Ìzoła de San Michièl
(it) San Michele  | ||||
 | ||||
| Sorte | Ìzoła | |||
|---|---|---|---|---|
| Rejon zeogràfega | Venèsia | |||
| Posto | ||||
| Rejon aministrativa | Venèsia (Itàlia) | |||
| ||||
| Bagnà da | Łaguna de Venesia | |||
| Dati e sifre | ||||
| Altitùdene | 1 m | |||
| Mezura | 0,39 ( ) × 0,46 ( ) km | |||
| Àrea | 0,176 km² | |||
|
| ||||
San Michièl ła xe n'ìxoła de ła laguna de Venesia, catada infrà Venesia e Muran. Ła xe conosùa in quanto, dal 1807, ła òspita el canpo santo de Venesia e ła granda quantità de personagi famóxi qua sepełidi ła fa un dei lóghi turìsteghi più frequentai de ła cità. Davèro ła xe formada da dó ìxołe, San Michièl e San Cristòforo de ła Paxe, unie terando un streto canal (1829) par ingrandir el canpo santo. Ancuo inte el canpo santo ghe xe sepełie persone de più rełigion, e parecia xente famoxa, come Helenio Herrera, Ezra Pound, Igor' Fëdorovič Stravinskij.
Storia
[canbia | canbia el còdaxe]
San Michièl, che ła tol el nome da ła Ceza dedicada al'arcànxoło, nasùa inte el X sècoło, ła gera dita na volta Cavana de Muran in quanto ła faxeca da spedal par łe inbarcasion de st'ìxoła qua. Inte el 1212 i se ga mesi qua i Camaldolesi che i ghe ga tirà su na biblioteca rica de 180 000 vołumi e 36 000 còdexi scriti a man. Co łe sopresion de Napoleon, el monestièr el xe deventà na prexon połìtega (i xe pasai, intrà i altri, Silvio Pellico e Pietro Maroncelli), donca, daspò el breve ténpo inte el qual ghe xe stai, a partir dal 1829, i Cordiłièri, ła xe deventada del canpo santo de San Cristòforo co ła xe sta unida a sta qua. Ancuo ghe xe ła famoxa céxa de San Michièl in Ìxoła, reałixada su progeto del'architeto Mauro Codussi a partir dal 1469 e considerada ła prima céxa rinasimental de Venesia.
L'ìxoła de San Cristòforo de ła Paxe, invese, ła xe sta dopradaa in orìxene par tirarghe su un mołin a vento (XIV sècoło), ma daspò ła gà ospità un ospisio femeniłe e donca un convento de Brigidini, daspò al quai i xe vegnui i Agostiniani. Ancuo ła łoga ła pìcoła céxa de San Cristòforo, finia drénto al canpo santo.
Altri Progeti
[canbia | canbia el còdaxe]
Wikimedia Commons el detien imàjini o altri file so Ìxoła de San Michièl
el detien schemi gràfeghi so
Cołigamenti da fora
[canbia | canbia el còdaxe]- Informasion del comun de Venesia su San Michièl Archivià il 4 de lujo 2011 in Internet Archive.
| Controło de autorità | LCCN (EN) sh2003002076 · GND (DE) 4574839-1 |
|---|