Tàrtaro-Canalbianco-Po de Łevante
| Tàrtaro-Canalbianco-Po de Łevante | |
 | |
| Longhesa | 147km² |
|---|---|
| Portada mexana | 218,40 m³/s |
| Basin idrografego | 2 885km² |
| Altitudine | 47 m s.l.m. |
| Nase | Povejan Veronexe |
| Afluente | Adexeto, Menago e Tione |
| Sboca | nte'l Mar Adriatico |
| Rejon traversae |  Itałia |
| Poxision | |
| 45°01′48″N 11°30′00″E / 45.03°N 11.5°E | |
 | |
El Tàrtaro-Canalbianco-Po de Łevante el xe 'l soło fiume che 'l sfocia 'nfra 'l Adexe e 'l Po 'ntel mar Adriatico. El xe uno dei pochi fiumi tałiani che 'l nase in pianura da połe insieme ai so afluenti. I paesi pu' grossi in dò 'l passa nel veronese l'è Vigasi e Nogara.
El trato del fiume che 'l pasa 'ntel Połéxine el xe un canal scavà.
Nomi[canbia | canbia el còdaxe]
El xe ciamà con tri nomi difarenti:
- Tàrtaro par 52 km, 'nte łe provincie de Verona e de Mantoa, fin a Toreta de Legnago;
- Canalbianco o canal Bianco par 78 km, 'nte ła provincia de Rovigo, fin a Volta Grimana de Porto Viro;
- Po de Łevante par 17 km, fin 'ntel mar.
Ghe xe ancora qualcuni che i ło ciama Tàrtaro da Toreta fin a Canda, par 18 km.
Łe risorgive[canbia | canbia el còdaxe]
Łe risorgive o fontaniłi del Tàrtaro łe xe łocałisà sol confine dei comuni de Vilafranca e Povejan.
I rixi[canbia | canbia el còdaxe]
Łigà al bacin del Tàrtaro el xe el rixo viałon nano. El ga come carateristica queła de esare coltivà in aree irigà co' aqua de risorgiva.
La conca de Canda[canbia | canbia el còdaxe]
A Canda, a Nord del paes, 'l fium l'è interoto dala Conca de Canda, che la sè formada da 'na diga che sbara 'l fium per alzar l'acqua del Tartaro e poder navigar cole barche sul fium sin a Toreta de Legnago. Visin ala diga ghe sè apunto 'na conca che la mete in condision le barche de pasar la diga 'n su o 'n zo. Quan che la sè stada fata se pensava che ghe saria stà 'n gran trafico come suzede coi canai 'n Germania, ma 'nveze 'l trafico lè 'n gran scarso.
El corso[canbia | canbia el còdaxe]
'Nte ła parte sud del so percorso 'nte ła provincia de Verona el tołe su łe aque de risorgiva de tuti i comuni deła parte sud ovest deła provincia stesa.
'Ntel bacin idrografico del Tàrtaro a ghe xe 'na estension masima ca corisponde ałe Vałi grandi Veronexi, par po sararse 'nte on unico alveo canałisà ca core łongo tuta ła provincia de Rovigo.
El xe on fiume che ciapa nomi diverxi longo el so percorso. Prima che'l fuse canałisà el gera on afluente del fiume Po, e proprio par questo no 'l ga 'na lunghesa definìa.
Ła parte finałe ciapa el nome de Canal Bianco, el ga come afluenti inportanti el Menago, el Bussè e el Tione col quałe el se unise a Gazzo Veronese, dove, visin ała confluenza, sorge ł'oasi del Busatello, riserva naturałe afidà al WWF
Ła lunghesa del fiume Tàrtaro ła xe de 52 chiłometri, mentre el trato del Canal Bianco el xe de 95 chiłometri, ła łungheza totałe del fiume dałe sorgenti al mare ła xe de 147 chiłometri.