Provincia de Rovigo

Provincia de Rovigo
provincia
Foto aerea de el Poƚesine
Dati aministrativi
Stato	Itałia
Rejon	Vèneto
Cavedal	Rovigo
Presidente	Tiziana Michela Virgili (PD) dal 22/06/2009
Teritorio
Coordinae de ła Cavedal	45°04′00″N 11°46′00″E
Superfise	1 789 km²
Abitanti	248 049 (01/01/2012)
Densità	138,65 ab./km²
Comuni	50 comuni
Province confinanti	Ferara, Venesia, Pàdoa, Mantoa
Altre informasion
Còd. postałe	45100, 45010-45039
Prefiso	0425, 0426
Fuxo orario	UTC+1
Còdexe ISTAT	029
Targa	RO
Locałixasion
Sito istitusionałe

Ła Provincia de Rovigo ła xè na provincia itałiana che ła fa parte deła region del Vèneto. El capołogo el xè ła sità de Rovigo.

Ła confina a nord co łe province de Verona, Pàdoa e Venesia, a ovest co ła provincia de Màntoa in Lonbardìa, a sud co ła provincia de Ferara in Emiłia-Romagna. Ła confina a est co 'l Mar Adriàtico.

Giografìa

El teritorio de ła provincia el xe el Połéxine d'inqûo o 'l ghe se cata tuto rento. El gà n'àrea de 1 789 km² e a ghe stà 244 625 àneme ('nte 'l 2005). El xe un guałivo alto tra i -2 e i 15 m s.l.m..

El confin setentrional el va seconda del Àdexe a partir de Badìa Połéxine fin 'nte 'l mar, fora che 'l teritorio de Cavàrsere che 'l xe 'nte ła provincia de Venesia.

El confin meridional el va seconda del Po a partir de Mełara fin 'nte 'l mar. 'Nte ła provincia se cata tuto el delta del Po, e 'l confin el va seconda del Po di Goro.

Ła tera ła se ga fata da poco, tirà su da łe fiumane del Àdexe e del Po, che i ne ga dà un percorso fiso e dei àrxeni soło che in sti ùltimi tenpi. Cusì ła tera ła se sbasa par subsidentia parché ła se ga sugà co łe bonìfiche e deso ła xe drìo conpatarse; se gà xontà anca l'omo, che 'l ga tirà su l'aqua e 'l metano da sototera.

N'altro fiume el traversa ła provincia: el xe el Canal Bianco; pì ghe xe anca asè scołi de bonìfica parché el Po e 'l Àdexe i xe el primo e 'l terzo dei fiumi itałiani par portar aqua, e donca ghe xe asè aqua da tirar vìa. I scołi pì asè inportanti i xe el Collettore Padano, el Ceresoło e 'l Valdentro.

Ghe xe anca dei altri canałi che i xe stà inportanti par ła storia: i xe l'Adexéto, che 'l xera un vecio córso del Àdexe; el Poaso, che 'l xera un vecio córso del Po; ła fosa Polxeła, che 'l xera un vecio canal che se podéa navigar dal Canal Bianco 'nte 'l Po.

El clima el xe semicontinental e asè mojo; ghe xe sòfego d'istà e ghe xe nebia d'inverno. Ła piova ła vien xó normal, specie de primavera e d'autuno.

Demografia

Anca ai dì d'anqûo ghe xe xente che i emigra da ła provincia de Rovigo; i xe soratuto i xóveni che i va a laorar inte łe sità pì sviłupàe del Vèneto o de l'Itałia, e par questo che 'nte ła provincia ghe xe senpre pì asè veci. Ghe xe anca qûei che i migra da łe canpagne ma che i resta 'nte ła provincia e i va 'nte i sentri pì svilupài.

Comuni

Ghe xe 50 comuni 'nte ła provincia de Rovigo; i pì asè grandi i xe:

Comuni prinsipałi

Comun	Àneme (2005)
Rovigo	50 922
Adria	20 593
Porto Viro	14 484
Lendinara	12 198
Badìa Połéxine	10 741
Ociobeło	10 621
Porto Tołe	10 377
Tajo de Po	8 389
Rosołina	6 304
Viładóxe	5 285

Note

Transpadana Ferarexe

Itałia · Vèneto · Emiłia-Romagna · Provincia de Rovigo · Provincia de Ferara
Comuni: Bagnoło de Po · Bergantin · Canaro · Castelmassa · Castelnovo Bariano · Calto · Cenesełi · Ficarolo · Fiesso Umbertian · Gaiba · Giaciano · Melara · Ociobeło · Sałara · Stienta · Tresenta
Arian int'el Połexine · Corboła · Crespin · Papoze · Viłanova Marchesana
Fiumi: Po · Tàrtaro