Vaporeto

Da Wikipedia, l'ençiclopedia libara.
Va a: navigasion, serca
Vaporeto in Canal Grando

El vaporeto el xé un tipo de nave doperà a Venesia come mexo de strasporto pùblico, per via de ła particołar conformasion de ła sità, che ła ga canałi da navegar al posto de łe strade.

Istoria[canbia | canbia sorxente]

Vaporeto sul Canal Grando, foto vecia

El primo vaporeto lansà 'nte ła laguna de Venesia el xé stà el "Regina Margherita", 'ntel ano 1881, da ła socetà ACTV: el xé stà sto qua el primo mexo de strasporto pùblico a Venesia.[1]

Ancuo squaxi tuti i vaporeti de Venesia i partien a ła socetà a capital pùblico ACTV, che ła gestse el strasporto pùblico de ła sità su aqua come anca su tera, indove el dòpera un grando barcołame che, a parte i vaporeti, el contien anca motoscafi, battei forànei, motonavi e motozàtare.

Caraterìsteghe[canbia | canbia sorxente]

Anca se ancuo i sia tuti spinti da motóri diesel, ła xé restada 'ntel nome l'antiga manièra de dir doperada có ancora i viaxava a vaor.

Mési per ła sità ai prinsipi del Novexénto i vaporeti i se caratterixa per èser nave a un soło ponte, verti a prova e co ła cabina de comando catada 'ntel nel corpo sentral, in poxision un fià verso prova.

I modełi più antighi i prexentava ła cabina n'atimo più alsada per poder averghe soto łe màchine che łe contegniva łe caldière a vaor e speso łe si prexentava in istà conpletamente verti a prova e a pope; i mexi chei ghe xe in giro ancuo i ga invese na granda cabina a pope per i pasegèri, e anca dei posti al'aria a prova (sta sistemasion, in quałunque modo sia ła cosa, łe xé drio desconparir 'ntei mexi più moderni).

Inovasion[canbia | canbia sorxente]

'Ntei ùltimi diéxe ani a Venesia łe xé stae portae nove nave, conosue come Serie 90 che łe crea un menor movimento de aqua. Sta inovasion ła xé stada fata per scansar łe onde che łe rovina ła sità. L'ùnego difeto chei ga sti mexi ła xé ła menor stabiłità rispeto a łe unità vece. Sénpre l'axienda venesiana ła ga in dotasion un'unità ełètrica e ła fa parte de un consorsio, el WHALE, per crear di unità navałi a idrògeno.[2] A ła fin 'nte łe sistemasion più moderne i ga doperà ła propulsioe azimutal, co un aumento de łe capasità evołutive dei mexi, ma na conseguénte redusion de ła stabiłità de rota.

Caraterìsteghe de ła Serie 90 de ACTV[canbia | canbia sorxente]

Vaporeto visto da vanti
  • Longhesa fora tuto: 23,93 m
  • Longhesa infrà łe perpendicołari: 20,90 m
  • Larghesa fora osadura: 4,22 m
  • Altesa có i ee fa: 1,90 m
  • Péxo lordo: 25 000 kg
  • Portada pasegèri: 210
  • Postasion disàbiłi previste: 6
  • Equipagio: 2
  • Propulsor: 1 Aifo da 147 KW cołigà a sistema azimutal "Schottel SRP 110"
  • Squerariòl: Cantieri De Poli Pełestrina Venesia
  • Clase: Stella 100 A.1.1. in navegasion nasional Spesial local limitada a ła laguna vèneta
  • Costo unità: 1.100 miłióni
  • Ano: 1999/2000

Notasion[canbia | canbia sorxente]

  1. El vaporeto e l'ACTV
  2. El vaporeto a idrògeno

Voxe corełae[canbia | canbia sorxente]

Altri progeti[canbia | canbia sorxente]


Cołigamenti da fora[canbia | canbia sorxente]