Ocio

Da Wikipedia, l'ençiclopedia libara.
Va a: navigasion, serca
Un ocio uman verdo.

L'ocio el xé un òrgano de sénso chel fa parte del paramento vixivo. El manda signałi, traverso el nervo òtico al serveło. 'Ntel ómo l'ocio el pol ciapar tuti i cołori col'ónda de frequénsa infrà 400 e 700 nm, dónca miga i infrarósi e i ultraviołéti. Altri i ga oci che i ciapa ónde de frequénsa difarénte.

I inseti e i crostàcei i ga oci conplesi, formai de altri océti sénplixi. I ragi de łuxe i crea imàxene sìngołe che łe vien mése conpagne par sorapoxision, come un moxàico: sto sistema nol tol bén tuti i detagi, mal ciapa anca i moviménti più picenini.

Ghe xé animałi, come ła suéta, che i xé più bóni a véder de note parché i ga un magior nùmero de bastonsełi (sèłułe de ła rètina che łe łavóra co póca łuxe, conplementari ai coni chei pol destìnguer fórma e cołor).

El ocio del omo, dito "bulbo ocułar" el xé conpleso e bastansa bón. El se cata 'ntel cavità ocułare 'ntel cranio e se pol divìder en una parte de vanti e n'altra de indrio. Da drio ghe parte el nervo òtico, chel se orìxena 'ntel bulbo co diramasion. Da vanti ghe xé al séntro ła pupiła, buxo nero chel tol i ragi, ł'ìride, menbrana muscołare che ła strénsa e slarga ła pupiła drio de quanta łuxe ghe xé e che ła xé cołorada. Ste qua łe xé protete da ła còrnea. A diféxa del ocio ghe xé anca flùidi de łàgreme che ło neta da bateri, pólvere, ecc...

Varda anca[canbia | canbia sorxente]

Altri progeti[canbia | canbia sorxente]