, v) (0°, 100%, 100%)
— Riferimento —

{{{riferimento}}}

B: normałixà a [0-255] (byte)
H: normałixà a [0-100] (sento)


El róso el xé un dei cołóri del spetro chel ocio uman el pol véder. El ga ła frequénsa menor e, de conseguénsa, ła łonghesa d'onda più łónga de tuti i altri cołóri vixìbiłi (intrà 630 e 760 nm). Frequénse ancora menóre łe casca 'ntel'infraroso.

El xé un dei tre cołóri primari aditivi, el só cołor conplementare el xé el verdo. Na volta el gera considerà ancà un cołor primario sotrativo, mentre el cołor doprà 'nte ła stanpa a cołóri de ancuo el xé el magenta.

Un filtro roso el pol èser doprà 'nte ła fotografia in bianco e negro cauxando efeti desferénti a seconda de łe ténte dei sogeti fotografai in quanto ła s-ciarise łe tonałità che łe va verso el roso e, al steso ténpo, el scurise quee che łe contien più blu. De conseguénsa el podrà rènder davèro contrastà un sieło łìnpido e nuvołoxo, e el podrà s-ciarir e atenuar i contrasti de ła pełe.

El roso el xé un cołor prexénte speso in natura: el salta al'ocio 'ntel verdo de łe piante che cusì łe mete in mostra i łóri fiori e fruti. El roso el xé anca el cołor del sangue, perché el xé pien de glòbułi rosi, che a łora volta i contien emoglobina, proteina che ła se serve de òsidi de fero rosi per strasportar l'osìgeno. Anca i mùscołi e ła carne i xé rosi per el pasagio de sangue, chel da anca el cołor roxa a ła pełe. Marte el xé dito el "pianeta roso".

In połìtega el roso el vien cołiga a moviménti de sanca, in particołar a quei de quea estrema, come el sociałismo e el comunismo. Ła bandiera del'Union Soviètica ła gera infati conpletamente rosa, se no consideremo el sìnboło xało in alto a sanca. 'Ntei Stati Unìi de Mèrica el roxo, tutavia, el xé el cołor del partio de drita (i republicani). Roso el xé el cołor del fioco sìnboło de ła łota contro l'AIDS.

El roso el vien cołiga fasilmente al'idea de caldo, a łe alte tenperadure e al całor, perché el xé el cołor chel preval 'ntel fógo. Sta roba ła ga fato in manièra che anca idranti, estintori, e i cari dei ponpièri i gabia sto cołor.

El roso daspò el xé un cołor chel se véde sùbito e el vien sièlto per indicar na situasion de emergensa o ris-cio. El semàfaro co ła łuxe rosa iłumenada el órdena de fermarse. Peréci cartełi stradałi i ga na conbinasion de roso e bianco.