YouTube

Da Wikipedia, l'ençiclopedia libara.
Infobox de Sito webYouTube, LLC
URLhttp://www.youtube.com
Nome scursàYT Cànbia el vałor in Wikidata
Sorteservisio de rète sociałe e condivixion video
Comerso  ?Si
Iscrisionposibiłe
ExloganBroadcast Yourself (Traxmetate) fin al 2012
ŁénguaMultiłengoa
LicensaEULA (it) Traduzi Cànbia el vałor in Wikidata
Lenguajo de programasionPython e Go Cànbia el vałor in Wikidata
PropietàrioYouTube (en) Traduzi e Google Inc. Cànbia el vałor in Wikidata
CreatorChad Hurley, fondadore e CEO
Steve Chen, fondadore e CTO
Jawed Karim, fondadore e advisor
Entrada in servìsio14 de febraro del 2005 Cànbia el vałor in Wikidata
StatoStati Unii de l'Amèrica Cànbia el vałor in Wikidata
Premi
Clasìfega Alexa2 (24 de agosto del 2019)
2 (12 de zenaro del 2020)
2 (27 de zugno del 2020)
2 (13 de disenbre del 2020) Cànbia el vałor in Wikidata
Blòg ufisałehttps://blog.youtube/ Cànbia el vałor in Wikidata
IMDB: co0202446










Facebook place: youtube
Twitter: YouTube
Instagram: youtube





Youtube: UCBR8-60-B28hp2BmDPdntcQ


Pinterest: YouTube
youtube























GitHub: youtube




YouTube (in Vèneto "Iutùb") xé un sito web de video-sharing, fondà inte el 2005, inte el 2006. L'è de proprietà de Google Inc. e xe el terso sito pì visità al mòndo dopo, Google e Facebook. L'axienda ga sede a San Bruno (California) e, utiłixa ła tegnołogia Adobe Flash Video par visuałixare na vasta gama de contenùto xenera daji utenti de video, tra cui film, video tełevisivi e video musicałi, cossì come i contenui amàtoriałi come Video blog de brevi video orixinałi. La majior parte de contenui su YouTube l'è sta carica dai singołi individui o da vari grupi, talvoltà anca musicałi, e così, tanti divegnono famosi; anca se le società dei midia tra cui ła CBS, BBC, VEVO e altre organixasion i offre parte deł łoro materiałe tramite el sito, come parte deł programa de partnership de YouTube. Xe anca possìbiłe crearse el proprio canale, co tuti i video preferii.

Descrision[canbia | canbia el còdaxe]

You Tube utiłixa ła tecnołogia de Adobe Flash par tor xo i so contenuti. El so fin xe queło de ospitar soło che video reałixà diretamente da chi che łi carga, ma de frecuente contien materiałe de terse parti cargàe sensa autorixasion, cofà spetacołi tełevixivi e video muxicałi. El rispeto del regołamento del sito, che vieta l'upload de materiałe proteto da dirito d'autor se no se xe titołari, se baxa so' na verifica ex post de quanto proposto dai utenti.

You Tube consente l'incorporasion dei pròpi video a l'interno de altri siti web, e se ocupa anca de xenerar el codexe HTML necesario.

You Tube xe acesìbiłe conetendose al web co PC, coì Media Internet Tablet (M.I.T.) e co dispoxitivi che gà funsion simiłi. Xe acesìbiłe anca da tełefono cełulare senpre cołegandose al sito wwww.youtube.it.

Recentemente el sito dà ła posibiłità de vixionar, in modałità beta, alcuni filmati in HTMLS.

El limite de durata dei video xe de 15 minuti, paròmo i gà da eser masimo de 2 GB de "pexo" e i pol esar co diversi codec; a partir dal 9 disenbre 2010. You Tube gà conceso a utenti che gà cargà almanco un video e che no gà infrànto łe so "łinee guida" l'upload ilimità, riservà sołitaménte ai Partnership.

A partir da novenbre 2011, i upoload ilimitài xe posìbiłi anca fornìndo un nùmaro de cełulare vałido, in ùltima par descoragìr le infrasion a łe so norme de community; tute łe informasion se cata a ła pajina de cargadùra del video.

Storia[canbia | canbia el còdaxe]

You Tube xe stà fondà inte el febraro 2005 da Chad Hurley (aministrator demandà), Steve Chen, (diretor tecnico), e Jawed Karim (consegier), che gera stài tuti dipendenti de Paypal. El primo video cargà, a łe 20.27 del 23 apriłe del 2005, xe stà Me at the zoo de Jawed Karim. El video gà na durata de 19 secondi e el xe stà girà danànsi a ła cheba dei leofànti del zoo de San Diego. Xe suo anca el primo account, la prima registrasion sol sito.

You Tube xe el sito web che prexenta el maxor taso de cresìta. Inte el zugno 2006 l'azienda gà comunicà che xornalménte vien vixuałixài sirca 100 miłion de video, co 65.000 novi filmati de baìn xontài ogni 24 ore. L'azienda de anałixi Nielsen/NetRatings vałuta ch'el sito gabia sirca 20miłioni de vixitadori al mexe. L'incremento de popołarità ch'el sito gà avùo da ła so fondasion ghe gà parmeso de deventàr el terso sito più vixità inte el mondo dopo Google e Facebook.

Inte el agosto 2006 Sony cronpa par 65 miłioni de dołari el sito concorente Grouper. Questo avegnimento lasa presuponer a l'epoca ch'el vałor de You Tube sol marcà podese esare de sirca un miłiardo de dołari, ma ła stima se riveła sotodimensionà, parchè el 10 otobre 2006 Google Inc. conpra You Tube par 1,65 miłiardi de dołari pagài in asion pròpie.

A partir dal mexe de april 2006, You Tube gà tacà na inponénte atività de scançełasion dei video che vioła el copyright. El nùmaro de video ełiminài se agira datorno ai sentomiłe e xe stài sospexi i account dei utenti che co pì frequensa cargava contenuti in viołasion de łe norme sol dirito d'autor.

Dal 14 magio 2007 el sito oltre a esare disponìbiłe in inglexe, xe visuałixàbiłe anca ne łe altre lengue, anca in itałiàn.

Atension dei mèdia[canbia | canbia el còdaxe]

Grasie soratuto al pasaparoła online YouTube xe cresùo in modo rapido, fin da quando che xe stà creà, e ghe gà dà al so sito el so primo aumento de notorietà quando ch'el gà ospità el popołàr Saturday Night Live. Tutavia, ła łinea de condota de YouTube proìbise ła publicasion de materiałi proteti da dirito de autor e NBC Universal, propietaria de SNL, gà decixo presto de intraprender asion contro YouTube. Inte el febraro 2006, NBC richiede ła remosion de alcuni dei so contegnui proteti dal dirito de autor da You Tube, conprexa Lazy Sunday e łe imàxeni de łe Ołinpiadi del 2006. El mexe drìo, in un tentativo de fortesàr ła so połitega contro łe infrasion al copyright, YouTube gà meso un limite masimo de tenpo ai video, guałìvo a 10 minuti (fora che par i contegnùi spedìi atraverso el so programa inte el cuało se pol spesifegàr che se trata de video amatoriałi). Anpo', el limite masimo xe de 10 minuti e 58 secondi. Sta restrinsion de frecuente xe sorpasàda da chi che inserise video spartìndo el video orixinàl in segmenti pì cei o al masimo al limite conpagni.

Anca se YouTube gaveva fato ła so parte par vegnirghe incontro a łe richieste de NBC, l'incidente xe deventà na notisia publica, rendendo YouTube oncora pì popołare. Mentre el sito jera senpre più drìo cresare, NBC gà scomisià a capire łe posibiłità e inte el zugno del 2006 gà fato na mosa stranba. El network gà considerà el pròpio operà e ga cussì anuncià na ałeansa strategica co YouTube. Cofà parte de l'ałeansa, xe stà 'verto un canałe uficiałe de ła NBC so YouTube, ospitando filmàti promosionałi de ła Serie TV The Office. Inaxonta, YouTube, promovarà i video de ła NBC inte el so sito.

La CBS che in precedensa ghe gaveva chiesto a YouTube de scansełàr alcuni dei so filmati, s'a fata risentìr inte el lujo 2006. In un documento indicativo de come che jera drìo canbiàr la percesion de YouTube (e de siti simiłi) da parte de l'industria tradisionałe dei media, Sean Mc Manus, prexidente de ła CBS News and Sports gà dito:

Inte l'agosto 2006, You Tube gà anuncià che, entro 18 mexi, se augura de ofrìr ogni video muxicałe mai creà, finchè restarà a maca. Warner Music Group e EMI gà confermà che xe infra łe conpagnìe in tratative par rénder efetìvo sto progeto. In setenbre, Warner Music e YouTube gà parafà un pato, inte el qual You Tube sarà abiłità a ospitàr ogni video musicałe prodòto da ła Warner, mentre condividarà na parte dei recàvi publicitari. Inaxonta, i video creà dai utenti de You Tube sarà autorixà a uxàr canson de ła Warner ne łe so cołone sonore.

El 9 otobre, ła CBS, co ła Universal Music Group e ła Sony BMG Music Entertainment gò patuìo de fornìr contegnùi so YouTube.

El 29 xenaro 2007, el cofondador de YouTube, Chad Hurley, gà anunçià ch'el sito pagarà i utenti pì inportanti, staltri podarà anca deventàr propietari dei diriti de autor e davagnàr na parte dei recavi publicitari. Ad ogni modo, al Forum Econòmego Mondiałe, Mr. Hurley no gà dichiarà ła soma concreta che YouTube ghe pagarà ai pròpi contribuenti.

Avegnimenti recenti[canbia | canbia el còdaxe]

You Tube e SIAE[canbia | canbia el còdaxe]

Cołegamenti estèrni[canbia | canbia el còdaxe]

Controło de autoritàVIAF (EN144469555 · LCCN (ENn2007018166 · GND (DE7597411-3 · BNF (FRcb155961009 (data) · WorldCat Identities (ENn2007-018166
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=YouTube&oldid=1094040"