El Doło

Da Wikipedia, l'ençiclopedia libara.
Globe icon.svgEl Doło
Someja


Pozision

45°26′00″N 12°05′00″E / 45.433333°N 12.083333°E45.433333; 12.083333 (El Doło)Coordinae: 45°26′00″N 12°05′00″E / 45.433333°N 12.083333°E45.433333; 12.083333 (El Doło)

StatoItàlia
Rejon de l'ItałiaVèneto
Ex-provinsaProvincia de Venesia Cànbia el vałor in Wikidata
Popołasion
Totałe15 022 (2018) Cànbia el vałor in Wikidata aumento69
Densità618,7 ab/km²
Zeografia
Àrea24,28 km²[1] Cànbia el vałor in Wikidata
Altitùdene7 m Cànbia el vałor in Wikidata
Rente a
Dati istòreghi
PatronoSan Roco Cànbia el vałor in Wikidata
Còdazi de identifegasion
Còdaze postałe30031 Cànbia el vałor in Wikidata
Còdaze de matricołasionVE Cànbia el vałor in Wikidata
Fuzo oràrio
Prefiso tełefònego041 Cànbia el vałor in Wikidata
ID ISTAT027012 Cànbia el vałor in Wikidata
Còdaze catastałe de ItàliaD325 Cànbia el vałor in Wikidata

Sito webcomune.dolo.ve.it Cànbia el vałor in Wikidata

MusicBrainz: cb880f96-0229-482f-9cb2-5908c30c45ac

El Doło (it. Dolo) el xe un comun de 15106 abitanti inte ła Provincia de Venesia, che el parò se cata inte ła Diòcexi de Pàdova.

Zeografia[canbia | canbia el còdaxe]

El teritorio del comun el se cata al séntro de ła Riviera de ła Brenta, slargàndose su tute dó łe rive del Naviłio. In corispondénsa del séntro del Doło, el Naviłio el se desdopia formando queła che ła xe ciamada ìxoła Basa. L'àrea ła xe traversada da parici altri corsi de aqua, pìcołi rii e canałi di scóło come ła Serioła Vèneta, el Serajo, el Brentonsin e'l Tergołin.

Istoria[canbia | canbia el còdaxe]

El Doło su ła Brenta, depinto del Canaletto

Łe orìxene del nome łe xe oncóra bastansa dubioxe. Łe prevałe oncó tre ipòtexe: ła prima ła méte in rełasion ai Dauli[2], n'influénte faméja del posto; ła seconda ła dixe che qua, inte ła seconda metà del Quatroxento łe vegnéva portae persone maciae de qualche criminałe; l'ùltima ła visina al'Ìxoła Dandolo, come ła gera in antigo nominada ła xona infrà via Mazzini e via Dauli.

Ła nasùa del Doło ła xe bastansa rexente. El primo documento che eło mensona ciaramente el xe un bando del 1540 che el revarda ła via Venesia-Pàdova ad villam Dolli. Alguni[3] parò i ritegne che el primo referimento el sia n'ato del 1241 che el parla de na domina Jacobina soror domini Petri de Dolli, roba che ła daria crèdito a chi che el sostegne che el nome el vegna fora dal'antiga faméja dei Dauli, dai quai i xe vegnesti i padovani Dotto.[4] Un documento del 1451 el xónta che sta faméja ła gaveva dà in soccida del bestian a un villico di Cà del Bosco', un dei quattro colmełi che i formava el paéxe (i altri i gera el comun pìcoło dei Seragi, el comun dei Seragi e lìxoła del Maltempo).

El xe ciaro parò che ła xona ła gaveva da èsare xà abitada da ténpo. Savémo[5], par exenpio, che fin dal 1454 el se catava qua n'oratorio el gera soto el controło de ła parochia de Fieso.

Ła cresùa del paéxe ła xe stada cauxada da ła slargadura econòmega venesiana (ła Serenìsima ła ga ciavà el teritorio a Pàdova inte el 1405), dal XV sècoło revolta verso ła teraferma. El xe stà sto qua el ténpo de major spiandore par el Doło che el xe deventà el séntro pì inportante de ła Riviera de ła Brenta.[5] Na granda spinta ła xe rivada anca dal'edifegasion de mołini.

Soto Napoleon Bonaparte (dal 1797), el Doło el xe deventà comun del Distreto de Venesia. Daspò el 1815 ła xe partegnesta al Regno Lonbardo-Vèneto e, inte el 1866, el xe intrà a fare parte del Regno d'Itałia.

Evołusion demogràfega[canbia | canbia el còdaxe]

Abitanti censii


Gałeria de someje[canbia | canbia el còdaxe]

Fonte[canbia | canbia el còdaxe]

  1. voze de refarensaistat.it.
  2. El Doło e'l teritorio
  3. Riviera de ła Brenta:El Doło Archivià il 21 de zenaro 2012 in Internet Archive.
  4. Zambono Dotto dei Dauli
  5. 5,0 5,1 Signi de storia dal sito del comun Archivià il 5 de agosto 2017 in Internet Archive.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=El_Doło&oldid=1082695"