Viładóxe

Da Wikipedia, l'ençiclopedia libara.
Jump to navigation Jump to search
Viładóxe
comun
Viładóxe – Stema
Viładóxe – Veduta
Dati aministrativi
Stato bandiera Itałia
Rejon Vèneto – stema Vèneto
Provincia Rovigo – stema Rovigo
Teritorio
Coordinae 45°04′00″N 11°54′00″E / 45.066667, 11.9Coordinate: 45°04′00″N 11°54′00″E / 45.066667, 11.9
Altitudine 5 m s.l.m.
Superfise 32,50 km²
Abitanti 5 303 (31-12-04)
Densità 163,17 ab./km²
Frasion Canbio, Canałe de Viładóxe, Ca'Tron
Comuni confinanti Adria, Zernian, Rovigo, San Martin de Venese
Altre informasion
Còd. postałe 45010
Prefiso 0425
Còdexe ISTAT 029048
Còd. catasticałe L939
Nome abitanti viładoxani
Patrono San Leonardo
Dì de festa 6 de novenbre
Locałixasion
Italy location map.svg
Viładóxe
Italy relief location map.jpg
Viładóxe
Sito istitusionałe

Viładóxe el xe on comune de 5184 abitanti 'nte ła provincia de Rovigo.

Aministrasion comunałe[canbia | canbia el còdexe]

Sindaco: Gino Alessio (Sentrodestra) dal 30/03/2010
Centralino del comune: 0425 405206
Email del comune: info@comune.villadose.ro.it


Frasion[canbia | canbia el còdexe]

  • Canbio: el nome el deriva dal fato che intel so teritorio a ghe gera el canbio dei cavałi che i trainava i barconi ca pasava so l'Adexeto. El se cata a sirca 4 km a nord-est de Viładóxe so ła strada che porta a Ca' Emo.
  • Canałe de Viładóxe
  • Ca' Tron

Giografia[canbia | canbia el còdexe]

Viładose ła se cata in te ła xona medio orientałe del Połéxine e ła xe traversà dal fiume Adexeto, che ła divide in do parti.

Oltre a ł'Adexeto, ghe xe a nord ło scoło Seresoło ai confini con Rovigo e San Martin, Bresega poco pì a nord del sentro del paese e poco a Sud del xentro ło scoło Valdentro.

Viładose ła se cata quaxi a metà strada tra Rovigo e Adria

Storia[canbia | canbia el còdexe]

Da ritrovamenti archeołoghi a risulta che el teritorio el fuse xà colonixà inte ł'età romana parché Viładose la se catava a pochi km dal porto etrusco di Adria e ła gera l'entrotera par łe vie de comunicasion verso ł'interno.

Co' ła fine de ł'Inpero Romano a xe seguìo on periodo de forte instabiłità idraułica e de spopołamento.

Gino Braggion, intel so libro ... E... Villadose risorse... da secolari tribolazioni el ga descoverto che'l nome del paese el risulta scrito par la prima volte ai scuminsi del XIII secoło quando che in latin el se ciamava "Villa Ducis".

Intel 1484 Viładose - dopo ła guera del sałe tra Venesia e Ferara - l'è passà dała dominasion estense a queła venexiana dove l'è restà fin ała fine deła Repubblica intel 1797. Grasie ai venexiani a gera sta fati tanti lavuri de bonifica e lungo l'Adexeto i nobiłi venexiani i se ga fato far dełe bełe ville ca ancora al dì de onquò le ghe xe e qualcheduna ła ga ancora el nome de ła fameja venexiana.

El segno deła dominasion ferarese estense el se poe riłevare anca dal palaxo comunałe, ciamà Ca' Patella, dove i balcuni del piano tera le xe in stile ferarese e quełe dei piani pì alti in stile venexian.

Intel 1778 - grasie al vescovo deła diocexi de Adria Monsignor Arnaldo Speroni degli Alvarotti a Viładose xe sta istituia de novo ła parochia prima agregà e dipendente da queła de Buxo.

Poco dopo l'unità d'Italia Viładose la ga 'vudo tanta xente che l'è sta costretta a migrar verso el Sudamerica. Questo xe sta dovù a tante cause, ła pì importanta ła xe sta ł'ałuvion del 1882 parché ł'Adexe gheva roto i arzeni, ała crisi agraria e anche a ła represion połitega da parte de łe autorità che łe stava da ła parte dei proprietari de tere. A questo bisogna xontare ła guera comerciałe tra l'Itałia e ła Fransa.

Viładose l'è sta - ała fine dei ani '80 del 1800 - el comune połesan col pì elto taso de emigrasion, pari a oltre el 25 par cento deła popołasion.

Intel 1915 ła prima aministrasion comunałe dove ca ge gera anche i sociałisti ła ga scuminsià łe pratiche par comprare el palaxo Ca' Patella par farlo diventare sede municipałe.

Intel 1923 el palazo Ca' Patela el xe deventà ła sede del comune.

Intel 1928, in seguito ała eliminasion del comune de Ca' Emo, Viładose ła se ga ingrandio inglobando ła łocałità Ca' Tron.

Intel 1938 xe sta inaugurà ła Strada Statałe 443 - che cołega diretamente Rovigo ad Adria - ała presensa del gerarca fasista Giovanni Marinelli.

El 25 de apriłe 1945 a xe sta fuxiłà dai todeschi - visin ai muri del simitero - 20 partigiani ciapà a Zernian. I todeschi, dopo aver fuxilà i ostaj, i ga fuxiłà anca do omeni de łe brigate nere che i ghe gaveva dà 'na man inte l'operazion de rapresaja.

Dopo l'aluvion del 1951 xe scuminzià n'antra onda migratoria sopratuto verso Piemonte e Łonbardia.

Intei ani '80 a xe scuminsià i łaori par ła costrusion de ła nova grande piaza (piaza Barchesa) intel sentro del paexe sorta inte łe proprietà esproprià a ł'ultimo nobiłe venexian ca gaveva ancora proprietà intel comune, el conte Lorenzo Marcello Grimani Giustiniani.

Personaji ca xe nati a Viładoxe[canbia | canbia el còdexe]

Livri su Viładose[canbia | canbia el còdexe]

  • A cura de ł'Uficio Studi deła Provincia de Rovigo - Villadose, storia economica e sociale di una comunità Polesana - datiłoscrito (1964). 'Na copia ła xe conservà a ł'Accademia dei Concordi de Rovigo.
  • Gino Braggion. ... E... Villadose risorse... da secolari tribolazioni. Grafiche "Il Pilastrello", Łendinara, 1978.
  • Gianni Sparapan. Il canto delle angôane 1987
  • A cura de ł'Asesorato ała Cultura del Comune de Viładoxe: Villadose tra cronaca e storia con parece fotografie, testimonianze e modi de dir połexani. Linea ags edizioni - Stangheła - 1994.

Evołusion demografega[canbia | canbia el còdexe]

Abitanti censii


Gałeria fotografega[canbia | canbia el còdexe]