Referendum

Da Wikipedia, l'ençiclopedia libara.
Va a: navigasion, serca
Publisità ełetorałi in Fransa.

El referendum el xe na consultasion ełetorałe co obietivo łegislativo. Chi che vota de sòłito xe ciamà a métar na croxe so un si o un no a na cuestion precixa. El referendum ła xe na forma de democrasia direta, ostegiada in molti paexi autoritari o regolamentada pa no dar massa poderi al pòpoło.

El referendum el pode esar fato includendo un serto insieme de parsone.

Referendum/Plebisito[canbia | canbia sorxente]

Anca se molte olte ghe xe ła tendensa a uxar de forma indistinta fra referendum e plebisito, bixogna dir che de bona łe xe parołe sinòneme. Cussita, co se utiłixa sti do conseti in połìtega, se parla de plebisito co a se xe drio consultar el pòpoło so cuestion che łe revarda ła sovranidà de un paexe. Pa exenpio desìdar łe frontiere o ła forma del stato (pa exenpio monarchia o republica). Se uxa anca plebisito pa na consulta che vien convocà pa aprovar o no se na mexura de łeje ła xe eficase. Plebisito el xe anca un tipo de consulta dal èsito lanprante e talmente ciaro, che de sòłito ghe xe o sielte vosude democrategamente da cuaxi ła totałità de votanti, o se trata de finte consulte vossude da ditadori o rejimi pa mascarare el so poder.