Papaver rhoeas

Da Wikipedia, l'ençiclopedia libara.
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Rozołina
Rozołina
Papaver rhoeas mak polny small.jpg
Papaver rhoeas
Clasifegasion sientìfega
DomìnioEukaryota
RegnoPlantae
SotoregnoTracheobionta
ClaseMagnoliopsida
SotoclaseMagnoliidae
FamejaPapaveraceae
SotofamejaPapaveroideae
TribùPapavereae
ZènaroPapaver
SpeceP. rhoeas
Nomenclatura binomenałe
Papaver rhoeas
L., 1753
Nomi comuni
Rozołina, rozołe, papàvaro


Papaver rhoeas (L., 1753), comunemente conosesto cofà rozołe, rozołine, papàvari o papàver, ła ze na pianta erbàsea partegnente a ła fameja de łe Papaveraceae, orizenària de l'Eoràzia e Nordàfrica[1]

La spece, largamente difondesta inte l'eoropa, ła crese normalmente in canpi e soi ori de łe strade e ferovie. Da racuante persone ła ze considerada na pianta infestante.

Descrision[canbia | canbia el còdaxe]

Un canpo de rozołe

Łe rozołine łe ze on erba che ła crese cofà pianta anuałe, latifoje e alta fin a 80 – 90 cm.

El fusto el ze reto, coerto de peli rìzidi. Tajà el buta fora on lìcuido bianco.

I buti i ze verdi e a forma de uliva e péndułi. El fioro el ze roso, (racuanto raramente bianco), dai pètałi dełicai e caduchi, de frecuente macià de nero a ła baze in corispondensa dei stami de cołor nero. El fiorise in primavera da apriłe fin a metà luglio.

El ze vizità da łe ave pal so pòłine de cołor nero.[2] Le foje łe ze spanpanae so tuto el fusto.

El fruto el ze na capsula che ła contien on mùcio de samese picenine, reniformi e retegołai; i vien fora soto el stigma. Pètałi e samese łe ga lejere propietà sedative; łe rozołine łe ze parenti strete col papavero da oppio, dal cuało se estrae ła morfina.

Ła rozołina cofà sìnboło[canbia | canbia el còdaxe]

Inte i paezi anglosàsoni ła rozoła ła ze el sìnboło dei soldai morti inte ła prima e inte ła seconda guera mondiałe, ma anca inte łe altre guere in zenerałe.

Pi de precizo, ła vien portà sul bàvaro inte el dì del armistìsio o dì de ła rimenbransa o dì de ła rozoła. Sto dì el ze l'undeze de novenbre e el ze sta decidesto dal rè Giorgio V d'Inghiltera par onorar i soldai morti inte ła prima guera mondiałe (el ze stà el dì che ze finia ła guera).

Łe rozołine łe ze sta preferie parchè i canpi de bataja de łe Fiandre ghene zera pieni e da chel momento, Americani, Inglezi, Australiani, Neozełandezi, Canadezi e i altri del Commonwealth, ogni 11 de novenbre i porta na rozoła in memòria dei so morti in guera.

Notasion[canbia | canbia el còdaxe]

  1. (EN) Papaver rhoeas L.Plants of the World Online, Royal Botanic Gardens, Kew. entrada il 4 de febraro 2021.
  2. http://florabeilles.org/serie/papaver-rhoeas_apis-mellifera-5

Altri projeti[canbia | canbia el còdaxe]

Linganbi foresti[canbia | canbia el còdaxe]


Controło de autoritàGND (DE4331338-3
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Papaver_rhoeas&oldid=983191"