San Zacaria

Da Wikipedia, l'ençiclopedia libara.
Va a: navigasion, serca
Sto articoło el xe scrito in venesian
San Zacaria scrive el nome del Battista de Rogier van der Weyden

San Zacaria xe un personàxo dei vanxełi, pare de Xuàne Batista. Ła Ciexa catołica ło venera come santo sełebrandoghene ła memoria el 23 setenbre.

'Ntel ''Vanxeło secondo Luca'', Zacaria gera un prète de ła clase de Albia (l'otava dełe 24 clasi in cui gera sconpartìi i preti abrèi). Secondo el raconto evangełico łù e so muger Bèta gera oramai de età 'vansàda cuando Zacaria, mentre svòlxeva el so servisio 'ntel Tenpio de Gerusaleme, el gà 'vùo ła vixion de l'arcangeło Gabriel el qual ghe gà dà come notisia ła nasita de un fiòl (fin a quel momento no i ghe n'aveva avùi). Daché San Zacarìa no ghe gà credesto, par convinserlo Gabriełe l'a fato deventar finché el so anuncio no s'avesse reałixà.

Oto xorni drìo ła nasita del puteło, se desvòlxe el rito deła çirconcixion: in questa ocaxion, come vołeva ła tradision, vegniva inposto el nome al fantuìn. Zacarìa, che no podeva parlar, s'a fato far 'na tołeta e 'l gà scrito el nome de Xuàne, come che ghe gaveva ordenà l'anxoło. In quel momento esendose reałixà l'anuncio, Zacarìa gà cussì posùo parlar da nòvo e intra ła maravegia dei prexenti el tàca ad inotonàr un ino de lode a Dio, el cussì dito ''Cantico de San Zacaria''.

Segóndo ła tradision, el paéxe dove che viveva Zacaria e Bèta (ch'el vanxeło no mensona, indicando soło che se catava sui monti deła Xudea, gera l'atual Ain Karem, ad alcuni chiłometri da Gerusaleme. Qui se łeva 'na ciexa dedicada a San Zuàne Batista e 'naltra dedicà ała Vixitasion.

Culto[canbia | canbia sorxente]

Altri progeti[canbia | canbia sorxente]


Link foresti[canbia | canbia sorxente]