San Donà de Piave
| |||||||||
| Pozision | |||||||||
|---|---|---|---|---|---|---|---|---|---|
| Stato | Itàlia | ||||||||
| Rejon | Vèneto | ||||||||
| Sità metropułitana | Sità metropułitana de Venèsia  | ||||||||
| Capitałe | San Donà di Piave (it)  | ||||||||
| Popołasion | |||||||||
| Totałe | 41 794 (1° de zenaro del 2018)  −89 (2017) | ||||||||
| Densità | 530,85 hab./km² | ||||||||
| Zènaro |
| ||||||||
| Zeografia | |||||||||
| Àrea | 78,73 km² | ||||||||
| Bagnà da | Piave | ||||||||
| Altitùdene | 3 m | ||||||||
| Rente a | |||||||||
| Dati istòreghi | |||||||||
| Dì festivo | Eror Lua: callParserFunction: function "
[[Categoria" was not found. | ||||||||
| Patrono | Madona del Rosario | ||||||||
| Còdazi de identifegasion | |||||||||
| Còdaze postałe | 30027 | ||||||||
| Còdaze de matricołasion | VE | ||||||||
| Fuzo oràrio | |||||||||
| Clasifegasion climàtega | clima subtropegałe ùmido | ||||||||
| Prefiso tełefònego | 0421 | ||||||||
| ID ISTAT | 027033 | ||||||||
| Còdaze catastałe de Itàlia | H823 | ||||||||
Premi
| |||||||||
| Sito web | sandonadipiave.net | ||||||||
|
| |||||||||
San Donà de Piave (o San Donà
[saŋ doˈna]
) l'è on comun de pì o manco 40 000 abitanti nt'ea provincia de Venesia.
Storia[canbia | canbia el còdaxe]
A cità 'a se trova inte el bas corso del fiume Piave, a 45 km da Venesia, 'a é na cità moderna parchè 'a é stata ricostruìa dopo che 'a é stata distruta int'e'a Prima Guera Mondiae, co 'a se trovea sul fronte tra Italiani e Austriaci ('e bataje del Piave e del Sostizio), e i bombardamenti de'a II Guera Mondiae). El paese l'è nat inte el Medioevo (l'origine del nome el vien da'a ceseta de San Donato, che parò 'a é restada da'a parte de Musìl), int'e na posizion stratexega tra 'a Marca de Treviso e el Dogado che el dipendea direto da Venezia. Fin all'Otozento a jera na zona paeudosa e maearica; ma pòc pì vanti, col Novezento, l'é nat el Consorzio de Bonifica del Baszo Piave, che el jera un vanto par tuta l'Italia (el Baso Piave el jera ciamà "a pìcoea Olanda d'Italia").
Al di de ancuo San Donà 'a se trova int'e na zona nevralxega tra'l Veneto Oriental e el Friuli, vizin de'e aree de cresita de'a Marca e 'e parti turistiche del mar de Jesoeo (Cavazuccherina), Caorle e Eraclea (Grisoera); ultimamente 'a se ga candidà come capoluogo de'a nova provincia de'a Venezia Oriental, che a dovarae nasar stacandose da Venezia, condividendo el ruoeo insieme a Portogruaro (Porto). 'E atività comerciai e cuee produtive le ze drio sviuparse int'e na maniera cusì granda che tanta zente 'a é drio vegner a vivar cua, sora-de-tuto da a zona central dea provincia de Venezia (visto che 'a cità 'a ze comoda par viverghe e far el pendoeare co Mestre, Venezia, Padova e Treviso), tanto che 'a cità 'a'à un taso de cresita tra i pì alti de tut el Veneto (cuasi mi'e abitanti l'ano).
El diaeto sandonatese[canbia | canbia el còdaxe]
El diaeto de San Donà l'e particoare par via de'a posizion de'a cità, che 'a se trova ecuidistante da a laguna de Venezia, el mar, 'a cità de Treviso (San Donà 'a é dentro 'a sò diocesi) e el fato che 'a se trova longo 'a Piave (é de'e carateristiche de'a lengua che se trova longo tut el canal de'a Piave). El sostrato de'a lengua l'é Veneto Trevisan, parchè i primi abitanti de'a cità i vegnea da'a Marca, parò l'e tante influenze dal Venezian, e na carateristica del diaet de San Donà 'a é de cavar da'a fin de'e paroe (cuasi sempre) 'e voca'i, e cuesta 'a é na carateristica che 'a se ritrova longo tuta l'asta dea Piave, da Beun zo fin Feltre, Conejan... N'altra carateristica importante 'a é l'uso de'a "Zeta" al posto de'a "Ese", che 'a se usa sol che cua e int'e'a provincia de Rovigo, e 'a é carateristica de'e zone agricoe del Veneto; ogni tanto i sandonatesi 'i é tolti in giro par sto motivo cua, ma tanti ghe ne fa na cuestion de orgojo. Na curiosità: esiste de'e locutzion (lampidéa, tonidéa...) che se dise solche a San Donà e anca inte i dia'eti veneti de l'Istria (a Pirano e Rovigno), l'e de'e paroe che deriva diretamente dal venezian antico e che l'e é restae int'e 'a parlata odierna. In pì i sandonatesi i cava tute e elle che j'è tra do vocai.
Evołusion demografega[canbia | canbia el còdaxe]
Abitanti censii
Altri projeti[canbia | canbia el còdaxe]
Wikimedia Commons el detien imàjini o altri file so San Donà de Piave
Linganbi foresti[canbia | canbia el còdaxe]
- Sito ufisałesandonadipiave.net.
| Controło de autorità | VIAF (EN) 153647102 · GND (DE) 4118326-5 · WorldCat Identities (EN) 153647102 |
|---|