San Làzaro dei Armeni

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
San Làzaro dei Armeni
(IT) San Lazzaro degli Armeni
San Lazzaro degli Armeni from the air.jpg
imaxene aerea
Giografia fixica
Superfise 0.03 km2
Altitudine masima 1 m s.l.m
Giografia umana
Stato bandiera Itałia
Demografia
Abitanti 22
Densità 733,33 ab./km²
Coordinae

45°41′21″N 12°36′16″E / 45.689167, 12.604444

GraziaServoloLazzaroClemente 1.svg

Coordinate: 45°41′21″N 12°36′16″E / 45.689167, 12.604444


San Làzaro dei Armeni ła xe 'na picoła ixoła de ła łaguna venesiana, che ła se cata delóngo ad ovest del Lido; conpletamente ocupada da un monastièr che'l xe ła caxa mare del ordene Mekhitarista. L'ixoła ła xe uno dei primi sentri del mondo de cultura armena. El ixołoto, a 'na serta distansa da łe ixołe prinsipałi che łe forma el sentro storego de Venesia, el gera inte ła poxision ideal par el stasionamento in quaranténa e vien cusì utiłixà dal XII secoło cofà leproxario (làzareto), riçevendo el rełativo nome da San Lazaro mendicante, patròn dei leproxi. Sbandonà 'ntel XVI secoło, 'ntel 1717 el xe stà oferto da ła Republica de Venesia a un grupo de mùneghi armeni che gera scampà da ła persecusion turca ad Istanbul, sinque ani dopo xe stà disposto soto ła protesion del Papa. Mekhitar e i so disète mùneghi i ga restorà ła ciexa e tirà su un monastièr, i sgrandise de quatro volte l'ixoła fin a ła grandesa atuałe de 3 etàri.

Ła céxa de San Lazaro
El giòstro del Monastier de l'ixoła

Ła ciexa de San Làzaro dei Armeni ła ospita 'na bibliotèca de sirca 200 000 vołumi e un muxèo có pì de 4 000 manoscriti armeni e un mucio de manufati arabi, indiani e egisiani, intra i quałi ła curióxa mùmia de Nehmeket del 1000 a.C., rancurài dai mùneghi o riçevùi come regałi. El monastièr e i rełatìvi xardini i pol eser raxonti co'l vaporeto numaro 20 da San Zacaria. Fin al 2008 ghe gera soło che 'na vixita guidà al xorno, che se desvolzeva a łe ore 15:00 in coinçidensa có l'arivo del vaporeto che łasa San Zacaria a łe 14:45. Atualmente ghe xe ncora 'na vixita có orario da łe 15:5-17:25[*].

Grupi consistenti de turisti pol dimandar un xiro reservà a orari difarenti. Ła mesa ła se çelebra ogni domenega có rito catòłico armen a łe ore 11.00. Pare Vertanes ed altri pari mena łe vixite in varie łéngue.

L'ixoła gà infinaménte 'na łonga tradision de ospitałità ai eruditi ed ai arlèvi de l'Armenia, infra i quałi anca Lord Byron, che gà studià l'armèn là 'ntel 1816 e che se ricorda in una mostra permanente. Par ch'el poeta amase molto ła speciałe Vartanush, marmełata de petałi de roxa che i mùneghi i produxe ncora deso grasie ai roxari coltivài 'nte l'ixoła, alcuni dei quałi da seno rari.

Bibliografia[canbia | canbia sorxente]

  • Alberto Peratoner (a cura di), Dall'Ararat a San Lazzaro (con contributi di P. Vertanes Oulouhodjian e P. Boghos Levon Zekiyan), Congregazione Armena Mechitarista.

Link foresti[canbia | canbia sorxente]

Altri progeti[canbia | canbia sorxente]