Cavałin-Treporti
| |||||||||
| Pozision | |||||||||
|---|---|---|---|---|---|---|---|---|---|
| Stato | Itàlia | ||||||||
| Rejon | Vèneto | ||||||||
| Ex-provinsa | Venèsia  | ||||||||
| Popołasion | |||||||||
| Totałe | 13 563 (1° de zenaro del 2018)  −4 (2017) | ||||||||
| Densità | 303,35 hab./km² | ||||||||
| Zènaro |
| ||||||||
| Zeografia | |||||||||
| Àrea | 44,71 km²[1] | ||||||||
| Altitùdene | 2 m | ||||||||
| Rente a | |||||||||
| Dati istòreghi | |||||||||
| Dì festivo | Festa patronałe
| ||||||||
| Patrono | San Francesco de Sisa | ||||||||
| Còdazi de identifegasion | |||||||||
| Còdaze postałe | 30010 e 30013 | ||||||||
| Còdaze de matricołasion | VE | ||||||||
| Fuzo oràrio | |||||||||
| Clasifegasion climàtega | clima subtropegałe ùmido | ||||||||
| Prefiso tełefònego | 041 | ||||||||
| ID ISTAT | 027044 | ||||||||
| Còdaze catastałe de Itàlia | M308 | ||||||||
| Sito web | comune.cavallinotreporti.ve.it | ||||||||
|
| |||||||||
_02.jpg)
Cavałin-Treporti el xe un comùn de 12500 abitanti inte ła Provincia de Venesia. El xe comun bastansa resénte (ani '90) chel ga un stema chel raprexenta i dó séntri prinsipałi: in altro a sanca ghe xe un pìcoło cavało su requadro verdo, in baso a drita ghe xe tre àncore (che łe sta par tre porti) su sfondro blu.
Cavałin e Treporti i xe na łocałità turìstega bastansa frequentada: ła òspita squaxi sie miłióni de persone par ano, più o manco come Gèxoło, e ła devénta in istà na sità de più de 100000 persone.[2]
Geografia[canbia | canbia el còdaxe]
El teritorio del comun el xe costituìo da na penìxoła (el Litoral del Cavałin) che ła divide ła Laguna de Venesia nord dal mar Adriàtico. El fiume Siłe (chel scor inte el vecio àlveo del Piave e par sta raxon conosùo anca come Piave Vecia) ła divide a nord-est dal teritorio comunal de Gèxoło.
Ła penìxoła ła xe divixa da ła laguna traverso el canal Pordełio che, verso ovest, el se derama in altri dó canałi, el Portoseco e'l Sacagnana; se pol navegar su tuti sti tre. El Pordełio el finise visin al Siłe al qual el xe cołgà traverso el canal Cason; ła confluénsa de sto qua inte el fiume ła xe regołada da na diga. Ła fin de ła penìxoła ła se ciama Punta Sabioni.
Storia[canbia | canbia el còdaxe]
El nome Cavałin el cata ła sóa orìxene dal'uxo de st'àrea par l'ałevamento de cavałi dei antighi vèneti. Propio come inte el visin comun de Gèxoło, altro nome chel vien fora da Equilium.
El teritorio el xe cresùo ai ténpi dei Romani (a Lio Pìcoło i xe vegnudi fora daspò scavi i resti de un moxaico de na viła romana) e soratuto 'ntel'Alto Medioevo, co inte ła Laguna nord i xe nasùi inportanti séntri come Torseo, Amiana e Costansiaco. El canbiar de łe condision ambientałi e l'afermasion de Venesia i ga portà sti posti a na decadénsa inte i sècołi daspò; ła xona ła xe ga fata piena de pałui e małaria e i ga recuperà durante łe più resénti bonìfeghe che łe ga avùo come conseguénsa ła fondasion dei paéxi de ancuo. Testimoniansa de sta roba ła xe ła prexensa de ła paroła Ca' in numeróxi topònimi, tèrmene chel èndega na tegnùa agrìcoła. Anca el scavo del canal Cavałin (ancuo canal Cason), chel xe stà bon a cołigar ła Laguna al Piave, el ga contribuìo a megiorar sta xona.
Daspò ła caxua de ła Serenìsima e l'istitusion dei comuni, Cavałin e Treporti łe xe stae parte de Buran e łe ghe xe 'ndae drio fin a co sto qua el xe stà meso drénto a Venesia (1923).
El comun de ancuo de Cavałin-Treporti el xe stà creà el 29 de marso 1999 levando via da Venesia el teritorio del pasà quartièr 9 "Cavałin-Treporti". Ła nàsita del comun ła xe stada posìbiłe grasie a na lexe regional seguìa da un referendum.
Fonte[canbia | canbia el còdaxe]
- ↑ URL de refarensa: https://www.istat.it/it/archivio/156224. Tìtuło: Superficie di Comuni Province e Regioni italiane al 9 ottobre 2011. Data de consultasion: 16 de marso del 2019. Editor: Istituto nasionałe de statistega.
- ↑ Statìsteghe del sito ufisial del comun
Cołigamenti de fora[canbia | canbia el còdaxe]
- Parco Turìstego de Cavałin-Treporti
- El litoral de Cavałin-Treporti Archivià il 4 de zunjo 2010 in Internet Archive.
Wikimedia Commons el detien imàjini o altri file so Cavałin-Treporti
el detien schemi gràfeghi so
| Controło de autorità | VIAF (EN) 240582091 · GND (DE) 7649842-6 · WorldCat Identities (EN) 240582091 |
|---|