San Làzaro dei Armeni

Da Wikipedia, l'ençiclopedia libara.
San Làzaro dei Armeni
(IT) San Lazzaro degli Armeni
San Lazzaro degli Armeni, Venice aerial photo 2013.jpg
Xiografia fìxega
Superfise0.03
Xiografia Omana
StatoITA
PoxisionŁaguna de Venesia
Fuxo orarioUTC+1
Demografia
Rexidenti22
Poxisionamento
45°24′43.12″N 12°21′41.12″E / 45.411979°N 12.361422°E45.411979; 12.361422 (San Làzaro dei Armeni)Coordinae: 45°24′43.12″N 12°21′41.12″E / 45.411979°N 12.361422°E45.411979; 12.361422 (San Làzaro dei Armeni)



San Làzaro dei Armeni ła xe na picoła ìzoła de ła łaguna venesiana, che ła se cata delóngo ad ovest del Lido; conpletamente ocupada da un monastièr che el xe ła caxa mare del ordene Mekhitarista. L'ìzoła ła xe uno dei primi sentri del mondo de cultura armena. El ixołoto, a na serta distansa da łe ìzołe prinsipałi che łe forma el sentro storego de Venesia, el gera inte ła poxision ideal par el stasionamento in quaranténa e vien cusì utiłixà dal XII secoło cofà leproxario (làzareto), riçevendo el rełativo nome da San Lazaro mendicante, patròn dei leproxi. Sbandonà inte el XVI secoło, inte el 1717 el xe stà oferto da ła Republica de Venesia a un grupo de mùneghi armeni che gera scampà da ła persecusion turca ad Istanbul, sinque ani dopo xe stà disposto soto ła protesion del Papa. Mekhitar e i so disète mùneghi i ga restorà ła Ceza e tirà su un monastièr, i sgrandise de quatro volte l'ìzoła fin a ła grandesa atuałe de 3 etàri.

Ła Ceza de San Lazaro
El giòstro del Monastier de l'ìzoła

Ła Ceza de San Làzaro dei Armeni ła ospita na bibliotèca de sirca 200 000 vołumi e un muxeo co pì de 4 000 manoscriti armeni e un mucio de manufati arabi, indiani e egisiani, intra i cuałi ła curióxa mùmia de Nehmeket del 1000 a.C., rancurài dai mùneghi o riçevùi come regałi. El monastièr e i rełatìvi xardini i pol eser raxonti col vaporeto numaro 20 da San Zacaria. Fin al 2008 ghe gera soło che na vixita guidà al dì, che se desvolzeva a łe ore 15:00 in coinçidensa co l'arivo del vaporeto che łasa San Zacaria a łe 14:45. Atualmente ghe xe ncora na vixita co orario da łe 15:5-17:25[*].

Grupi consistenti de turisti pol dimandar un xiro reservà a orari difarenti. Ła mesa ła se çelebra ogni domenega co rito catòłico armen a łe ore 11.00. Pare Vertanes ed altri pari mena łe vixite in varie łéngue.

L'ìzoła gà infinaménte na łonga tradision de ospitałità ai eruditi ed ai arlèvi de l'Armenia, infra i cuałi anca Lord Byron, che gà studià l'armèn là inte el 1816 e che se ricorda in una mostra permanente. Par ch'el poeta amase tanto ła speciałe Vartanush, marmełata de petałi de roxa che i mùneghi i produxe ncora deso grasie ai roxari coltivài inte l'ìzoła, alcuni dei cuałi da seno rari.

Bibliografia[canbia | canbia el còdaxe]

  • Alberto Peratoner (a cura di), Dall'Ararat a San Lazzaro (con contributi di P. Vertanes Oulouhodjian e P. Boghos Levon Zekiyan), Congregazione Armena Mechitarista.

Link foresti[canbia | canbia el còdaxe]

Altri progeti[canbia | canbia el còdaxe]

Controło de autoritàVIAF (EN136585010 · ISNI (EN0000 0001 2219 8386 · LCCN (ENn85026221 · GND (DE1009036-8 · ULAN (EN500312360 · WorldCat Identities (ENn85-026221
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=San_Làzaro_dei_Armeni&oldid=1054125"