Egito

Da Wikipedia, l'ençiclopedia libara.
Va a: navigasion, serca


Egito
Egito - Bandiera
Egito - Stemma
Motto: 

Egypt in its region (undisputed).svg


Informasion
Nome par intiero: Republica Araba d'Egito
Nome ufisiałe: جمهوريّة مصر العربيّة
Łéngoa uficiałe: arabo
Cavedal: Il Cairo  (15 000 000 ab.)
Polìtega
Governo: Repubblica presidenziale
Capo de stato: Hosni Mubarak
Capo de governo: Ahmad Nazif [1]
Indipendensa: dal Regno Unìo nel 1922
Ingreso a l'ONU: 24 otobre 1945 1
Area
Totale: 1 001 450 km²
Pos. nel mondo: 29°
 % delle acque: 0,6 %
Popolasion
Totałe: 77 505 756 ab.  (2005)
Pos. nel mondo: 15°
Densità: 77 ab./km²
Giografia
Continente: Africa e Asia
Fuxo oràrio: UTC +2
Economia
Vałuta: lira egiziana
Energia:
Varie
TLD: .eg
Prefiso tełef.: +20
Sigla autom.: ET
Ino nasionałe: Biladī [2]
Festa nasionałe: 23 Lujo

Eg-map.png

1El xe uno dei 51 Stati che gà dato vita a l’ONU nel 1945.

El Egito, ufisialmente Republica Araba d'Egito el xe un Stat de el Nord Africa. L’Egito el conprende anca la penisola del Sinai, che xe parte de l’Axia sudosidental.
El confina co la Libia a ovest, co el Sudan a sud e co Israele a nordest.

Giografia[canbia | canbia sorxente]

Exquisite-kfind.png Par saverghene de pì, varda ła pajina Giografia de l'Egito.

Ghe montagne nel sud e ne la penisola del Sinai a nordest.

El xe bagnà da el Mar Mediteraneo a nord e da el Mar Roso a est.
A nordest el canal artifisial de Suez mete in comunicasion i do mari.

Quasi tuto l’Egito xe parte del deserto del Sahara.
Ecesion xe la fasa de tera longo el Nilo e la costa rente del delta.

Storia[canbia | canbia sorxente]

Exquisite-kfind.png Par saverghene de pì, varda ła pajina Storia de l'Egito.

Antighità[canbia | canbia sorxente]

I primi abitanti de l’Egito i sa stabilio longo el fiume Nilo e i vivea de pesca e agricoltura.
Verso el 4000 a.C., la zente gha scominsiá a radunarse en unitá che faxea capo a le citá.

Lo Stato se gha unificá soto la diresion de Narmer, el primo re, nel 3200. [3]

Int'el IV secolo a.C. i persiani gha conquistá l’Egito; dopo i persiani xe rivá Alesandro de Macedonia che gha dato el poder a i so sucesori, la dinastia de i Tolomei.

Int'el I secolo a.C. Giulio Cesare gha conquistá el paexe che l’è rimasto roman par scuaxi sete secoli.

Int'el VII secolo d.C. i arabi gha concuistà el Egito e scominziá la loro avanzata verso l’Europa.
En man araba, l’Egito xe pasá da un califato a l’altro par sirca sicue secoli.

Int'el XII secolo i Mameluchi [4] i a tolto el poder.

En tel 1517 i Otomani gha zontá l’Egito al loro impero che parò gha lasá i Mameluchi come feudatari.


Modernità[canbia | canbia sorxente]

Nel lulio 1798, i francexi gha invaso l’Egito con 40 000 omeni soto la guida de Napoleone Bonaparte. L’ocupasion durò solo do ani.
Soldai inglexi e turchi gha riconquistá el paexe nel 1800.

Mehmet Ali Pashá xe diventá vice-re e gha dato vita a na dinastia autonoma, anca se ofisialmente soto l’impero Otoman.

En tel 1881, francexi e inglexi, par protezar i investimenti eoropei, gha obligá el khedive (re) a tor i loro esperti de finanza e laori publici. On pò a la olta, i inglexi gha tolto el poder al re e gha scominziá a governar par conto lori.

Indipendensa[canbia | canbia sorxente]

Nel 1922 l’Egito gha vu l’indipendenza, anca se i militari inglexi continuaa a controlar el paexe.

En tel 1952, el general Muhammad Neghib e el colonel Gamal Abd al Nasser fasea on colo de Stato, proclamaa la republica e parava fora i inglexi da le basi che i gavea longo el canal de Suez.
Nasser xe stá eleto presidente nel 1956 e gha subito dovuo afrontar la crisi del canal de Suez. Francexi e inglexi, e poi anca i israeliani, gha ocupá el canal e el Sinai. Rusia e Merica sa meso en mezo e i ocupanti gha dovuo lasar l’Egito.
Nel 1967 ghe stá la guera de i sei giorni contro Israele, ghe sará altre do guere contro Israele, tute finie co la sconfita de i paexi arabi. Nasser el more el 28 setembre 1970.

El vice presidente Anwar el Sadat ciapa el so posto fin a la so morte nel 1981.

El sucesor xe stá Osni Mubarak.

Giografia politega[canbia | canbia sorxente]

La cavedal xe el Cairo.

Popolasion[canbia | canbia sorxente]

La popolasion vive longo el fiume Nilo, con poca zente che vive en te le oasi nel deserto.

La majoria de la popolasion (98%) xe egisiana.

La gente parla arabo ma el francexe xe usá da la minoranza cristiana e da i inteletuali.

I musulmani xe el 88%, i cristiani el 11%, e ghe altre minoranze. I cristiani xe en majoria copti.

Economia[canbia | canbia sorxente]

L’economia xe prevalentemente agricola. El campo agricolo ocupa el 32% de la popolasion.
El paexe xe autonomo par el petrolio.

Inte la industria i setori chimico e siderurgico xe in cresita.

Anca el turismo el stá diventando sempre pi importante per el paexe.

Etimologia[canbia | canbia sorxente]

El nome moderno de l’Egito in arabo xe Misr, nome de origine semitica.

I antichi egiziani ciamaa la loro tera Kemet, che volea dir tera nera, in riferimento al limo che el fiume Nilo depositava su le sponde al tempo de le piene.

Curioxità[canbia | canbia sorxente]

La cexa locale copta la cata le so origini ne la predicasion de San Marco.
La tradision vol che dopo esar andá ne le isole che diventará Venexia, el santo evangelista xe andá in Egito e gha fondá la cexa copta.

Note[canbia | canbia sorxente]

  1. in carica dal 14 Luglio 2004
  2. "Patria mia"
  3. Le dinastie de faraoni (stò titolo se pol usar solo dopo la XVI dinastia) i gha governá el paexe fin a la metá del primo secolo avanti Cristo, anca se inframexae da periodi de dominasion straniera.
  4. soldadi de ventura turchi